بالتوفيق ياقلبي
بس اسمحيلي بعض الاماكن مالها داعي
* زيارة افاموزا مرة مشوار ساعتين ونص .. وغير كذا تصلح لايلي معهم اطفال ..
* صن وي لاقون .. ليش تنامو يومين ماتستاهل المبيت ابدا ..
هي تبعد عن كوالالمبور 20دقيقة بالسيارة , روحو الصباح للألعاب المائية
وبتقفل 5المغرب بعدين خذو جولة عالمنطقة حولها والمراكز وتعشو وارجعو ..

*بالنسبة لحديقة الفواكة بكوالالمبور ماانصحك واستبدليها بالحديقة اللي ببيننق احلى واروع .
*انصحك بزيارة عالم تحت الماء اللي بكوالالمبور رائع ..وزيارة (بينينق هيل-القطار الجبلي) هذا في بينينق روووعه .

*برضو عندك مناطق بارده وتشبة لجبال هايدي وانتم عرسان لازم الاسترخاء لاتخلو ايامكم كلها طلعات وصخب وبحر
التنويع حلو ..
هالمنطقتين هي .. بوكيت تنجي وهذه تبعد ساعه عن العاصمة بالسيارة
وتستحق ليلتين اقامة .
وكاميرون هايلاند تبعد 4ساعات بالسيارة عن العاصمة وتستحق 3ايام اقامه .
ملاحظات :
1- بالنسبة لجنتنق وصن وي لاقون لاتروحوها بالويك اند حقهم(السبت والاحد) لانها زحمة .
كذلك الثلاثاء يصادف الالعاب المائية بصن وي لاقون مغلقه للصيانة .
2- بوكيت تنجي افضل وقت زيارتها السبت والاحد لوجود الفعاليات , والاتفاق مع تاكسي للذهاب والعوده منها مع اخذ رقم جواله
للتأكيد ..لان التكاسي بها غير متوفرة (فقط الباصات فيها).
3- منطقة بوتراجايا .. رائعه وخذي جولة بالنهار نص يوم , وتبعد ربع ساعه عن العاصمة .


واذا بغيتيني اساعدك انا زرتها 5 مرات ماليزيا , ولفيتها شهور كنا نقعد فيها
اذا تحتاجي فنادق افضل قوليلي الميزانية لليله الواحده ..

اولا: سفرة سعيده ومبروك والله يوفقك

صن واي فندق رووعه وفي الفلل حلوه اذا ميزانيتكم تسمح فوق 1000 وفي الغرف ممتازه بعد

،،،وبالنسبة للنشاطات حلو الالعاب المائية وعندكم المول الي جنبه وهو براميد مره حلو

لانكاوي برنامجك حلو فيها واذا بتحجزون برجايا يا تاخذون الشالية فوق الماء او بطلوا منه لان

باقي الغرف مو قد كذا

بس الشاليهات غالية ممكن فوق 1500 احنا حصلنا عليه عرض وناسبنا شوفي العروض

وانصحك افضل عرض اخذيه

الفنادق الي دوري عليها عروض(برجايا فقط غرفة البريمر فوق الماء والويستن وبلانجي بيتش )

كوالا برنامجك حلو فيها ماعاد حديقة الفواكة صادقة اخت سلاف الي ببينق افضل وبالنسبة للفندق

ماعرفه بس انصحك باحدى فندقين شولان او مايا

الله يوفقك و يرزقك بالذريه المتعافيه
نصيحه في لانكاوي روحي لفندق الوستن لاتروحين لبرجايا اخذت شاليه على الماء كئيب ب1700 فلوس على الفاضي و السياره اللي تنقلك لبهو الفندق تتاخر الوستن رووووعه
واخر خمس ايام احجزوا بفندق التريدرز روووعه

مرحبااااااااااااااااااااا @الف مبروك اختي الزواج والله يتمم لك على خير

برنامجك حلو مره الصن واي حلو اول يوم باللالعاب الى العصر وبعدين بالمجمعاللي جنبه مره يجنن
اليوم الثاني روحي لمنتجع الماينز عباره مجمع تجاري وفيه رحله بقارب يمشيك وبوريكالفندق والاسماك وتمرين فندق الخيول الذهبيه مرررره حلوه وفيه حديقة الحيوان والالعاب والمغرب شوفو النافوره الراقصه

لنكاوي خيييييال وفعلا تصلح للعرسان وفندق برجايا جدا حلو اختارو ديلوكس بريمير مو اللي فوق البحر لا مطل على البحر منظر ولا اروع وقريب للقريه الشرقيه والتلفريك وباقي الاماكن انتي ذكرتيها
بينانج مره ونيسه بس خلي عنك باي فيو مره شين واسكني ببارك رويال او قولدن ساندس موقعهم حلو السوق الصيني بالليل على الرجلين ويوسع الصدر وروحي جوله من الفندق موغاليه ويمر بك على كذا مكان وروحي رحلة الصيد عن جد تغيير
كوالا الفندق مره حلو وهادئ وفطورهم روعه وكل شئ على الرجلين شارع العرب قريب والبافليون والتايمز سكوير والمطاعم كل شئ قريب منك وعلى الرجلين وانتم عرسان اكثر متعه وروحي منها لجنتنق والعبوا واستانسوا ولا تخلين في نفسك شئ من الوناسه والدلع ولاتسكنون فيها ....روحو لبوكت تينجي من كوالا في يو الاحد حلوه وافاموزا لاتروحون بس مسافه ماتصلح للعرسان وروحو البرجين وحذيقته ومجمع سوريا..ياليتي مانسيت شئ هههههههههه رحله سعيده وزواج موفق يارب واعذرين على كثرة القرقه

يعطييييكم الف عااافيه ماقصرتوا

سجلت مقترحاااتكم عننندي

ويعطيكم العاافيه خواتي بنات حواء ماتقصرون >،<