ساعدوني بسرعه

ياكثر الاكلات من الربيان سوي بحث وان شاء الله بتلقين اللي يبيض وجهك عن ابو الشباب وانت قدها وقدود

حبيبتي نسخت لك هالطريقه ...

مادري إذا بتعجبك ولا لا ... لأني والله ولا بحياتي سويت الربيان والحمدلله على النعمه ماقدر اكله...






السلام عليكم ورحمة الله وبركاته




كيف الحال بنات إن شاء الله بخير

اليوم جايبة لكم إيدام قنبري مو يهببببببببل يهووووووس بجد ماشاء الله لاقوة إلا بلله ماينشبع منه

المقادير والطريقة سوووووا

أستخدمت هذا القنبري



أسلقي القنبري بموية وتوابل الاجي نو مو تو وخليه على الجنب
وتقطعي البطاط شرائح مثل الصورة والزهرة إلى زهرات صغير لكن مو مرة صغيرة طيب حجمها والجزر مبشور

تحطي شوية زيت على النار وتحطي فيه حلبة ربع ملعقة صغيرة وقلبيها وإذا عندكم ورق كاري حطوا إثنين وإذا مافي حطوا ملعقة صغيرة مليانة كاري مطحون وقلبيها مع الحلبة بعدها تحطي الخضار أنا هنا قطعت كثير عملت فيها صينيتين وشلت منها كمان أستخدمتها مرة ثانية يعني هنا كثير إنتم قللوا وقلبي الخضار مضبوط وزيدي عليها موية شوية إلين تستوي تقريبا مو كليا وحطي عليها توابل الاجي نو مو تو وهي تطبخ



والخضار تستوي روحي وأعملي الشطة وتراها مو مرة حار لما تنطبخ
وهي مكونة من
ملعقتين صلصلة وإذا تبغي تزيدي زودي شوية بكيفك+ فلفل أحمر مطحون نصف ملعقة شاهي + ونصف ملعقة شاهي كزبرة ناشفة مطحونة +وملعقة شاهي زنجبيل مبشور + ونصف ملعقة شاهي ثوم انا احب ازود شوية يعني ملعقة صغيرة بس مو مليانة +وملعقة شاهي ملح +ملعقتين أكل عصير ليمون واخلطيهم مضبووط



حطي زيت شوية في قدر ثاني وكشني بصل شرائح وصبي عليه الصلصلة وقلبي خمسة دقائق



وحطي الربيان فوقه وقلبي خمسة دقائق



يتـــبع

وحطي الخضار فوق الربيان وقلبي دقيقتين



وأفرمي كزبرة وحطيها على الايدام وحطي نصف كاسة كريمة خفق وطبعا على حسب الكمية يعني إذا تحبي تزيدي شوية يطلع طعم برضه ماشاء الله وقطعي شرائح فلفل أحمر انا هنا ماحطيته لكن لما عملته مرة وكان عند امي ضيوف حطيت فلفل رومي أحمر شرائح رفيعة بالآخر
وقلبي شوية واطفي عليه



وهذا الشكل النهائي



وهنا لما عملته عند أمي



وبالعااااااااااااافية عليكم مقدمممممممممما

شكرا لك ام لمار وعلى فكره اسم بنتك زي اسم بنتي الله يحفظهم لنا يارب

وانا عندي لك طريقه ثانيه

شيش طاووق بالربيان
-------------------------
غسلي الجمبري ثم تبليه ب==في كاس الخلاط=ثوم -ملح فلفل-ملعقه طحينه-ملعقتين زبادي ان وجد-عصير ليمونه-سماق=تخلط ثم يتبل بها الربيان
نحظر عودان الشوي وصف فيها بصل ثم طمام-ثم فلفل بارد ثم ربيان متبل وهكذا لحد ماتخلص الكميه
ثم تقلى بالزيت وما تطول فيه
او تدهن ضينيه الفرن وتصف فيها العودان وتدخل الفرن وتقلب على الجهتين
وبالعافيه