ساعدوني بتقسيم المهر.

للرفع

30 الف طيب
مو شوي والله
والحمد لله المدينة فيها بركة
ان شاء الله تكفي وتزيد
بس لاتشتري ذهب كتير
اكيد رح تجيها طقوم دهب هدية
اعتقد انها كفايه
مبروك

الله يسعدك ويهنيك بس انا اشوف انه بعض الاشياء ممكن تستغنين عنها

اذا هي موجوده عندك

يعني زي الاكسسوارات مو ضروري تشترين جدد

حتى الجزم والشنط لا ترمينهم ممكن الالوان اللي عندك ما تشترين زيهم

وكذا

هلا حنو
كيفك حبيبتي من زمان عنك ومبروك على اختك وعقبالك يارب انتي واختي وبنات المسلمين اللهم امين


الدهب اول شي انتوا اهلكم يجيبوا دهب للعروسه ولا لأ اذا يجيبوا اكترهم دهب لا تكثر
خليها تاخد 4 بناجر ذهب من غير فصوص تنفعها وقت الزنقه
وتاخد اسورة تقيله وفخمه مع خاتمها على كيفها بلاتين او اصفر
تاخد سلاسل طيبه يقعد عندها شي تقثيل وغالي وتاخد اصفر وابيض
وتاخد كم تعليقه فخمه تواجه فيه اهل زوجها
بنات هدولا اليومين ماصاروا يهتموا في الدهب التقيل زي حق زمان
هذي يمكن تكلفها 8000 ريال
واذا اهلكم مايجيبوا هدايا دهب تشتري عليها طقمين دهب المهم لا تكثر من الدهب وخصوصا اللي بفصوص

الملابس
ملابس النوم والبيت والاندروير هذي تكلفها تقريبا 3000 ريال وهذه تكلفتها اذا راحت تشتريها من ماركات
زي نعومي ولا سنزا وايتام وسلامه
ملابس الخرجات على حسب ماركه معناته غالي وطبعا لاتكثر من التيورات الرسميه اذا كانوا مو حقون خرجه كتير 3000 ريال
فساتين السهره اتنين كفايه عشان لو كترت راحت موضتها واذا حملت راحت عليها ماتدري هيا تجي على قدها بعدين ولا لأوهذه كمان 3000
ريال
المكياج
2000 ريال وروحي لعطور المدينه في الدخيل عنده مكياج حلو
وكمان نصيحه روحي لمكياجي الشدو 45 لون ب99 ريال
البلاشر حق الخدود كمان حلو من عنده تاخد لونين وردي والتاني برونزي
والكحل كمان من عنده نوبا اسود حالك او كحل لوك ابو عشره ريال تلاقيه في كل مكان والوان كتيره وثابته ماتروح لاتشتري من الغالي
كريم الاساس تاخد غالي للافراح اذا تسوي لنفسها المكياج واذا تروح لمشغل خلاص مو لازم تشتري كريم اساس ماكس فيكتور ممتاز وخفيف
الاضاءه تاخد كمان بس تدور عند محلات المكياج العاديه مو الغاليه هي نفسها بس هذه ارخص بكتير

العطور
لا تكثر منها نصيحه اولا هي ماتدري ايش ذوق زوجها يمكن ماتعجبه العطور اللي هيا تحطها
بس تشتري اربعه
عندك كوكو شانيل هذا قديم بس حلو وكمان جيرلان وعندك بربري وفي عطر اسمه فراجيل جوته حرمه والعطر فيه اكلين دهبي هذا روعه للمناسبات
هذه العطور التلاته ماتكلفك اكتر من 1000 ريال وكان اقل يسير بعد الزواج تشتري مع زوجها

الكريمات
تاخد مجموعه كامله تاخدها من نكتار او زهور الريف احلى من بودي شوب
وكريمات تانيه للوجهه اللي دايما تستخدمها كلها ماتكلف اكتر من 700 ريال

بقي مكياج العروسه وهذا اظن 2000 ريال
لاتسوي عند المشغل حق العنايه الا اذا كان من ضمن الالفين
ولا تسوي بنفسها في البيت تجيبوا وحده تسويلها دلكه سودانيه او حمام مغربي مايكلف 400 ريال
وخليها قبل الفرح بشهر يوميا تحوس في وجهها وشعرها كيرمات وخلطات وزيوت وتاكل اكل صحي وتبتعد عن السهر

الشنط والجزم
تاخد جزمه سودا مع شنطتها وجزمه كحلي مع شنطتها هذه اساسيه للخرجات
عاد الصنادل الله يكرمك روحي خطوات وقشي جميع الالوان اللي تبغاها وترى بضاعة خطوات شبيه ببضاعة ناين ويست بس فرق بسيط في الشكل وفرق كبير في السعر
الشنط عندك اكسسورايز الشنطه بحدود ب149 ريال وفيه اقل بس روعه
يعني الشنط بجزم 1500 ريال تروح خطوات اهم شي

الملابس
عندك مانجو تيورات حلوه وكمان بنطلونات ب100 ريال وفيه اغلى وكمان عندك جينيفر في الدخيل 2 بنطلونات وبلايز اسبورتات حلوه للخرجات العاديه
وروحي كمان سوق المسره هناك محلات تبيع ملابس حلوه حق خرجات عاديه وفيه في سوق الدخيل محل اسمه الرفه بلايز حلوه عنده واسعارها طيبه
وفساتين السهرات عندك مجمع قباء فوق نفس اللي عند لمسات المدينه بس ارخص ب1000 ريال وخامتها احلى
الملابس الداخليه تلاقي في مجمع القمه اللي في قربان اشياء روعه ب15 ريال وب10 ريال ومحد يصدق سعرها
وكمان الساحه عنده صنادل حلوه وكمان قمصان نوم حلوه ب20 ريال

هذا اللي عندي واي استفسار تاني انا تحت امرك عيوني

افتكرت شي
اي نزله للسوق لازم تكتبها بورقه عشان تعرف كم صرفت فيها عشان لا تضيع الفلوس وهيا ماتدري