ساعدوني بلييز

السلام عليكم
انا هادي اول مشاركه ليا عمري ماارسلت لمنتدى
وياريت تقروا رسالتي وماتكسفوني وتساعدوني

انا متزوجه سارلي 3 سنوات
وعندي بنت عمرها سنتين
من يوم ماتزوجت وانا عندي مشاكل معا زوجي ضربني كتير وسبني كتير
وماانكر هوا كويس من دااخله وهادا الي مصبرني عليه لكن اكتشفت سارلي سته شهور انه يتعاطى حشيش
عشان كدا هوا عصبي ويسبني ويضربني بين فتره وفتره علي اسباب تافهه ويعاقبني ويشدد الحصار عليا
اش اسوي ؟
اواجهه اني عرفت عنه ؟
او اقول لاحد من اهله رغم انو اهله مفككين ؟
وعنده مشاكل معا ابوه وي مايتفقوا
وكمان امه مايسمع كلامها دايمان يسوي الي فراسه ؟
اش اسوي
انا بدعي ويارب ربنا يستجيب
بس ابغا حل جنب الدعاء هلكني بلسانه وي ضربه
ومافي حوار بيننا ابدا لانه عصبي ومولع ومشتعل دايمان

بافكر اتطلق منه
بس انا ماني قادره فيه وانا معاه فكيف لو اتطلق اش حيسوي وانا يتيمه واخواني صغار

ساعدوني لو بدعائكم
الله يخليكم ردوا عليا