ساعدوني بكره المقابلة لوظيفتي أعطوني رأيكم ما نمت

بنات انا زوجي الحمدلله ما هو مقصر علي وكريم ما شاء الله وفوق كذا راتبه فوق 6 الألف
المهم جاتني وظيفه كاشيره في احد السوبر ماركات الكبيرررره والمشهورة جداً طبعا راتب الوظيفه 3 الألف ريال ولكن بتكون في المساء من العصر لساعه الحادي عشر ليلا انا ماني محتاجه شي الحمدلله بس قلت عشان طفشانه بالبيت غير اني ما عندي أطفال أروح اعمل فيها
المشكله زوجي هو من النوع ما يحب يفرض رأيه علي بس يحاول يقنعني أن الوظيفه ما تستأهل غير أن نظام العمل مختلف بيننا يعني هو يرجع من الدوام وأنا اخرج من البيت عشاني دوامي وانه يخاف علي من المضايقات من الرجال لانه غيور هو بس يتكلم بتلميح وينتظر مني الرفض مع العلم انه هو ما يمنعني عن وظيف المدارس او التعليم ولكن لا يحب الاختلاط وأنا للحين متخرجه لي 4 سنوات ما جاء تعيني
الحين انتم ايش رأيكم هل تعتبر الكاشير فرصه لي او اصرف النظر عنها