ساعدوني بتنظيم الوقت بين الدراسة عن بعد وتنظيف البيت

ا

الله يعينكم يارب
فعلاً و اشوف قرار الدراسة عن بُعد صعب كثييييير يارب ما تمر هالاسبوعين الا و قرارهم حضوري ..


شوفي حبيبتي ضروري تتعاملي مع هالجائحة ب فترة الدراسة كأنك ب رمضان
يعني اشتغلي ع المفرزنات
البلاستياكات
و الطبخ ب الورقيات و الالمنيوم ..


الملابس اخّريها للويكند
الخميس غسيل و ترتيب
الجمعة گوي


الغُرف اللي ما تحتاجونها صلحي لها تنظيف عميق و قفليها ب المفتاح و لا تسمحين ل احد يستحدمها نهائيًا

الله يعينك

ربي يسعدكم على التفاعل والردود ، بطبق بإجازة اليوم الوطني واشتغل عالتنظيف والمفرزنات فعلا فكرة روعه
ربؤ يجزيكم خير، ويسعدقلبكم

اول شي لازم نتفاءل وكل شي من الله خير
ثانيا اختي لاتكلفين نفسك الا وسعها....انا كنت مثلك واشد وقسم التنظيف يشهد لي لكن انهد حيلي وجاتني الامراض
الحل طنشي وتغاضي مولازم يوميا لا تتعبين واسالي مجرب
حاولي تخففين من اغراض البيت الزايده
وتقتنين منظمات تريحك كثير كثير
سوي تنظيف عميق مريح في السنه مرتين...يكون عميق للبيت وحتى لو في السنه ثلاث مرات يكفي...من غسل ستاير وشبابيك ونجف وكنس فوق الدواليب ونحوها ...فيه امور تتكرر من غسل مراوح الحمامات ومروحة المطبخ هذي ممكن تقريبا مره في الشهرين مع الطبخ والغبار لابد
باقي البيت خففي على نفسك وقسميه ف الاسبوع
يعني انا صرت الحوش مع الدرج يوم
...في اليوم الثاني امسح الرفوف والمرايا وغيرها...واغسل الحمامات
اليوم الثالث يكون للكناسة ومسح البلاط
نفس البيت اقسم الاشغال ومايمر الاسبوع الا ومريت على الشغل كامل بس مفرق عشان مااتعب....
بصراحه الحمامات والكناسة كنت شبه يومي بس تعبت خلاص صرت فقط مره او مرتين ف الاسبوع وباقي الايام مسح ع الخفيف
الكوي كنت اكوي كل شي بس خلاص تعبت كثير وصرت اكوي اشياء الزيارات فقط ...
لايكلفنا الله الا وسعنا ترا لجسمك حق
الكبار خليهم يدرسون بنفسهم ووقت الصباح ارتاحي واسترخي وتقهوي
الطبخ حاولي تجهزين مسبقا ترتاحين شوي
واي سؤال تحت امرك