كوبونات الراقية تسجيل الدخول

موني السمبوسة
موني السمبوسة •
اذا ما عندك اي مشاكل صحية اتكلي على الله وسفريها لان الشغاله هم

صدقيني راح ترتاحين نفسيا وتحسين بحرية اكثر في بيتك
يمكن تتعبين شوي في البداية بعدين تتعودين ولما تنظمين وقتك راح يكون كل شي سهل
الله يسعدك ويسدد خطاك
الحياه حلوه ..
الحياه حلوه .. •


الله يوفقكم يابنات عالم حواء ..

والله انكم عزوه ماشاالله عليكم ..

كل رد من ردودكم خذيته بعين الإعتبار ..

اللي أيدوا ذهاب الخادمه الأخوات :

1- بنت نجد
2- لــيـــنــا
3- ام سهى
4- تـــوبــاز
5- موني السمبوسه



واللي ما أيدوا :

1- غمزة عين

2- فله ووناسه


والحل الوسط :

لرايقه الرايقه ..


والحقيقه برغم أن المؤيدات أكثر ورايهم هو الأقرب لنفسي ..


ولكن اللي عارضوا بعد رايهم درسته بإهتمام وخصوصاً إنه يضرب عالوتر الحسّاس اللي انا خايفه منه ..

وحل رايقه كان ممتاز لكن التسفير والرجعه صعبه ولاعندي حد مؤتمن اقوله خل عندك الشغاله شهر وارد آخذها ..

ولكن أنا قلت بوديها يومين ثلاثه بيت حد من خواتي بعذر ان عندها شغل ولا أي شي ..

وخلال هالكم يوم بجرب نفسي بس بيكون من بداية الأسبوع الجاي ..

يعني على يوم الأحد تقريباً ..

وبخبركم التطورات إن شالله .. ولاتملون إذا غثيتكم بالشكاوي من التعب ..:(


واللي عنده بعد شور غير لاتبخل علي به..

فمن كان في عون اخيه كان الله في عونه ..




أقول ذكروني شو أخليها تسوي قبل أوديها ..

يعني شغلات صعبه مثل تمسيح الجدران وتنظيف الكبتات من داخل ..وشو بعد ..
الحياه حلوه ..
الحياه حلوه .. •
فله ووناسه فله ووناسه :
شوفى اختى دام زوجك مو مقتنع ان الشغاله تروح اجل بكره لا تعبتى بالشغل او بديتى تتشكين راح يقولك احسن انا قلت ما تروح بس لو هو مقتنع راح يشكرك على كل شئ تسوينه خليها بس يكفى تغسل المواعين وحوسه المطبخ
شوفى اختى دام زوجك مو مقتنع ان الشغاله تروح اجل بكره لا تعبتى بالشغل او بديتى تتشكين راح...
بنات نسيت أقولكم شي ..


أحس إني حزييييينه وايد على الشغاله .. ماشاالله عليها طيبه وبناتي يحبونها ..

واحس قلبي يعورني اني بقطع رزقها ..

وربيعتي تقولي يمكن ماتحصلين وحده زينه وطيبه مثلها ..

خصوصاً ميزة الطيبه هذي ماتتحصل بسهوله ..

ولكن عقلي يقولي وديهااااااا ..

وماادري اطيع منو فيهم ..

أو كيف أريح ضميري .. واخليه يتفق مع عقلي في الشور ..

آسفه من قلب والله ادري أزعجتكم .. لكن انقل لكم أفكاري اول بأول ..



-----------------------------------------



ونسيت اسألج اختي غمزة عين ..

شو ظروفج إنتي يوم استغنيتي عن الخادمه ..؟

يعني بيتج صغير ولا كبير .. عندج 2 - 3 اطفال ولا اكثر ..

ضيوفكم وايد ولا شوي .. لأنج أقلقتيني نوعاً ما بردج ..
تولان
تولان •
انا بوقلك تجربتي
انا موظفة هذا رقم واحد ورقم2 عندي طفلين كلهم تحت 5 سنين وبيتي كبير يعني مو قصر لا فله صغيره اصغر حجم لا وايجار يعني مافيها اي استعدادات غسالة الملابس في السطح
والمطبخ في الدور الارضي والعائلة تجلبس في الدور الوسط بين السماء والارض وسعيدة الحظ(انا)مسئوله عن الغسيل ثم تنزل لتطبخ وتطلع لتنشر الغسيل (ماعندي نشافه للاسف) ثم تنزل وتحضر الطعام وتصعد به لمكان جلوس العائلة وبعد ان ينتهون من الزط (الاكل بلغة المعصبين)انزله واغسله بس الحمد لله عندي غسالة صحون ثم اطلع لجمع الغسيل وتجهيز ملابس اليوم التالي واجهز فطور بكرا واقوم بالضيافة للعائلة الكريمة شاي قهوة وما الي ذلك اعملي حسابك ان كل طلب بنزله صعده
المهم ان وقتي غير منظم واكثره في الشغل وبيتي حالته ماساويه من ناحية الخدمات(مو خدمتي لا ماء كهرباء اثاث) بس الى الان مامت ودايم اقول راحة نفسيه وتعب جسدي حتى اذادقت الساعة الصباح اصيح وابكي ما ابغى اروح ولا اقوم
كني قلبت اتشكى بس تبين النصيحة بدون شغالة احسن لك لان ظروفك اسهل مني ور تبي نفسك شغلك خلصيه في وقت دوام زوجك الي هو غرفتين واذا تورطتي وماقدرتي تصرفين الموضوع جيبي وحده بالساعات مره في الشهر خليها تنقذ مايمكن انقاذه
تنظف المطبخ من جوا والجدران وما الى ذلك
بس تسفرينها وعقدها ما انتهى صعبه شوي والا استخيرى بس ربي يكتب لك الصالح المبارك
العش الهادي
العش الهادي •
فله ووناسه فله ووناسه :
شوفى اختى دام زوجك مو مقتنع ان الشغاله تروح اجل بكره لا تعبتى بالشغل او بديتى تتشكين راح يقولك احسن انا قلت ما تروح بس لو هو مقتنع راح يشكرك على كل شئ تسوينه خليها بس يكفى تغسل المواعين وحوسه المطبخ
شوفى اختى دام زوجك مو مقتنع ان الشغاله تروح اجل بكره لا تعبتى بالشغل او بديتى تتشكين راح...
حبيبتي ..........انا لي ثمان سنين متعودة على الشغالة ، صح يأخذون منك شغل البيت لكن يأخذون منك سعادتك ورحتك مع زوجك وعيالك ، والله انه عندي اتعب جسديا ولااتعب نفسيا
لا وازيدك من الشعر بيت ،دائما مسويه مشاكل بيني وبين اهل زوجي طبعآ بالفتنة ( زي تقول لهم المدام قالت لاتشتغلين عندهم ، والله انه من يوم ما ندخل عندهم وانا اخليها تروح تشتغل وانا اللبس عيالي وغسلهم ، عندي 3 اطفال الله يحفظهم . وبعد ام زوجي الله يهديها بس تسالها وين رحتو ؟ وايش اخذت المدام البيت اهلها ؟ ووالدي يصرف على اهلها ؟ وانا اهلي جدا ميسورين يعني ابوي راتبه اعلى من زوجي بس أيش تقولون ؟
انا اقول حرمه كبيرة واعتبرها زي امي وكثير اتغافل علشان زوجي .>>>> اسفة كتبت معاناتي
ومن يوم ماراحت وان ناوية ماجيب شغالة ، بيتي ماشاء الله 6غرف ، و3حمامات وغرفة غسيل صح اتعب بس من يوم افكر قد أيش سوت الشغالة فيني ( حتى اهل زوجي معاملتهم صارت احسن الحين معاي لانه يفكرون ان الشغالة اجيبها لبيت اهلي وانا اهلي عندهم شغالة غير شغالات اخواتي الله يهديهم اجمعين )
نصيحتي لكي اذا ناوية وتعقدين الحزم فستسعدين ان شاء الله ، لانه مافي زي الوحدة في بيتها جنتها ،
زوجي أمس قلي ابغى اجيب شغالة لك علشان شايفك تتعابين فقلت انا مرتاحة كذا .
وماشاء الله بيتك صغير _ وعندك طفلين _ فأن شاء الله ربي يساعدك ويعطيك العافية

اطلب منكم السموحة على الاطالة
وطلب ثاني معليش انه ربي يسخرلي زوجي ، ويعطيني العافية :26: