مساكم ورد
بنات انا واثقه فيكم .. وماخاب من استشار
انا زوجي اول مايستلم الراتب يسلمني اياه كامل ويعتمد عليه في تقسيمه بحيث انه مايأخذ الا مصروف بنزين سيارته وفطور العمل يوميا فقط والباقي تحت تصرفي ...
عنده فقط 1500 قسط السياره
نبدأ بسم الله
راتبه 6100 الله يطرح فيه البركه يارب
عندنا قسط السياره 1500 ريال
وطبعا لأننا نعمر بيتنا فأصريت عليك يأخذ قرض من بنك التسليف قسطه 800 ريال
والحين اصريت عليه كمان يأخذ قرض قسطه 1100 ريال عشان نشتغل في تشطيب البيت وطبعا هو معارض الفكره بس طقيت له الصدر وقلت علي مسؤؤليتي ولا راح تحتاج لأحد بأذن الله
الحين الا يبقي من الراتب حدود 2700 ريال يارب يبارك لنا فيها
عندنا فاتوره تلفون وديسيل 180 كل شهر وفاتوره كهرب الشقه تقريبا من90 الي 100 وكمان فاتوره كهرب البيت الجديد بحدود 40 الي 50 كل شهر
يعني يمكن يصفي لنا 2400
يالله يابنات ابغي لها حسبه حلوه بحيث اننا ماننزنق نهايه الشهر
عندنا طفلتين وحده مايحتاجون لاحليب ولا حفايض الحمد لله وحده اولي مصروفها كل يوم 4 ريال وفطورها من البيت ووحده 4 سنوات ... تقريبا اقضي من السوبر ماركت كل شهر بحدود 700 والشهر الا بعده 500 لان الاساسيات متوفره بس بنهايه الشهر ارجع اجيب نواقص ب200 تقريبا ...
يالله انتظر اقتراحاتكم وتتوقعون اني وهقت نفسي بالقرض الجديد .. انا عندي مبدأ اتعب شويه بدايه حياتنا ولما نخلص قروضنا نرتاح ونفلها ...
يلزم عليك تسجيل الدخول أولًا لكتابة تعليق.
im-tired
•
طيب ما شاء الله عليك مرتبه وضعك .. بس اقتراحي لا تقضين من السوبر ماركت تقضي من سوق الجمله
ماشاء الله تبارك الله عليك برافوا نظريتك صحيحه والله يتمم بيتكم على خير ويهنيكم فيه نبدا يالتقسيم سوي ظروف وقسمي فيها كالتالي 2400 120 ريال مصروف بنتك 4 في 30 يوم خليها على جنب 600ريال مصروف بقاله كل يوم 20 ريال مابين لبن وخبز وزبادي بيبسي على حسب انتو وش تحتاجون 700 مقاضيك الشهريه 200 اللي نهاية الشهر للسوبرماركت 300 حطيها طوارئ كل شهر واذا ما احتجتيها خليها بظرفها لا تصرفيها 400ريال كل اسبوعين اطلعوا بـ 200ريال مطعم او حديقه يتونسون البنات
كذا إن شاء الله بتكفي بس كل ظرف يبقى فيه فلوس لآخر الشهر وما انصرف رحليه لظرف الطوارئ
اتمنى يا اختي اني افدتك ودعواتك لي بالولد الصالح
كذا إن شاء الله بتكفي بس كل ظرف يبقى فيه فلوس لآخر الشهر وما انصرف رحليه لظرف الطوارئ
اتمنى يا اختي اني افدتك ودعواتك لي بالولد الصالح
الله يرزقك يأم بناتي بالولد الصالح ياااارب ... بس ماحطيتي مصروف زوجي كل يوم 30 ريال مابين بنزين وفطور واي شي يحتاجه ..
وبالنسبه لو اقضي جمله بالكرتون اتوقع تنسف ام الميزانيه لان اغلب طلباتي من السوبر ماتنفع بالجمله .. وللاسف الثلاجه العالميه مو موجوده في مدينتنا .. انتظر اقتراحاتكم
وبالنسبه لو اقضي جمله بالكرتون اتوقع تنسف ام الميزانيه لان اغلب طلباتي من السوبر ماتنفع بالجمله .. وللاسف الثلاجه العالميه مو موجوده في مدينتنا .. انتظر اقتراحاتكم
الصفحة الأخيرة