ساعدوني بالله عليكم وادعولي الله يفرج همي

انا لي ثلاث سنوات متزوجه وعندي ولد والحمدلله وزوجي وربي يحبني ويموت فيني ومحترم معاي وماعمره غلط علي رغم اني كنت اتلفظ عليه وكنت اعتذر ويسامحني ع طول
حصلت ف شوال مشكله اللي هيه اخت زوجي اتهمتني اني اكلم طليقها على برنامج الانستقرام ومافي اي دليل يثبت اني اكلمه وهذا الحقيقه ولله الحمد وسببتلي مشاكل مع زوجي واهله زوجي ماعنده لديه شخصيه قويه او متفاهم بمعنى اصح ماعنده شخصيه قدامي يسوي نفسه واقف معاي ومصدقني ولمن يكلم اهله يصدقهم
فيه تسجيلات صوتيه لاخته وهي تتهمني بعلاقه مع طليقها شفتها ف جوال زوجي ومن ضمن التسجيلات بانها تأكد ع زوجي ان فعلا كلمته ومن ضمن الكلام صارت تخاف ع رجال بيتهم مني
حاولت اكلم اهل زوجي واتفاهم معاهم لكن للاسف مافي اي استجواب كلهم يشوفوني اني وصخه وانا السبب ف طلاق بنتهم رغم انو هيه اللي خلعت زوجها لان كان يضربها ضرب مبرح
ابوي تفاهم مع زوجي وتفاهم مع ابو زوجي لكن ابو زوجي للاسف مصدق بنته بدون اي دليل لان بنته مريضه نفسياً ومرضت اكثر بعد ماخلعته فجلس يداريها وبعدين يقول مالي دخل ف كلام الحريم وامي من حرقة قلبها عليا ارسلت رسالة لام زوجي كلام قوي انو بنتي وش تبي ف طليق بنتك وهو كان يضربها ولايصرف عليها وكلام زي كذا ي بنات يعني متخيلين طليق اخت زوجي صراحه الله لايبلانا يضربها ويهينها وضربها ف الشارع ومو محترم ويقذفها ويقذف اهلها واخرتها يقولو انا اكلمه وش ابي فيه بالله !!!!
المهم رجعنا انا وزوجي بس تحسون فيه حساسيه بيننا هو يحبني وانا مازلت احبه بس قلبي محروق لان امه وصلت تتكلم ف شرفي عند الناس ومابقت احد الا قالت فيني شي ! وكلمت زوجي وقلت يرضيك امك تتكلم فيني وتتكلم ع شرفي ترا انا شرفك والناس بيشوفونك منت رجال قال خليها بكيفها امي عشان محروق قلبها ع رسالة امك وقلت ي امي سوي اللي تبين
وربي من بعدها استحقرت زوجي وحسيته انسان ثاني وكل خميس وجمعه يسافر عند اهله ويخليني عند اهلي ولمن يرجع من عند اهله القاه متغير ١٨٠ درجه وكل شوي يطلع لي بطلعه جديده وكل يوم مشاكل
لين اخر شي قال بسافر عند اهلي وبجلس اسبوع وارجعك قلت طيب وراح عند اهله وانتظرته اسبوع اسبوعين وسحب عليا وكلمته قلت وينك ليه ماتجي قال وين اجي ؟ قلت تعال خلاص انا وولدك نبيك قال وليه تصدقيني وتثقين فيني انو راح اجي وبس قال هذا الكلام وانقهرت وقلت انت بزر وماعندك شخصيه انت انسان تافهه وقفلت ف وجهه وجلس يكلمني واتس وقال وربي لربيك ي قليلة الادب وبطول عند اهلي وقلت انقلع انت عديم شخصيه خلاص اهلك لعبو ف عقلك وجلس يرد للامانه معاي باحترام وانا عيبي اذا عصبت تكلم بكلام مو تمام ، المهم اخر شي قال خلاص اخلعيني ومتنازل ع نص المهر ومارديت عليه وبلكته من كل مكان وماعطيته وجه وجلس يكلم اخواني واخواني بلكوه وماعطوه وجه واخر شي ابو زوجي اتصل ع ابويا وقال خل ولدي يشوف ولده والنفقه جايه قال ابوي حصل خير ومن بعدها عرفت انو مافي خير وابوي ارسل لزوجي ايش يعني نفقه ايش قصدو ابوك وجلس زوجي يحكي ابوي انو انا اسبه واتكلم عليه وخلاص نبي انفصال وابوي قال طيب جيب ورقة الطلاق والنفقه قال زوجي تمام
المهم كملت زوجي واعتذرت منه وكلام كثير واخر شي قال انا مو مرتاح من المشاكل انا ابيك بس بدون مشاكل والشرط عشان ترجعي امك تعتذر من امي عشان الرساله !!!
امه محروق قلبها من الرساله بس سمعتي ف ستين داهيه !! حاولت معاه انو ماينفع اعتذار لان امك مابقت مكان الا تكلمت ف شرفي مارضي وكل شوي يهددني بالطلاق وعرفت ان مافي امل
اخر محادثه بيني وبينه انو كان يبي يشوف ولدي وياخذه عنده شوي ويرجعه قلت اسفه تشوفه اوك بس تاخذه لا وانقهر مني وبرضو جلس يهددني بالطلاق وقال حتى شرط رجوعك مو راضيه تسوينه انتي وامك وقلت انت فكر وش تبي وقرر واسمعك قال انفصال مع السلامه وقلت مع السلامه وطنشته اسبوعين وكلم ابوي بعدها يبي يشوف ولدي وابوي انقهر انو خير يبي يشوف ولدي زي مايبي ولا طلقني ولا رجعني وكمان لانفقه ولا مصروف !!
وابوي رد عليه قال وين ورقة الطلاق ليه تأخرت قال طيب يصير خير
وكل شوي يرسل لبوي عشان ياخذ ولدي ساعتين ويرجعه وابوي مطنشه لان جد ابوي محروق دمه منه
يعني مافي اي سبب يخليه يطلقني صح غلطت بكلامي عليه لكن هوه غلطان لان كذب علي وخلا اهله يتحكمون عليه وضغطو عليه واهله تكلمو ف شرفي
صراحه مابي طلاق ولاشي وهو واضح واحلف بالله انو يبغاني بس عنده مشكله مع نفسه ومدري وش الحل سويت كل اللي علي ومافي فايده
حتى ابوي قال مقدر اكلم زوجك واقول تعال بعطيك فرصه لان اعطاه فرصتين ومافاد كله بسبب اهله ماشي وراهم
اللي ابي اعرفه يقدر يطلق بسهوله وفجأه القى ورقة طلاقي ؟ ولا لازم جلسات وبعدين اصلاح ؟
لان صراحه ودي اصلاح اول شي مابيه يتهور ويطلقني
وبالله عليكم ادعولي والله لي شهرين ف بيت اهلي ومو عارفه بيطلقني ولا لا ! مع انو ماقال انتي طالق ولا قالها بس قال ورقتك بتجي ومدري ايش واحسه كذاب بس يبني اترجاه او يخوفني