حبر العيوووون :

ماشاء الله عليهن الاخوات ماقصرن انا طريقتي مختلفه اذا ودتس تجربينها  بس والله بشهاده الجميع ايدامي لذيذ بصراحه هو اشبه بصينية الخضار المهم ياكثر بربرتي طريقتي الله يسلمتس تقطعين بصل جوانح وتحطين زيت وتشوحينه حطي معاه عود قرفه وثوم وزنحبيل مطحون ومرقة ماجي بعدين حطي الطماطم وتقطيعه نفس البصل  وحطي معجون طماطم وفلفل اسود وشوي كمون مطحون وشكيلة البهاران اللي عندك مااتقيد بنوع معين  قلبيها شوي وانتبهي لا تحاولين تهرسين الطماطم بس قلبيه واذا تحبين الاكل سبايسي قطعي فلفل حار  وحطي عليه الدجاج منزوع الجلد والعظم وانا احب اقطعه قطع متوسطه قلبي الكشنه وخليها تتسبك شوي وصبي عليها مويه مقدار بسيط اللي يكفي الدجاج وهذي اهم نقطه لاتكثرين مويه ابد  خلي الدجاج لحد مايستوي ف هذي الاثناء جيبي قدر وقطعي فيه خضار اللي تبين انا احب اقطعها بحجم متوسط وبشكل عشوائي تصير مثل ايدام بيت الشوايه هههه جزر بطاطس كوسه  وصبي عليها مويه وخليها تستوي واهم نقطتين لا تكثرين مويه وكل شوي قلبي الخضار  و على فكره تراها ماتطول  بعدين صفيها كويس  اذا استوى الدجاج ماتكون عليه مويه تكون الكشنه مثل الصوص وكل شي متسبك طبعا ريحتها بتكون شي خييال  ضيفي الخضار عليها وقلبيها دقيقتين وطفي النار مايحتاج تطول لان كل شي مستوي وانا عندي شي اضافي اذا تحبين تسوينه سويه موب الزامي احط ع الايدام شوي باذنجان مقلي يعطيه مذاق رائع  وسلامتك اذا سويته ان شاء الله بجرب احط فيه زهره ترا والله سهل وماياخذ وقت بس انا مااعرف اختصر اكتب بضمير ههه ايه ولاتنسين الملح نسيت ماكتبته ههههه

ماشاء الله عليهن الاخوات ماقصرن انا طريقتي مختلفه اذا ودتس تجربينها  بس والله بشهاده الجميع...