ساعدوني بليز

و عليكم السلام :27:
اول شي نظفي البيت الي رح تنتقلي عليه حتى لو شفتيه نظيف او جيبو واحد ينظفه ، بس احسن لو انتي تقدري تنظفيه و خلي حد يساعدك زوجك او اختك مثلا، و ممكن يحتاج اكتر من يوم المهم ما تهلكي حالك
و اقرؤو فيه قرآن قبل ما تنقلو عليه
ضبي غراضكم في كراتين و اكتبي على كل كرتونة شو فيها و الاحسن ما تكون الكراتين كبيرة غير اذا رح تحطي فيها غراض مش كتير تقيلة - و اذا كاسات و صحون حطي بينهم جرايد او لفي كل قطعة بورقة جريدة و حطيهم بالكراتين، و لفي التحف الكبيرة برضه، و الملابس في شنط السفر او اذا ما في شنط سفر حطيهم في كياس النفايات و حطي عليهم لزيق ورق او اي لزيق لونه فاتح و اكتبي عليه ملابس مين
و بعد ما تخلصي ضب و تغليف الغراض خلي الكراتين و الشنط و الكياس في نفس الغرف
اما الكنب و الخزاين و الاثاث يعني لازم تجيبو عمال يفكوه و ينقلوه و يركبوه في البيت الجديد، المهم يكون كل شي باشرافكم ، و خلو العمال ينقلو الكراتين والكياس او الشنط للغرف المناسبة في البيت الجديد اسهل وقت الترتيب بدل ما تقعدي تعتلي و تجرجري ،،، و انتي ما تشيلي غير شنطة ايدك او اذا شي كتير كتير مهم و بتخافي يضيع زي شهادات الميلاد و اي وثائق تانية و الدهب .. الخ
بس رح تتغلبي اكتر في ترتيب البيت الجديد :) ، ما حد رحل اكتر منا و هاي خبرتي في الموضوع :D اهم شي انتي ما تحركي غراض تقيلة و لا تشيلي غراض تقيلة
و اذا في عندك وقت قبل الرحيل شوفي شو عندكو غراض مالها داعي او ما بتستخدموها و طلعوها منه بخف عليكي الترتيب و يمكن حد غيركو يكون بحاجتها و يستفيد منها و الله بعوضكم
و اذا في قطع بدها تعليق عالحيط زي المرايا و اللوحات حطو المسامير قبل ما تنقلو في الاماكن الي بدكو تعلقو فيها و الاحسن قبل التنظيف برضه
و مستحيل تقدرو تنقلو من غير ما تجيبو ناس يساعدو و ما تتعبو !

موفقة ان شاء الله :27:

مشككووورهه يااقلبي .... الله يعطيك العاافيه ... وجززااككك الله خير

رفع

رفع

شوفي فيه موضوع قبل تقريبا اربع اسابيع وحدة سألت زي سؤالك بالمنتدى وفي الموضوع إجابات كثيرة من العضوات

ممكن تفيدك كثير سوي بحث وبتلاقيه إن شاء الله ولاتنسيني من دعواتك إن الله يفرج كربتي

عنوانه

النقل من مدينة لمدينة

وهذا الرابط http://forum.hawaaworld.com/showthread.php?t=3892728