ساعدوني بخصوص بوفيه يوم الجمعة ان شاء الله

السلام عليكن

خواتي
بإذن الله رح اسوي بوفيه لأخواتي يوم الجمعة إن شاء الله على الغداء
وطبعا لأول مرة اسويها
واستفدت وايد من الأخوات هنا الله يجزيهن الخير :)
فالحين أتمنى تساعدوني
رح احطي قايمة للأكلات اللي بسويها بإذن الله..وانتوا خبروني شو اللي يصلح أفرز يعني احطيهم في الفريزر ومتى اسويهم

ورق عنب (سويتها اليوم وفرزتها :) ) مع العيش مالها..بقت زيادة
كبة..رح اسويها باجر ان شاء الله..ما اظني بتخترب بالتفريز
أقماع التونة..الاقماع بسويها من قبل والتونة مجرد حشو

فطاير مشكلة..يصير افرّزها من باجر؟ رح اسويها بعجينة العشر دقايق
بطاطا محشية باللحم المفروم..نفس السؤال السابق

حمص
ثوم
فتوش وتبولة... هذيل اقدر اسويهم بالليل لحتى غدا الجمعة

شيش طاووق..بسوي من يوم الاربعاء ويوم الخميس بحطيهم في الاعواد+المسخن ؟ زين ولا شو تنصحوني؟
سمك محشي بالخضار في الفرن..نفس السؤال السابق
كشري..في الصبح ولا شو تقولون؟
يمكن برياني أو مرق ربيان الهندي..في الصبح.. ولا ؟

الحلويات اختي رح تسويهن ان شاء الله

يالله قولولي شو اسوي قبل وشو اللي افرز :)