ساعدوني برد قوي يفشل زوجي

سلام عليكم 
ابي استشيركم وتكتبون لي رد لزوجي لاني مقهوره ومو عارفه اكتب له شي 
نبذه للي ما يعرفون قصتي . انا تزوجت صغيره وطلقني وانا حامل وراح وتركني وحالتنا الماديه جدا سيئه مافي احد يصرف علي فاشتغلت بصالون واشتغلت اشياء كثير من ظمنها كنت اطبخ وابيع . المهم زوجي رجعني قبل كم شهر 
وزوجي واهله حالتهم الماديه فوق الممتاز . المهم انا الى الان يراسلوني حريم ويكلموني يبوني اطبخ لهم وانا قلت لهم انا متوفقه نهائيا وبعدين حطيت صورتي بالواتس اني متوقفه عن الطلبات نهائيا ونفس الشي بالانستقرام عشان ما احد يطلبني 
وحده من خوات زوجي شافت صورتي ودخلت سالتني عن الموضوع 
انا ماعندي شي استحي منه وعادي عندي اقول كنت اشتغل كذا وكذا لانه مو عيب انا صرفت على امي وولدي من جهدي وتعبي واخوها الي رماني بدون مصروف وبدون شي 
وقلت لها كذا وكذا . وانصدمت كثير قالت فلان كان قايل لنا عكس هالكلام وصدقيني لو كنا نعرف هذا وضعك ووضع ولد اخونا والله مانتركك وهالشي مايرضينا وجلست تتعذر قلت انتم مالكم علاقه وانا مو عتبانه عليكم بالعكس ومن هالكلام
اتفاجأ بزوجي بالليل جاي معصب . قال انا ماقلت لك ما احد يعرف باللي كان بيني وبينك ومشاكلنا القديمه 
قلت له انا ماقلت مشاكلنا انا قلت اني كنت اشتغل عشان كذا كاتبه كذا اختك سالتني تبيني اكذب 
قال الحين اطلع لك رقم جديد وهالسالفه ماينجاب طاريها نهائي . قلت ليش مستحي من زوجتك ايش كانت تسوي عشان تصرف على ولدها ولا ايش انا ماسويت غلط ولو اي احد يسالني من جماعتك بجاوبه ماراح اكذب 
قال انتي تبين تكسرين وجهي وتفشليني ولا وش وانا سكت وطلعت من الغرفه ومارديت عليه 
بس كلامه كله تفشليني وتحرجيني بين جماعتي واهلي لانهم كلهم مثل ماقلت حالتهم ممتازه وزوجي شغله حساس وله مكانه 
انا قهرني وودي اكتب له كلام يفشله ويخليه يستحي من نفسه ساعدوني بكلام قوي . من الزعل اكتب وامسح ماقدرت اكتب كلمتين على بعضهم له