شوشوالامورة @shoshoalamor_1

محررة

ساعدوني بخبراتكم انا حامل وتعرضت لأشعه الريموت

السلام عليكم

كل عام وانتم بخير حبايبي انا كنت مسافره عند اهلي واليوم جيت وابي استشيركم اللي عندها خبر ومعلومه

اكيده تجاوب بليز ماني ناقصه خوف...

المهم اخوي وهو جالس على التيلفزيون وانا رايحه جايه من قدامه مشغوله واقوله لا تظغط على الريموت اذا تعديت

المهم سار يعاند ويوجهه علي كل ماتعديت من جنب التيلفزيون حط الريموت وظغط انا خايفه موووووووووووت واذا

جلست لوحدي اقعد ابكي من الخوووووووووف انا حامل بالشهر الثالث وقلت لزوجي وزعل وهاوش اخوي وقالي اذا

اخوانك كذا مرا اجيبك بيت اهلك ...........

الله يخليكم طمنوني يصير شي للبيبي والا مره وحده ما يأثر.......

بروح الدكتوره بكره عندي موعد وياترى يبان بالكشف اذا الجنين فيه شي والا سليم...

الله يوفقها بحياتها ويدخلها الجنه بغير حساب اللي ترد وهي متأكده...

لا اله الا الله سبحان الله وبحمده سبحان الله العظيم

18K

يلزم عليك تسجيل الدخول أولًا لكتابة تعليق.

تسجيل دخول

نوني الامورة • 13 سنة

الله يرزقك بطفل سليم حسن الخلق والخلقة

كرزة* • 13 سنة

ماادري هل من جدك انتي تتكلمي ولا بس تستهبلي علينا ,,لا وحتى زوجك نفس حكايتك

الكمبيوتر او اللاب توب اللي منه كتبتي مشكلتك هذي مو فيه اشعة

الجوال فيه اشعة ,,في الأسواق في كميرات فيها اشعة .................................

يااختي الأشعة في كل مكان وبإذن الله اشعة الريموت ماضرتك ,,لاتقعدي توسوسي وتوسوسي زوجك معك ترين بتتعبين مادام كذا وتوك بالثالث ..

استودعي جنينك كل يوم وبعدي الوسواس عنك ..

الله يتمم لك حملك ويقر عينك بشوفة طفلك على افضل حال ..

*أم فارس* • 13 سنة

حبيبتي لا تخافين مو لهاالدرجه لاتخلين الخوف يسيطر

شمعة فؤادهـ • 13 سنة

ان شاء الله مافيك شي والجنين بخير ان شاء الله

بس خففي من الجوال واللاب اهـــــم شي

ربي يسهل عليك وتولدي بالسلامه
ويرزقك الطفل السليم المعافى
الحسن الخَلق والخُلق..

leona • 13 سنة

شوشو صدق انك تحفه
من جدك انا قلت ابدخل اشوف وش اشعه الريموت توقعت اشعه اشعه خطره
مو توقعت حقت التلفزيون
لا تخافين ماراح تضرك