ساعدوني بدل ماانقص زدت........ تهي تهي

سلام
تكفون كفخوني والله والله اني استاهل التكفيخ
الحين المفروض اني ناقصه لأني بعد عيد الفطر والوهقة بالملابس قلت عيد الضحية بلبس
على الأقل لارج وبيدخل يعني يبيلي 5 كيلو عشان البس لارج:44:<<< يازين الطموح بس
المهم الطمع مو زين وقلت من عيد الفطر لعيد الضحية ان شاء الله يمدي انقص 5

لكن للأسف مانقصتها الا زدت:mad: يمكن3 كيلو

أدري اني انا الغلطانة لأني مامسكت نفسي ع الأقل
الا منفلته على الأكل كأنه بيخلص من العالم:mad:
مدري وش هالحالة؟؟؟ يالله ساعدني

تدرون انا كنت 82 ووصلت 65 يعني 17 كيلو
نزلتها بسنة تقريبا

بس شوي شوي بديت ارجع لين صار وزني73
طيب وش اسوي عشان امسك نفسي؟؟؟ ماقدرت

احس اني مرة مرة خربوطة وضعيفة لأن لقمة الأكل أقوى مني

كنت اتمتع بالعزيمة والأرادة ونحفت 17 كيلو
والحين عجزت ارجع ذيك العزيمة ماني قاااادرة
توني راجعه من السوق عجبني فستان يوم اخذته اقيسه نشب وتوهقت فيه يالله
افصخه
المشكله ان شكله كبير وكنت واثقة انه بيدخل الا انصدم ومايدخل:icon33::icon33:
وزوجي يوم رجعت الفستان قال لي ايه انا داري انه موب مقاسك
انتي سااااامنة:icon33:



والله نفسيتي زفت ومستحية اروح اعيد مع الناس وهذا شكلي

ياربي منين اجيب الارادة وشلون اصك خشتي
سامحوني اقلقتكم بس مالي غيركم افضفض له:icon33: