ساعدوني بفكرة مميزة للإذاعة

عزيزتي:
اول حددي اش تبغي موضوع مثلا ديني ولاثقافي ولا ايش.....
وابشري بعزك من رحى الأيام

بشرك الله بالجنة

المشكلة اني ابحث عن الموضوع أو الفكرة وما في بالي موضوع معين
المهم ان الموضوع يكون مشوق وما يكون مثل الخطبة
وما يهم مجاله .. اذا ديني او ثقافي او غيره .. المهم موضوع يطلعون منه بفائده ويكون مشوق بنفس الوقت
لأني لاحظت ان الطالبات ما ينصتون للاذاعة

يعني احتاج اقتراحات للفكرة فقط وانا اتكفل بالمواضيع

وجزاك الله خير

ياقمر:
جبت لك موضوع مدري يعجبك ولا لا.........
موضوع الاذاعه ((مرحباً بالشتاء ))
الفكره ياقلبي:
انك توضحي ان زمان الصحابه كانوا يفرحون بالشتاء لان الليل يكون فيه طويل يستغلونه فقرأه القر’آن والقيام
والنهار يكون قصير يستغلونه فالصيام
وكمان تبين لهم انه زي الرباط
وتتكلمي عن الوتر ومشروعيته وركعاته
ومنها تتكلمي عن سنن منسيه فالزمن هذا
واذا عجبك الموضوع ,,,,,,
انا مستعده اساعدك فيه ...
عندي مطويه بسيطه عنه....
يتكلم عن زمان كيف يفرحون بالشتاء عشان يستغلونه بالطاعه....
اتمنى يعجبك..
ولو ماعجبك ردي وبدور معك لحد ماتخلص اذاعتك ..........
بس ردي .....
ومو مشكله عندي استعداد اخدمك ........حتى تخلصي..

ممكن انتي قبلها تصلحي ديكور على المسرح.....
مثلا تغطيه بالقطن على انه ثلج...
وتخلي المدرسه هذاك اليوم يحسون بالجو منجد انه شتاء...
وومكن تجيبي المنقل وتحطي فحم ونار وحركات ....يعني انك بتدفي ...ومنها صلحي جلسه للمعلمات والمديره على جنب
يكونون حول المنقل وقهوتهم على المنقل...
والله لايهينهم يضيفون نفسهم
وفنفس الوقت يكون يسمعون اذاعتك...........

الله يجزاك خير ويسهل لك أمورك ويسخر لك عباده

فكرتك حلوة .. كفيتي ووفيتي

الله لا يحرمك الأجر

ما ابي أكلف عليك .. بس اذا عندك السنن المنسية جاهزة لا هنتي ياليت تزوديني فيها
واذا مو عندك لا تتعبين حالك .. انا بدورها

وان شاء الله بشتغل على باقي الفقرات

وبالنسبة لتزيين المسرح .. الفكرة روعة
بس مو قبل لا يكون عندنا مسرح بالأول .. أو عالأقل مكان للاذاعة وميكرفون
هذا السبب الي خلاني اركز على موضوع يشد الطالبات .. لأن ماحد يسمع الاذاعة عندنا