ساعدوني بحل .مدري وش اسوي

السلام عليكم..
خواتي انا في حيره ومدري كيف اتصرف .
دخلت ولدي روضه ..طبعا دوامت معه كم يوم لين تعود..وامس داومت معه صباح وصرفه جاء ابوه اخذه..اليوم كمان دوامت معه صباح وقلت له برجع البيت ابوك بيجي لك في صرفه ..وقال خلاص ماما روحي البيت ..وفعلا رجعت البيت وجلس ولدي لين صرفه جاء ابوه بياخذه من روضه ودق الجرس تبع روضه لان روضه مافيها حارس هذا نظامها بدون حارس..المهم وقف زوجي عند الباب ودق الجرس يقول اسمع صوت ولدي يبكي ويصرخ وراء الباب..
يقول دقيت الباب مره ثانيه وقلت للاستاذه الي تكلمني من وراء الباب اسم ولدي ويقول جلست تنادي بالمكرفون باسم ولدي ..ولولد معها وراء الباب يصرخ ويبكي ..شوي الا طلع ولدي لزوجي وساله اش فيك قال الابله سحبتني تبغى تركبني الباص وانا قلت لها ماابغى الباص..طبعا ولدي خاف وتعقد من شي اسمه روضه..المهم انا من نفس الوقت رجعت للروضه واخذت ولدي معي ورحت اشوف اش الي صار..لقيت المناوبات عند الباب قالو ..ولدك كان بيطلع واحنا منعه قلت كيف يطلع قالو كان بيركب الباص واحنا عارفين انو مو مسجل في الباص قلت ولدي قال انو وحده منكم سحبته بالقوه تركبه الباص..جات وحده من المناوبات قالت ايوه في واحده اسمه نفس اسم ولدك ولما نادين الاسم ولدك قام وفكرانو بنطلعه للباص ..قلت طيب هو جالس يبكي ويصرخ ويقول انا مابغى الباص ليش ماترجعونه لين يجي ابوه..جات وحده من المناوبات قالت ليش ماتداومين معه قلت دوامت معه كم يوم وانا تركته اليوم عشان شفته خلاص تعود وماصار يخاف لوحده..وامس رجع البيت وحده بس اليوم جاني يبكي عشان سالفة الباص..
المهم انا دحين مرفوع ضغطي منهم وخايفه ع ولدي لانو يقول ماعد بروح الروضه وصار يخاف مرره..
اش اسوي انا بكره بداوم معه ومدري اش بسوي الايام الجاي
وع فكره ولدي تمهيدي السنه الجاي مدرسه