انا اقولك ان الولاده عندهم احسن لانه بيساعدونك تولدي طبيعي مو زي بعض المستشفيات يخوفونك ويولدونك قيصري اختي تقول ان الولاده كانت اهون من التنويم عندهم وانه الكل نفسه زينه والقابلات فلبينيات وزينات بس التنوم قبل الولاده مو زين يعني روحي وانتي عنك ولاده وانا ثلاث من خواتي ولدو عندهم ولا في اي مشكله

انا مو من الرياض ماولدت في بس على كلام بعض الحريم اللي اعرفهم ولدوا فيه
ان الدكاتره على كفاءه عاليه وممتازين
والقابلات مايجلسون عند اللي تصارخ يتركونها اما الهاديه يكونو عندها
بعض الحريم الله يهديها تصارخ وتصج الدنيا وتخرع اللي بالغرف جنبها من صوتها
اهم شي الدكاتره ممتازين واستشارين
يمكن عيبهم الاثاث قديم بس مو مهم
والاثاث انتي مو ساكنه عندهم كلها يوم وبتطلعين
واغراضك جيبيها معك وريحي عمرك
كل شي يهون ولا العمليه اللي طايحين فيها المستشفيات الخاصه

وترا التساهيل من رب العالمين وادعي ربك ان يرسل لك دكتوره ولا قابله تكون طيبه
والله يسهل عليك

مشكورين ...

وفعلا ..الولاده والتساهيل من رب العالمين ..وانا مايهمني اثاثهم وديكورهم ..على قولتك

انا منيب ساكنه عندهم كلها يوم بالكثير وانا طالعه ...

والله يسهل لنا ولاداتنا يارب ..ويحسن خلقة اطفالنا ..

حبيبتىانا ولدة بنتى البكر فيه اللحين عمرها 14 سنه مشاء الله
اذكر فى ذاك الوقت انه لابئس به لاكن كان عيبه مليان وفيه الحابل والنابل يعنى جميع الاجناس تولد والمشكله الحقيقيه تولدين فى نفس الغرفه اللى يتم فيها الانتظار
وكمان منعيوبه معاكى فى نفس الغرفه حرمة تولد بجنبك بينك ستاره
فى ايامى كانت اللى بجنبى مصريه وانا بكريه يعنى اول مره رعبتى طول الوقت من كثر الصراخاللى كانت تصارخه والقابله تظربها على فخوذها تبيها تسكت والغرف الثانيه اسمع اللى يصاروخون ودكاتره يصارخون عليهم ونفسهم فى خشوهم لانه مره زحمه زى ماقلت من جميع الاجناس والى كمل الهم انه الاخت لما جات تولد صراخ وشدى وصياح بعدين صوت البيبى يعنى وش تتوقعين صار فينى وان بكريه انقفل الرحم بدل مايفتح من كثر الخوف والاخت تنظرب وان اتادب ولاكلمه ولا نفس يعنى انعكس على نفسيتى ايام ولما بديى الراس بالضهوركانو مدخلين وحده تطلق توها جايه واكتمل الفلم الهندى بانه شافت الحدث والبنت بدت تطلع راسها اعتقد انه حالحرمه معاد جابت عيال بعد هالمشهد يعنى فوضه بعدين حذفونى فى سيب وحطو البنت معى يعنى ماودوها الحاضنه وجلست فى الممر تونى مخلصه معاناه ولازلت اسمع صراخوضرب وحده تقول للدكتور حط بنج وهو يقول تحملى وشوىودفونى علشان يودونى غرفه بس اكتشفو الغرف مليانه ويستنون خروج الوالادات قبلى علشان يحطونى بها الغرفه يعنى قمت العذاب وبعده حرمت اولد فيه حتىانى ما اذكر ماشفت وجبه ولدت الظهر وامى الله يحفظها جابت لى اكل على العصر وطلعت الظهر اليوم الثانى اكيد كان فيه وحده مرميه فى الممر تبى الغرفه وعلى فكره بالنسبه للخياطه حطو بنج بس كنت احس بالخيط والابره حسبى الله عليهم
اعرف انى حكيت قصة حياتى بس حبيت اخبركم بالمعاناه اللى شفتها
هذا كله قبل 14 عاما فما بالك اللحين اذا تبين النظافه والاهتمام شوفى غيره اما بدورين علشان الولاده نفسها فالتساهيل من الله مال احد دخل فيها

مشكورين ..

طيب شورو علي بمستشفى زين عنايته ونظافته ..ودكاتره شاطرين ..