ساعدوني بحل هالمشكله الغريبه

السلام عليكم ورحمة الله وبركاته ..

والله اول مره اتم ساكته ولا اعرف شو اقول او اقل شي اعلق على هالمشكله .. لاني اول مره اسمع عن انسان بهالطريقه ...

اختي متزوجه من اربع سنوات ..

يعني دوووم يستوي مشاكل ويا زوجها بس عادي يعني انقووول ما في بيت يخلى من للمشاكل

لكن ..

يت بيوووووم قالت ابغي الطلاق من هلزوج ولا احب اعيش معاه ..

قلنا لها وشو السبب ولا طاعت تقووول .. قالت مشكله خاصه ولا بقوول ..

يعني الصراحه الحق يقال ..

هو انسان ما مقصر معاها بشي ابدا مكان ما تبغي تسير ..

شهريا راتبه يستلمه ويعطيه لها وهي تدير شئون البيت ..

ولا عمره مد ايده عليها ...
كل اللي بغته اييبه لها ..

يعني ماشالله حياتها زينه وعلى راحتها وكيفها اتسوي اللي تباه ..

استغربنا انا قلت يمكن ما ينام معاها ولا شي ..
يعني عقب محاولات وياها انا والاهل عرفنا السبب
وياريتني ما عرفت ..
اتقول انه ريلها تقريبا ما يسبح الا بالاسبوع مره ..
وريحته دوم مب شي ..
وكله ولا ريحة حلجه لانه ما يفرش الا بالسنه حسنه..
وذا نام معاها اتسبح بماي وخلاص ..
ولا بغى يطلع حط معطرات على جسمه وخلاص ..
ولا يهتم بشكله ((واحنا ملاحظين هالشي ))
يعني اتقولي يوم اييني موول ما اطيقه ولا اطيق ريحته ..
اتقووووول حاولت ونصحته وايد وايد المشكله انه يعتدل يومين ويرد مره ثانيه والصراحه انا استحي كل مره اقوووله ..

و عموما عقب ما سمعنا هالكلام ما عرفو الاهل شيسوون استحو يخبروه .. فقالت اختي العوده بنخبر امه واتقووله ..
المهم ..
عرفت امه والصراحه ما قصرت وخبرته انا اتوقعت انه اول ما بيسمع انلكلام بيطلقها ((يعني مب حلوه هاه اختي قايله هالكلام)) بس اللي صار ..

انا يعني تم ساكت وعارف انه هالشي صدق ..
الصراحه فضييحه العايله تقريبا كلها عرفت ..
عموما قال خلاص انشالله وبعتجل .. والله اتصدقون حتى انه يوم ايقول هالكلام لاخوي ..اخوي مستحي ..

عموما ردوو لبعض وتمووو 6 شهور ..

والله من يومين قالت لي انه بعده على حالته الاوليه ده بس ما طاعت اتقول شي ..
والحين هي محتاره شتسوي .. عيزت من ا لكلام والله لو ياهل بيتعود ...

والله ما اعرف شو اقولها ..والله تميت ساكته .. ماعرفت شقوول

اتقوول انها ه لدرجه فليل ما تروم ترقد من ريحته .. واحيانا يوم ايي صوبها ترده او تمشي معاه بالغصب ..لانه اذا ما مشت معاه بيزعل ولا بيطلعها ولا شي ..

الحين ما اعرف شقووولها والله سااااااااعدوني يا اخواتي ..
والله غامضتني :06: