ساعدوني بتفسير شخصية زوجي

السلام عليكم ورحمة الله وبركاته
حبيباتي عالم حواء ( كل الشكر لكل عضوه اضافت موضوع استفدت منه و رد نفعني وغيري )
بالبدايه هذي اول مشاركه لي وكم تمنيت انه يكون موضوع افيد فيه غيري لكن ان شاءالله في استفساري وردودكم
في احد يستفيد بإذن الله

الاستفسار علاقتي بزوجي صارلها او خلونا نقول من زمان الى الان وهي تعبانه ومااقدر اصنفها تحت اي تصنيف!
انطاعي عنه بعد خمس سنوات زواج ان شخص عنيد وعصبي ومستفز ومغرور ( دايم يكرر انا فلان ولد فلان، ودائما كل ماقام من النوم لو مافي شي يزعل يدور الحاجه ويغصب عليها يعني طبع كريه ، وكلماته مايختار بالهواش الا كلمة انتي ضعيفه ومسكينه وكلمات كأنها تهديد وانه بيضحك الناس علي ، ذكرت الاشياء السلبيه والاشياء الايجابيه لاصار مروق ومزاحه حلو يسمع كلامي يجيب اللي اطلبه اخيان يكون ذرب في تعامله
اما انا في تصرقاته هذي السلبيه اثرت فيني وصرت عصبيه لانه بالاساس يعصبني لو بسبب تافه صرت مكتئبه من كثر مايحط وينزل بقيمتي احييانا اتحاشى وجوده واجلس لحالي لكن يجي ويذب كلمه تخليني ابكي من القهر
يمكن ماوضحت كثير لكن بالبي قريتوه وش تنصحوني بطريقة تعاملي معه
اذا هو شخص نكدي وانل حساسه واقل شي يضيق صدري
ودي لتناقش معه وافهمه طبعه لكن هو مستحيل يغلط نفسه
هذا طبعه وطول هالمده عرفت ان علاقاته محدوده ودايم يذكر لي انه متهاوش مع فلان وفلان واذا قال لي السالفه اكتشف انه هو اللي مخطي غليهم بس واثق من نفسه انه على صح وعنده نظره لنفسه انه افضل رجل وهو من جد لاجلس مغ رجال يالله اسمع صوته وهذا شفته لاجلس مع اهلي او اهله من الرجال
ياترى وش شخصيته هالرجال وش طريقتي لازم تكون معه
لأنب بدت تقل ثقتي بنفسي واعتزلت كل شي صرت بس افكر وادعي ربي يهديني لحل بالتعايش مع هالشخص
اتمنى ماتبخلون علي بردودكم عسى رد ينفعني ويوجهني
وشكراً لكم