ساعدوني بالحل ...إمام مسجدنا يعاكسني في غياب زوجي

الأسرة والمجتمع

السلام عليكم ورحمة الله وبركاته
أخواتي أرجوكم أنا محتاجة مشورتكم ونصائحكم في الموضوع التالي :

أنا زوجي مؤذن وطبعا جارنا هو الإمام (سكن المسجد)
زوجي انسان طيب جدا وعلى نياته ....
اضطر زوجي يسافر خارج الرياض لإجراء عملية وصرت أنا وعيالي لحالنا في البيت
طبعا ماعندنا أقارب في الرياض أبدا ممكن ننام عندهم او يجون عندنا....
بعد خمسة أيام تقريبا من سفر زوجي تلقيت إتصالات على هاتف المنزل (فيه كاشف رقم)
وعرفت إنه رقم الإمام ...حتى صوته مميز جدا ما يحتاج كاشف!!
وصار يقول لي كيف الحال.. ولما قلت له غلطان ... قال : أكيد !!
ومرة يتصل ويقول أهلين وسهلين !!
المهم ... أنا طبعا علمت زوجي وانصدم جدااااااااا
لكن المشكلة أنا قاعدة أفكر هل أخلي زوجي يناقشه بالموضوع مباشرة بعد ما يجي من السفر .؟؟
طيب إذا ناقشه ...كيف بنعيش جنبهم :(
كيف أمام ومؤذن ...ويصيرون متزاعلين؟؟؟ كيف يتاعملون مع بعض؟؟
بنتي تروح مع بنته للمدرسة مع سواق أمه :(
إذا قلتوا لي أنقل ... صعب جدا ننقل في الوقت الحالي ...

يعني أنا أفكر ايش بعد المواجهه؟؟
أم نؤجل المواجهة وكأنه ما صار شي؟؟

أرجوكم ساعدوني الله يجزاكم خييييييييييير
زوجي باقي له يوم ويجي إن شاء الله
57
8K

هذا الموضوع مغلق.

Rosee
Rosee
الله يعين .. امام مسجد يطلع منه كل هذا

الله يهديه


بس صعبة والله

اختي زوجك لا يكلمه ولا يناقشة !!! شو تتوقعين هذا عرضه ويناقشه ويقوله انتي تغازل زوجتي؟؟؟؟!!!!!

اختي اول ما يجي زوجك ينقل على طول باسرع وقت او يوديكي انتي وعيالك عند اهلك ليما الله يفرجها عليكم والله يستر علينا
شموع الامل**
شموع الامل**
يطلب من الشئون الاسلامية والاوقاف
انه ينقل مسجد ثاني
محارة لؤلؤ
محارة لؤلؤ
بصراحة الموضوع ما يبغى له سكوت ...الله يفرج همك ...ويسهل لك امرك ...

خلي زوجك اول ما يجي ...يكلمة وجها لوجة مو بالتلفون ويقول خير اهلي شايفين رقمك بالكاشف وتكلم
بمصاخة ...خير ما تدري اني مسافر ....وكذا بهداوة حتى يعرف وش نيته هذا ...

لاحول ولاقوة الابالله امام مسجد ...طيب اول ما يدق عليك الرجال هذا واذا هو رقم البيت ...ارجعي وقت الصلاة اذا هو بالمسجد كلمي زوجته قولي ... رقم بيتكم موجود بالكاشف وش تبغووون ...

بس ما ادري انا عارفه انه اللي تحسين فيه غير واللي اقوله يمكن خيال ..بس والله حاسة فيك

الله يستر علي وعليك وعلى جميع المسلمات ....ولا تنسين الدعاء بأن يكفيك الله شرة ويرد كيدة في نحرة ...
نصورة
نصورة
الله يجزاكم الف خير على سرعة الرد

بالنسبة للنقل صعب جدا في الوقت الحالي لأني أدرس ماجستير ودراستي صعبة وداخلين على امتحانات وماعندي احد يساعدني اذا نقلت
يعني اذا فكرنا يمكن على بداية الاجازة :(

وبخصوص إني أكلم أهله والله إني ناوية إني أفضحه إن شاء الله عند أهله (متزوج اثنين بعد)
بس قلت يمكن أحسن بعد مايناقشه زوجي ...عشان نعرف إيش هدفه بالضبط
لأني حاسة إن هدفه مو معاكسة
أنا حاسة إنه هدفه يمسك علي شي عشان يشكك زوجي فيني ...ما أدري بس أحس كذا
مياس 22
مياس 22
لاحول ولاقوة الابالله وش هالامام هذه مايستاهل يصير إمام مسجد ابدا وين اخلاصه لله وتقواه
وهو يصلي بالناس المفروض يخاف على حرمة زميله وهو غايب .
لا ياختي خلي زوجك يأدبه ويعدل اموره بعد لان هذه شرف مو اي لعب لان لو سكتوا على هالشيء راح
يتمادى وماتدرين وش يسول له الشيطان وهذا مايأتمن شخص خان الامانه وخان ربه وياليت يشلونه من المسجد ..
واذا قدرتوااا تنقلون بعد احسن لكم من هاالامام ..
والله الهادي الي سواء السبيل..