حبيبتي انا الحمية اللي مشيت عليها قطعت الكربوهيدرات عالية السعرات (بسبب مرضي كسل الغدة) لمدة شهر لانها عبارة عن سكر بمعنى لما تاكلي خبز او معكرونة او معجنات كانك فاتحة كيس سكر ونازلة تاكلي منه هيك بدك تحسبيها .. واكتفيت بالكربوهيدرات اللي من الخضار والفواكه لانه فيهم نسبة كربوهيدرات بس قليلة بتعطيكي الطاقة بس ما حتسمنك
الخضار والفواكه كانو الاساس بحميتي وطبعا بروتين بس اد حجم الكف (طبعا النتيجة نحفت 5 كيلو وانا مستحيل انحف والسبب الرئيسي هو الحبوب كلها ما عدا (الرز والكينوا) بيحتوو على بروتين الجلوتين وهاد بسبب انتفاخ البطن وبسبب مشاكل بالجهاز الهضمي بمعنى اي محاولة لريجيم تعمليه ما بتزبط معك الا في حالة تركتي هدول الاشياء هي اللي بتنفخ البطن وبتحبس السوائل وبتبطء عملية التمثيل الغذائي فبتضلك تسمني ونص العالم على حكي دكتور اوز بمقابلة معه حكى بين كل شخصين واحد ما عنده مشكلة لما ياكل اكل فيه جلوتين والتاني بتسوء صحته ومع استمراره باكله بيمرض) اتفقنا على هاي النقطة واذا بدك شوفي جوجل واكتبي اضرار جلوتين
الشغلة التانية ما تاكلي ولا تحطي بتمك اي اكل او شرب دايت متل الحليب والجبنة وغيرها لانه لما يسحبو الدهن منها بتصير طعمتها مقرفة فبيضطرو يضيفو مواد بعضها ضار ومن ضمنها السكر
اي اكل مطعم ما تاكلي كلي بس من البيت وانت اعمليه واعتمدي بس زيت جوز الهند اذا استحملتي طعمته لاني ما حبيته و زيت الزيتون والزبدة الحيوانية والسمنة الحيوانية لانها مفيدة جدا وبتنحف خاصة الزبدة اما اي شي نباتي ارميه من البيت لانه بهيج الجهاز الهضمي وبصير في التهاب واذا بتشوفي جدودنا كانت صحتهم من احسن ما يكون ونحاف .. وما في ولا دليل طبي بيحكي انه الاشياء النباتية مفيدة بالعكس الزبدة الحيوانية فوائدها لا تحصى ولا تعد واكتر من دكتور سمعت حكيه على اليوتيوب او قرأت مقالات لدكاترة طبعا اجانب ودايما اول جملة بيحكوها
Fat Does Not Make You FAT يعني الدهون مو هي اللي بتخليكي سمينة بالعكس كتير مفيدة وصحية ولازم ناكلها وعلى فكرة جوز الهند والزيتون سواء الاخضر او الاسود بيعتبرو دهون مو فواكه او خضار واكلهم كتير منيح للجسم وبساعدك تنحفي
الملح مفيد جدا جدا بس الملح البحري الطبيعي اللي مو مضيوف عليه اي شي ولازم تاكليه اقل فائدة فيه انه بزيل السوائل المحتبسة بجسمك وارمي باقرب زبالة اي ملح تاني انتي بتسعملي لانه حيحبس السوائل بجسمك وحيصير ترسبات وقصص طويلة وعريضة وغير الضغط
كل انواع السكر ممنوعة ما عدا سكر ستيفيا واذا مو موجود عندكم ما تستعمليه لانه بسبب بهيج الجهاز الهضمي وغير انه الكربوهيدرات عالية السكر عموما الغذاء المفضل عند البكتيريا الضارة فبتمرضي كتير وحتسمني بسرعة واذا بتلاحظي في بنات بياكلو 10 اضعاف اللي احنا بناكله وبضلهم نحاف والسبب هو البكتيريا النافعة بتنحف وبتساعد بهضم الاكل اللي بياكلوه اما احنا عليه العوض ومنه العوض
عشان تكتري من البكتيريا النافعة لازم تاكلي مخللات المحطوطة بمي وملح البحري واللي حكيتلك عنه والشطة والفلفل اللي بيحرق واللبن الرايب بس تاكليه بنفس التاريخ انتاجه يعني انتاج اليوم كليه بنفس اليوم
ما تشربي عصير البرتقال لو نفسك فيه لانه فيه سكر اكتر من البيبسي يعني تقريبا كانك اكلتي 5 دونات نفسك بعصير ينحف اشتري الرمان الطبيعي 100% مو مضيوف عليه سكر ومن لاكنور انا هاد اللي بشربه
بعد ما تمشي على هاي الطريقة شهر حينفضف جسمك ويقوى جهاز الهضمي عندك وعادي كل ما جعتي نقرشي بالخس او جزر او تفاحة او خيارة وكلي تلات وجبات يفضل التلاتة يكون فيهم بروتين (متل لحمة جاج سمك بيض البقوليات ) بس اجباري الخضار ( يا سلطة يا خضار سوتيه وكتري السلطة هي اللي حتعالجك
بهاي الطريقة تنشط الجهاز الهضمي ونحفت شي 5 كيلو وثبت وزني على 58 كنت تقريبا 64 ، بعدها جربت كل انواع الريجيم للقيت الريجيم اللي ناسبني اللي هو الصيام المتقطع لانه كل الناس اللي عندهم كرشة كبيرة هدول بكون عندهم مقاومة الانسولين ومقاومة الليبتين فمستحيل يزبط معهم اي ريجيم واذا نحفو برجعوهم بسرعة لانهم ما عم يحرقو الدهون العنيدة عم بيحرقو الدهون الجديدة
الصيام لقوه الاجانب هو احسن طريقة لاذابة الدهون العنيدة وبعالج مقاومة الانسولين ومقاومة الليبتين وهرمون النمو وغيره حتى اعضاء الجسم بتتحسن والدراسة كانت على مجموعة مسلمين تبرعو لهاي الدراسة (بس طبعا كان اكلهم بالافطار والسحور صحي مو متلنا ناكل الاخضر واليابس) واكتشفو احسن حالات للانسان هو بالصيام وانه بيتعالج جسمهم بالصيام من حاله لحاله من غير ادوية ومن غير اي شي ، فيا اما بتصومي كامل اذا قادرة واذا لا فحعطيكي الطريقة
اخر وجبة مثلا بتاكليها ساعة 10 بالليل بتنامي بالكتير ساعة 12 مو تسهري عشان هرمون النمو ما بيفرز الا بالنوم البكير ولمدة تمان ساعات مو تناميلي ساعتين تلاتة وتاني يوم الساعة 12 الضهر للساعة 2 بتاكلي اول وجبة كلي خضار صحن كبير وجنبه الاكل (سواء بروتين لحاله متل كفتة سمك ستيك جاج او حتى صحن فول بس المعلقة وما تخافي بشبع او وبعد هاي الوجبة من 6-8 ساعات بتاكلي الوجبة التانية ونفس طريقة الاكل ومجرد ما توقفي اكلي تطلعي على الساعة عشان تعرفي امتى اول وجبة الك
وبتقدري تشربي كل شي بدك اياه بس من غير سكر او اذا بدك سكر فقط استخدمي سكر ستيفيا ، و لازم لترين مي لانه مرات بتفكري حالك جوعانة بس بتكوني فعليا عطشانة لازم تشربي مي كل ما تجوعي لانه اذا راح الجوع معناته انت عطشانة واذا ضل معناته فعلا انتي جوعانة واذا هف عبالك شي حلو بس كلي يا فواكه يا قطعة شوكلاتة المرة
وعلى فكرة هلا ما بيخطر على بالي السكر نهائي واذا حد حطلي سكر لو نتفة ما بقدر اشربه بحسه قطر واشتري معدن الكروم من الصيدلية هاد بساعدك ما تشتهي الكربوهيدرات والسكريات نهائي
هلا افهمك شو مشكلتنا مع الكربوهيدرات ليه ما ناكلها لانه من كتر ما اكلنا صار تلقائي يتحول لسكر ويتراكم فوق الدهون العنيدة وبتكبر بطنا واي اكل تاني مع الكربوهيدرات يعني مثلا اكلتي سندويشة بيض حتى البيض بيتحول لدهون بتنحط فوق الدهون العنيدة هاي ابسط طريقة بقدر اوصلك المعلومة لانه شرحها طويل كتير بس يضل ببالك الرز مفيد جدا وغذاء للبكتيريا النافعة واعتمدي البسمتي
صار وزني خلال تقريبا شهر 53 ولسة عم بنزل وهلا صرت باخد يوم باكل فيه اللي بدي اياه بس ما بكتر من السعرات الحرارية زيادة عن اللزوم عشان ما اضيع اللي تعبت فيه .. ولازم تاكلي منيح بالوجبتين مو تموتي حالك جوع بس راعي السعرات يعني مثلا بدل المقلي اعملي مشوي منها بتشبعي وبتكون السعرات قليلة
اما بالنسبة للرياضة افضل شي ما تركزي على منطقة وانا عم بحكيلك حكي دكاترة .. الافضل جسمك كله يتحرك يعني اذا بدك تمشي لازم تحركي ايديكي مع المشي .. وحعطيكي ارخص جهاز بالعالم وحينحفك بسرعة هو الحبلة ونطي كل جسمك حيتحرك بربع ساعة حتحرقي 700 كالوريز اكتر من جهاز المشي بس ما تعلبي متواصل .. اي رياضة لازم تكون فقط 12 دقيقة باليوم والطريقة اول دقيقة بتنطي وما بتوقفي بعدين دقيقتين بتمشي مثلا وانتي بمكانك يعني حركة خفيفة لما تخلص الدقيقتين ارجعي نطي دقيقة ولما تخلص الدقيقة امشي دقيقتين ونفس الطريقة اعمليها كمان مرتين وشوفي حيصير وزنك ادي بسرعة بس انا ما لعبت رياضة لانه اللي عندهم كسل غدة ما بصير يجهدو حالهم فانا اكتفيت بالحمية + مشي بسيط وبالسوق لا دفع مصاري ولا اوجع قلبي
الرياضة الغلط بتجهد عضلة القلب عشان هيك الدكاترة بيترجو (الاجانب) ما نروح على النوادي نعمل رياضتنا بالبيت وبس 12 دقيقة والرياضة العنيفة بتموت واقسم بالله ابن صاحب مديري توفى وهو عم يلعب كرة قدم مع اصحابه وعمره 23 سنة من الاجهاد وقف قلبه
وهاي الطريقة شفتها زمان على برنامج يا اوز يا ذا دكتورز يعني فعلا حتنحفي وخلال شهرين بإذن الله 10 كيلو على اقل تقدير وما حتئذي حالك وبتحدى تحدي بعد شهرين كيف صحتك ونشاط وجسمك كيف حيتغيرو وعلى فكرة من اول اسبوع حيبدا جسمك ينضف بس ما تاكلي الكربوهيدرات (الحبوب) بسنة 1950 كانت جدا مفيدة وصحية اما بوقتنا هلا فصارت اسوا اكل وهاد حكي دكتور اوز واذا بدكم بحط اللينك اما البروتين فلازم تكون اللحمة بلدية والجاج المرمي بمزرعة اللي بياكلو الديدان عشان ما بيعطوهم هرمونات عشان يسمنو ولا بأكلوها ذرة لانها برضه بتسمنهم عشان على الوزن همن بيستفيدو اما اللحمة البلدية وجاج المزارع حيكون بس حشيش والديدان واي شي بتلاقيه حتاكله بس حيكون مفيد لصحتنا وهيك جدودنا كانو ياكلو .. وهاد الاكل اذا عندك اتفه مرض بالدنيا حتشفي باذن الله اما اذا ما بتقدري سواء لانها غالية او انه مو متوفرة وجبتيها مو بلدية فكلي كمية قليلة جدا منها وحاولي مو يومي واكتفي بالسمك وسردين والتونة (مو ضروري اللي بالمي انا دقتها وطعمتها مقرف ، باكل اللي بالزيت بس بقيم الزيت اللي فيها) وزي ما حكيتلك ركزي على الخضار واهم نوع هو البروكلي وارضي الشوكي (ارضي الشوكي لو بتاكليها كل يوم بتنحفي اسرع لانها بتعطيكي حصتك اليومية من الالياف وكلها فوائد وكل الخضار ممتازين جدا جدا حتى الخس بنحف الخيار بنحف كل الخضار بتنحف والا الكوسى حبيبة قلبي رائعة
بتمنى حبيبتي تستفيدي بس لاني حسيت فيكي.. نفسي كان انحف الي خمس سنين بجرب كل انواع الريجيم حتى اللقيمات اللي نحف كتير ناس انا ما نحفت عليها .. ما نحفني الا تنضيف جهاز الهضمي وبعدها الصيام المتقطع وآسفة طولت عليكي
الخضار والفواكه كانو الاساس بحميتي وطبعا بروتين بس اد حجم الكف (طبعا النتيجة نحفت 5 كيلو وانا مستحيل انحف والسبب الرئيسي هو الحبوب كلها ما عدا (الرز والكينوا) بيحتوو على بروتين الجلوتين وهاد بسبب انتفاخ البطن وبسبب مشاكل بالجهاز الهضمي بمعنى اي محاولة لريجيم تعمليه ما بتزبط معك الا في حالة تركتي هدول الاشياء هي اللي بتنفخ البطن وبتحبس السوائل وبتبطء عملية التمثيل الغذائي فبتضلك تسمني ونص العالم على حكي دكتور اوز بمقابلة معه حكى بين كل شخصين واحد ما عنده مشكلة لما ياكل اكل فيه جلوتين والتاني بتسوء صحته ومع استمراره باكله بيمرض) اتفقنا على هاي النقطة واذا بدك شوفي جوجل واكتبي اضرار جلوتين
الشغلة التانية ما تاكلي ولا تحطي بتمك اي اكل او شرب دايت متل الحليب والجبنة وغيرها لانه لما يسحبو الدهن منها بتصير طعمتها مقرفة فبيضطرو يضيفو مواد بعضها ضار ومن ضمنها السكر
اي اكل مطعم ما تاكلي كلي بس من البيت وانت اعمليه واعتمدي بس زيت جوز الهند اذا استحملتي طعمته لاني ما حبيته و زيت الزيتون والزبدة الحيوانية والسمنة الحيوانية لانها مفيدة جدا وبتنحف خاصة الزبدة اما اي شي نباتي ارميه من البيت لانه بهيج الجهاز الهضمي وبصير في التهاب واذا بتشوفي جدودنا كانت صحتهم من احسن ما يكون ونحاف .. وما في ولا دليل طبي بيحكي انه الاشياء النباتية مفيدة بالعكس الزبدة الحيوانية فوائدها لا تحصى ولا تعد واكتر من دكتور سمعت حكيه على اليوتيوب او قرأت مقالات لدكاترة طبعا اجانب ودايما اول جملة بيحكوها
Fat Does Not Make You FAT
يعني الدهون مو هي اللي بتخليكي سمينة بالعكس كتير مفيدة وصحية ولازم ناكلها وعلى فكرة جوز الهند والزيتون سواء الاخضر او الاسود بيعتبرو دهون مو فواكه او خضار واكلهم كتير منيح للجسم وبساعدك تنحفي
الملح مفيد جدا جدا بس الملح البحري الطبيعي اللي مو مضيوف عليه اي شي ولازم تاكليه اقل فائدة فيه انه بزيل السوائل المحتبسة بجسمك وارمي باقرب زبالة اي ملح تاني انتي بتسعملي لانه حيحبس السوائل بجسمك وحيصير ترسبات وقصص طويلة وعريضة وغير الضغط
كل انواع السكر ممنوعة ما عدا سكر ستيفيا واذا مو موجود عندكم ما تستعمليه لانه بسبب بهيج الجهاز الهضمي وغير انه الكربوهيدرات عالية السكر عموما الغذاء المفضل عند البكتيريا الضارة فبتمرضي كتير وحتسمني بسرعة واذا بتلاحظي في بنات بياكلو 10 اضعاف اللي احنا بناكله وبضلهم نحاف والسبب هو البكتيريا النافعة بتنحف وبتساعد بهضم الاكل اللي بياكلوه اما احنا عليه العوض ومنه العوض
عشان تكتري من البكتيريا النافعة لازم تاكلي مخللات المحطوطة بمي وملح البحري واللي حكيتلك عنه والشطة والفلفل اللي بيحرق واللبن الرايب بس تاكليه بنفس التاريخ انتاجه يعني انتاج اليوم كليه بنفس اليوم
ما تشربي عصير البرتقال لو نفسك فيه لانه فيه سكر اكتر من البيبسي يعني تقريبا كانك اكلتي 5 دونات نفسك بعصير ينحف اشتري الرمان الطبيعي 100% مو مضيوف عليه سكر ومن لاكنور انا هاد اللي بشربه
بعد ما تمشي على هاي الطريقة شهر حينفضف جسمك ويقوى جهاز الهضمي عندك وعادي كل ما جعتي نقرشي بالخس او جزر او تفاحة او خيارة وكلي تلات وجبات يفضل التلاتة يكون فيهم بروتين (متل لحمة جاج سمك بيض البقوليات ) بس اجباري الخضار ( يا سلطة يا خضار سوتيه وكتري السلطة هي اللي حتعالجك
بهاي الطريقة تنشط الجهاز الهضمي ونحفت شي 5 كيلو وثبت وزني على 58 كنت تقريبا 64 ، بعدها جربت كل انواع الريجيم للقيت الريجيم اللي ناسبني اللي هو الصيام المتقطع لانه كل الناس اللي عندهم كرشة كبيرة هدول بكون عندهم مقاومة الانسولين ومقاومة الليبتين فمستحيل يزبط معهم اي ريجيم واذا نحفو برجعوهم بسرعة لانهم ما عم يحرقو الدهون العنيدة عم بيحرقو الدهون الجديدة
الصيام لقوه الاجانب هو احسن طريقة لاذابة الدهون العنيدة وبعالج مقاومة الانسولين ومقاومة الليبتين وهرمون النمو وغيره حتى اعضاء الجسم بتتحسن والدراسة كانت على مجموعة مسلمين تبرعو لهاي الدراسة (بس طبعا كان اكلهم بالافطار والسحور صحي مو متلنا ناكل الاخضر واليابس) واكتشفو احسن حالات للانسان هو بالصيام وانه بيتعالج جسمهم بالصيام من حاله لحاله من غير ادوية ومن غير اي شي ، فيا اما بتصومي كامل اذا قادرة واذا لا فحعطيكي الطريقة
اخر وجبة مثلا بتاكليها ساعة 10 بالليل بتنامي بالكتير ساعة 12 مو تسهري عشان هرمون النمو ما بيفرز الا بالنوم البكير ولمدة تمان ساعات مو تناميلي ساعتين تلاتة وتاني يوم الساعة 12 الضهر للساعة 2 بتاكلي اول وجبة كلي خضار صحن كبير وجنبه الاكل (سواء بروتين لحاله متل كفتة سمك ستيك جاج او حتى صحن فول بس المعلقة وما تخافي بشبع او وبعد هاي الوجبة من 6-8 ساعات بتاكلي الوجبة التانية ونفس طريقة الاكل ومجرد ما توقفي اكلي تطلعي على الساعة عشان تعرفي امتى اول وجبة الك
وبتقدري تشربي كل شي بدك اياه بس من غير سكر او اذا بدك سكر فقط استخدمي سكر ستيفيا ، و لازم لترين مي لانه مرات بتفكري حالك جوعانة بس بتكوني فعليا عطشانة لازم تشربي مي كل ما تجوعي لانه اذا راح الجوع معناته انت عطشانة واذا ضل معناته فعلا انتي جوعانة واذا هف عبالك شي حلو بس كلي يا فواكه يا قطعة شوكلاتة المرة
وعلى فكرة هلا ما بيخطر على بالي السكر نهائي واذا حد حطلي سكر لو نتفة ما بقدر اشربه بحسه قطر واشتري معدن الكروم من الصيدلية هاد بساعدك ما تشتهي الكربوهيدرات والسكريات نهائي
هلا افهمك شو مشكلتنا مع الكربوهيدرات ليه ما ناكلها لانه من كتر ما اكلنا صار تلقائي يتحول لسكر ويتراكم فوق الدهون العنيدة وبتكبر بطنا واي اكل تاني مع الكربوهيدرات يعني مثلا اكلتي سندويشة بيض حتى البيض بيتحول لدهون بتنحط فوق الدهون العنيدة هاي ابسط طريقة بقدر اوصلك المعلومة لانه شرحها طويل كتير بس يضل ببالك الرز مفيد جدا وغذاء للبكتيريا النافعة واعتمدي البسمتي
صار وزني خلال تقريبا شهر 53 ولسة عم بنزل وهلا صرت باخد يوم باكل فيه اللي بدي اياه بس ما بكتر من السعرات الحرارية زيادة عن اللزوم عشان ما اضيع اللي تعبت فيه .. ولازم تاكلي منيح بالوجبتين مو تموتي حالك جوع بس راعي السعرات يعني مثلا بدل المقلي اعملي مشوي منها بتشبعي وبتكون السعرات قليلة
اما بالنسبة للرياضة افضل شي ما تركزي على منطقة وانا عم بحكيلك حكي دكاترة .. الافضل جسمك كله يتحرك يعني اذا بدك تمشي لازم تحركي ايديكي مع المشي .. وحعطيكي ارخص جهاز بالعالم وحينحفك بسرعة هو الحبلة ونطي كل جسمك حيتحرك بربع ساعة حتحرقي 700 كالوريز اكتر من جهاز المشي بس ما تعلبي متواصل .. اي رياضة لازم تكون فقط 12 دقيقة باليوم والطريقة اول دقيقة بتنطي وما بتوقفي بعدين دقيقتين بتمشي مثلا وانتي بمكانك يعني حركة خفيفة لما تخلص الدقيقتين ارجعي نطي دقيقة ولما تخلص الدقيقة امشي دقيقتين ونفس الطريقة اعمليها كمان مرتين وشوفي حيصير وزنك ادي بسرعة بس انا ما لعبت رياضة لانه اللي عندهم كسل غدة ما بصير يجهدو حالهم فانا اكتفيت بالحمية + مشي بسيط وبالسوق لا دفع مصاري ولا اوجع قلبي
الرياضة الغلط بتجهد عضلة القلب عشان هيك الدكاترة بيترجو (الاجانب) ما نروح على النوادي نعمل رياضتنا بالبيت وبس 12 دقيقة والرياضة العنيفة بتموت واقسم بالله ابن صاحب مديري توفى وهو عم يلعب كرة قدم مع اصحابه وعمره 23 سنة من الاجهاد وقف قلبه
وهاي الطريقة شفتها زمان على برنامج يا اوز يا ذا دكتورز يعني فعلا حتنحفي وخلال شهرين بإذن الله 10 كيلو على اقل تقدير وما حتئذي حالك وبتحدى تحدي بعد شهرين كيف صحتك ونشاط وجسمك كيف حيتغيرو وعلى فكرة من اول اسبوع حيبدا جسمك ينضف بس ما تاكلي الكربوهيدرات (الحبوب) بسنة 1950 كانت جدا مفيدة وصحية اما بوقتنا هلا فصارت اسوا اكل وهاد حكي دكتور اوز واذا بدكم بحط اللينك اما البروتين فلازم تكون اللحمة بلدية والجاج المرمي بمزرعة اللي بياكلو الديدان عشان ما بيعطوهم هرمونات عشان يسمنو ولا بأكلوها ذرة لانها برضه بتسمنهم عشان على الوزن همن بيستفيدو اما اللحمة البلدية وجاج المزارع حيكون بس حشيش والديدان واي شي بتلاقيه حتاكله بس حيكون مفيد لصحتنا وهيك جدودنا كانو ياكلو .. وهاد الاكل اذا عندك اتفه مرض بالدنيا حتشفي باذن الله اما اذا ما بتقدري سواء لانها غالية او انه مو متوفرة وجبتيها مو بلدية فكلي كمية قليلة جدا منها وحاولي مو يومي واكتفي بالسمك وسردين والتونة (مو ضروري اللي بالمي انا دقتها وطعمتها مقرف ، باكل اللي بالزيت بس بقيم الزيت اللي فيها) وزي ما حكيتلك ركزي على الخضار واهم نوع هو البروكلي وارضي الشوكي (ارضي الشوكي لو بتاكليها كل يوم بتنحفي اسرع لانها بتعطيكي حصتك اليومية من الالياف وكلها فوائد وكل الخضار ممتازين جدا جدا حتى الخس بنحف الخيار بنحف كل الخضار بتنحف والا الكوسى حبيبة قلبي رائعة
بتمنى حبيبتي تستفيدي بس لاني حسيت فيكي.. نفسي كان انحف الي خمس سنين بجرب كل انواع الريجيم حتى اللقيمات اللي نحف كتير ناس انا ما نحفت عليها .. ما نحفني الا تنضيف جهاز الهضمي وبعدها الصيام المتقطع وآسفة طولت عليكي