ههههههههههه يحليلك .. ام العيال .. يفرحني انك مسوية طريقة ونفعت وان هالطريقة جبتها من راسي ..!!
ان شاء الله البنت تنفذ الطريقة .. وبس ملاااااااااااااااحظة

اذا زوجك طلع غدار لاتعلمينه انك اختبرتيه وحتى لو العكس

لانه بينكر وبيقول انا عرفتك بس حبيت احرق اعصابك
وانه مو راعي هالحركات .. الخ

وياااااااااااارب يطلع رجال عدل

شوفي اختي اول لازم تشوفين اذا صج له علاقه اولا وتأكدي انه بيقطع هالعلاقه وانه ما يرجع لها او لغيرها وسأليه ايش الاسباب اللي خلته يسوي هذا الشيء!!
اذا شفتيه صادق معاج عطيه فرصه بس نبهييه انج مب مسامحته لو تكررت هذه الخيانه :angry2:
والله يعينج لان شي صعب ان من بداية حياته يبداها بخيانه

مسامحة اختي حلا مستحيل اسوي هالشغلة لأني بازيد الشك بنفسي..

صحيح إني مب متأكدة في نفس الوقت حاسس في نفسي إني اكتشف هالاكتشاف

اللي بنظري اكتشاف خطير .. بس ابدا مو إيجابي ..!

وممكن يهدم بيت انا بنيته ومعاي زوجي ..

واكذب عليكم إذا قلت لكم إني مب حزينة ..

أنا وايد حزينة ..

بس احاول افكر بعقل .. لأن اي تفكير سلبي بيهدم بيتي .. حتى لو توه مبني

خاصة إني عارفه زوجي عدل .. وفاهمته ...

أحس إن من الأفضل إني أعطيه فرصة ثانية ..

وما أنكر عقب ما كلمته .. لمست فيه إنه ندمان بس بطريقة غير مباشرة ..

وعطيته نقاط مهمه .. وإن لابد يحافظ عليها

لأن أنا وهو قاعدين نبي بيت وعلى هالاساس لابد إن نفكر دايمن

وذكرته إنه شكثر تعب لما تزوجني ..

وأنا أعرف إنه يحبني ..

وما اعرف شنو الظروف اللي خلته يسوي هالشيء ..

بس بعد راح أحاول ابتدي صفحة يديدة ..

ومثال ما قلتوا اني احبه ..

وصراحة ما شفته منه شين .. غير هالشيء ... رغم إني اول مرة الاحظ هالشيء

يعني في اعتقادي حتى علاقته ما لحقت تبتدي

وما ابي اترك زوجي اللي احبه ويحبني عشان بنت لا راحت ولايات واحتمال كبير تكون نزوة ..

بس بغيت دعائكم لي .. إنه الله يحفظه لي ويحفظني له

وان الامر ينتهي عنده هالطريق ...

لأن الله لا يوريكم المعاناة والتفكير والعذاب اللي ممكن تحسينه إذا اكتشفتي هالشيء ..

الله يعيني ان شاء الله ويصبرني :(

الحمدلله على كل حال


اشكركم جميعاً على ردودكم واشكر لكم وقتكم اللي عطيتوني اياه ..

الله يساعدك يارب ويكتب اللي لك فيه الخير مااقدر ازيد على كلام البنات ماشاء الله ماقصرو معك

انا والله مافهمت متزوجه ولا مخطووبه؟؟