ساعدوني بليييييييييييييييييييز

السلام عليكم ورحمة الله وبركاته
كيف حالكم ان شاء الله كويسين؟؟

بعرض عليكم مشكلتي اللي عقدتني في الحياه((والله والله ما ابالغ))

كيف ابدا؟؟؟!!!!!!!! طيب انا عمري 18 مشكلتي اني ما أقدر اندمج مع الناس :eek:

اصلا اصلا انا بطبعي اجتماعيه بس لمن كنت صغيره ما كنت اشوف ناس كثير ولو كان في ناس محد يكلمني حتى في البيت ما كنت اتكلم مع امي كثير مدري ليش كنت احسها دايما بعيدهواخواتي كانو صغار قدي يعني..
المهم.........كنت احسب ان هذا شي عادي الى ما وصلت الاعداديه حاولت اكسب صداقات بس كانت سطحيه كنت في شله 5 بنات وطبعا كالعاده مااتكلم معاهم كثير حتى لما يتكلمو دايما دايما ولليوم اكون انا بس مستمعه..وكانت وحده منهم قريبه مني بس لاني غبيه و ومااعرف اسوي صداقات و لا اتكلم مع الناس مثل الناس كنا دايما ساكتات حتى هي كانت تستغرب ليش انا دايما ساكته وتسالني لو انا معصبه او زعلانه منها المهم بعدين لما رحت الثانويه كنا بنفس المدرسه بس كان بيني وربيعاتي بس سلام مافي كلام وكمان لاحظت انه لما اكون مع اي وحده مثلا من زميلاتي في الصف ماتتكلم معاي واول ما تجيي وحده ثانيه ربيعتها او وحده من صفنا يتكلمون عادي ..نسيت اقول اني مما اتقن اللهجه الاماراتيه اوكي وهذا شكل لي صعوبه لما دخلت الجامعه ....في الكلام والتعبير عن المشاعر حتى لو كانت سخيفه والتنكيت واي شي حتى التعليقات البايخه ما اعرفها.!!!!!!!!
في الثانويه حاولت اكون صداقات بس ما كنت اعرف كيف كنت احس ان في شي مشترك بين اي جروب واحسهم يتكلمو عادي كنت اعرف ان عندي مشكله بس ما عرفت ايش هي.!! حتى الآن..لدرجه اني صرت هادئه لآخر درجه علة قولتهم لا تهش ولا تنش....احاول اندمج معاهم بس احس انهم مختلفات عني في الكلام والافكار دايما يتكلمو عن هالاشياء البنوتيه العطور والملابس واي شي في الحياه والله احس نفسي بينهم كاني ولد ما اعرف شي من اشياء البنات.!!!!! لاتقولولي ليش ما تتكلمي مع امج مستحيل ولا اخواتي هم اصلا مثلي ولا قريباتي لانهم اصغر مني واغلبيتهم شباب ولا خالاتي وعماتي لاني مااحبهم بعدين هم من النوع اللي مش مستعد يسمع غيره..وكمان ما ارعف اعبر عن مشاعري حتى لو كنت معصبه طبعا في البيت يتجاهلوني ويقولو ليش معصبه الموضوع تافه مايستاهل ..طيب من حقي اني اعصب ليش كل شي عندهم تافه ومايستاهل؟ طيب وش هو الشي اللي يستاهل؟؟ لكن برع مشكله حتى اتفه شعور ما اعرف اعبر عنه ..ممكن عشان بيتنا بارد و ما فيه مشاعر صح ان الحاله تحسنت في اخر ثلاث سنوات وصرت اتكلم مع اهل البيت وصار في شوي مشاعر بس كل واحد كاتمها في نفسه.....حتى لما نتهاوش او مثلا شي عجبني احس ان هالشعور مرفوض كانهم يقولو عيب مش لازم تحسي طيب الشعور والاحاسيس شي طبيعي في كل انسان كيف امنعها واوقفها!!....ولو كنت برع مثلا في الجامعه وعصبت او فرحت احس اني ابالغ الاحظ اللي حولي ماخذين الأمر عادي يعني يعصبو بس بطريقه غير ومش مبالغ فيها عشان كذا صرت ثلاجه مشاعر.........احس اني مشوشه اعبر ولا ما اعبر لازم ولا مش لازم .. والله احس الساعه تقطر شوي شوي مليت من القعده بروحي اكيد بتقولو طيب شوفي حد وايلسي معها بقولكم كيف اجلس معاهم ونا اعرف اني ما بتكلم ولا بندمج كاني قاعده زياده خير وبالغلط..بيكون شكلي غبي بينهم
ولأن طبع عائلتنا انعزالي ففما اختلطت مع بنات كثير .والله احس ان حياتي علقت مثل ما يعلق الكمبيوتر واكتشفت كمان اني ما اعرف نفسي!!!!!!!!!!!!!!!!!! احيانا استاذ الانجلش يعطينا اسئله مثل شو اللي يخليج تزعلي شو اللي يخليج تفرحي شو تسوين لو كنتي متضايقه اذكري ثلاثه اشياء تعصب فيج وهالنوع من الاسئله اكتشف ان كلهم نفس الاجابه.......الاجابه هي ولاشي...يعني ما في احاسيس حتى لنفسي تعبر عني... :angry: طبعا هالمشكه كانت فيني من زمان بس لاحظتها من ايام الاعدادي بس حسبته شعور ويروح كنت دايما اتهرب من نفسي مادري ليش يمكن هالحاه كلها فيني لان لما كنت صغيره كنت دايما امرض و كانت امي تبعد عني ودايما مشغوله وبما ان ممنوع اعبر عن مشاعري جدامها سواء كان غضب او حزن او فرح او اي انفعال فكنت اعاقبها داخل نفسي لا شعوريا باني ابعد عنها اكثر واكثر وعن اي حد غير مدري ليش.........صح ان تربيتها من الناحيه الاخلاقيه والدينيه قويه بس من الناحيه النفسيه فهي وابوي كانو بالنسبه لي المدمرين رقم واحد..ممكن لانهم تربو بنفس الطريقه..على فكره انا كنت قبل الثالث ثنوي وحده ثانيه..نشيطه وفرحانه ومافي فبالي شي يعني كنت احاول انسى لاني لو حاولت احل هالمشكله من هذيك الايام كيف يقولوها يعني ...كنت بكتإب وما كنت بنجح في الدراسه فاجلت كل شي لبعد الثانويه حتى والله مدري كيف نجحت في الثانويه وحالتي كانت زفت بس الحمدلله على فكره انا اتحمل الضغوطات النفسيه لفترات طويله بدون ما احس فيها..!!!
المهم اللي اريده كيف اعمق صداقتي مع ربيعاتي اول شي كيف اتكلم؟!!!!!سؤال غبي اعرف كيف ابدأ انا بالكلام في اي موضوع ...عن شو اتكلم ومتى وكيف وليش طيب اتجنب اسالهم شي يحرجهم كيف اتكلم عن نفسي..كيف اندمج بالمجتمع لان المستقبل يفرض هذا تخيلو لو اشتغلت وانا بنفس هالشخصيه :08: :blink: ولا تزوجت كيف بتعامل مع الوضع الجديد :blink: ولا خلفت عيال ايش بسوي :blink: مصيبه..........
اعرف طولت عليكم بس والله سوري ما صدقت حد بيساعدني في المشكله كتبت اللي مضايقني والله بخاطري اكتب اكثر بس ما احب اطول عليكم...والسموحه...