عندي شغلات شاريتها لوحه ومعاليق جدارية للفوط بالمطبخ .. ودالوب حمام ووووووو
الزبدة ... وشلون أعلقهم
ودي أعلقهم مثل هالمختصين يعني أجيب (دريل ) وأخرم لهم بالجدار وأعلقهم بس ما أعرف كيف أستخدم الدريل .. وثقيل مررة ..
وله كام راس وشو الراس اللي أستخدمه للحفر.
بعد وشو اللي يحطونه قبل المسمار ويدخلون جواته المسمار لونه أبيض.. يعني لما أحفر أحطه ثم أحط المسمار وأعلق..
بنات زوجي مسافر وأخاف أجيب حد يخرم لي جدراني .. ولااازم أكون معه علشان أوريه الأماكن مضبوطه ..
فقلت خليني أنا أعلق الأشياء ..بس ما أعرف.. بيتي جديد أخاف أخرب جدراني..
أدري غثيتكم بسالفتي بس من قلة الحيلة ودي تفيدوني
اللي سبق استخدمت دريل لتعليق اللوحات تعلمني
وهذي صورته للي ما يعرفونه
:26::26:انتظركم :26::26:
أولا حطي الراس اللي يناسب شكل المسمار
ثانيا ثبتي الدريل في المكان اللي تبينة وشغليه ..طبعاً هو بينفضك:eek: بس حاولي تثبتين نفسك
ثالثاً حطي البلاستيكه البيضاء داخل الخرم اللي بالجدار
رابعا اكربي المسمار في اليلاستيك حتى يبقى منه جزء بسيط برا الجدار
خامساً واخيرا علقي اللوحة
والله يهنيك ان شاءالله في بيتك ويرجع لك زوجك بالسلامة