كوبونات الراقية تسجيل الدخول

بنت الكويت وتحبكم

ساعدوني بليز

الأسرة والمجتمع •

بنات حبيبات قاعده افكر وابي مساعده منكم تزوجت وحبيت زوجي وساعدته ووقفت معاه وحبيت اهله وايد وايد وماحملت وعرفنا ان السبب الزوج وكل هذا حبيت زوجي اكثر حسيته ولدي احب اكون كله معاه واذا مرض اكون بجانبه ...واذا سافرمرض وابجي حيل ليما يرجع الخلاصه احبه احبه تدرون ليش لانه اول رجل بحياتي تعلمت منه الحب ومشاعر الوله والشوق ..وبعد خمس سنوات صارت مشكله مع اخته مطلقه ولها اولاد بسن زواج معانا بالبيت والمشكله انها تحبه وايد احس فيها ونست ان له زوجه توكله وتشربه ...بديت احس انها تدخل بممتلكاتي زعلت كلمتها بهدوء ان موجذي انا زوجته وماعندي اولاد عطيني مجال اضيع وقت معاه مابي افكر بالعيال زعلت وكبرت السالفه وانا بقمة الهدوء حتى قالت بطلع من البيت واخليكم نزلت لها بدون علم زوجي ببوس راسها والله العظيم طردتني بعدها ، ثاني يوم على طول لميت حاجاتي كلها وطلبت الطلاق لان حسيت كرامتي داستها حتى انفصلنا، قولوا لي انا بعد مرور فترة من طلاقي انخطب بس مااقدر انساه مع اني لااعرف اخباره ومافي علاقه انتهت واتوقع زوجته اخته بس كله اسرح فيه ايب طاريه اتذكره بس اختي تقولي مافيه خير كلش حرام حتى تفكري فيه اشرايكم
3
391

يلزم عليك تسجيل الدخول أولًا لكتابة تعليق.

تسجيل دخول

** أم جاسم **
** أم جاسم ** •
الله يساعدج ..

شنو نقدر نفيدج فيه بعد الطلاق !!

المفروض ماتكونين تسرعتي لهذي الدرجه !!!!!!
اميرة العصور
اميرة العصور •
الله يكون بعونك
ربي كتبلك كذا
عطر الصادقين
عطر الصادقين •
زوجك اكيد كان مجروح لانه العيب منه وكان يجرحه انك صابره رغم كذا


فلما تخاصمتي مع اخته وطلعتي من البيت فهمها انك تفتعلين مشكلة حتى تطلبين الطلاق فطلقك بسرعه لأن موضوعك مع اخته تااافه جدااا ومايستحق ابدا لم الاغراض والطلعه من البيت



اذا كان زوجك السابق يهمك اكثر من انجاب الاطفال ارسلي له sms او دقي عليه