ساعدوني بحل مشاكلي ابي اتغير ارجوكم

السلام عليكم 








انا عندي مشكله واعتبرها قويه وعائقه لي بحياتي ،، انا اذا دخلت مكان فيه ناس كثير ابدا اعرق وارتبك وقلبي يرررجف ويديني ترررجف ورجولي وحتى مع السواليف مع الناس بالبدايه ماعرف اتكلم واكثر مشكله تارقني هي بلع الريق ويطلع صوت اذا اتضايق ولاشرب شيء بالجمعات انحرج جدا حتى بالباص اذا شربت ماء يطلع صوت وصرت ماعاد اشرب ،،انا تعبت بالجمعات اول شيء ارتبك بعدين بعد ساعه لاخلاص  اصير طبيعيه وجريئه حدا بس بالبدايه،، وعندي مشكله ثانيه بشخصيتي اذا احد سبني او قال كلمه عاديه حدا ازعل بقلبي وافكر بكلامه وانقهر ودي الناس يصيرون ماعاد يهموني ابي قلبي يصير قوي ولا اتاثر اذا احد قالي لبسك مو حلو او اي شيء او انتي دب انحفي  طول الوقت افكر ويضيق صدري ودي افرح واستانس ويصير اخر همي الناس وكلامهم ،،انا ماقدر اروح للدكتور نفسي فابي حلول ارجوكم ولكم الدعاء ساعدوني








انا اعتقد الي فيني عدم ثقه بالنفس ورهاب اجتماعي وحساسيه 








ارجوكم لاتنقلونه هنا اكبر  تجمع