ساعدوني بمجفف ميتاج قبل التركيب

السلام عليكم ورحمة الله وبركاته

الله ينور قلب كل من دخلت موضوعي وساعدتني سواء بتجربه او برفع الموضوع
الحمدلله واخيرا اشتريت مجفف ميتاج اللي فيه زرين واحد للتشغيل والثاني اﻷنظمه وهي اربع انظمه طبعا بعد البحث والتحري سؤالي يالحلوات انا لمن شريت المجفف من اكسترا سألته وش الفرق بين ميتاج وجنرال الكتريك وقالي الجنرال تحتاج ثلاث افياش وتصرف كهرباء اكثر وهي شبيه بميتاج بس اوفر لك خوذي ميتاج
وتخيلو يوم جاء الفني وجاب لنا المجفف للبيت قال لزوجي ماتحتاج خرطوم بس جيب كهربائي وركب لها ثلاث افياش
وان زادت حيرتي ماسمعت هنا بالمنتدى احد قال مركب للمجفف ثلاث افياش اخاف الفني ملخبط تكفووووون بنات اللي عندها مجفف تساعدني هل صحيح تحتاج ل ثلاث افياش وماتحتاج خرطوم
طيب وابي اسأل الحين الملابس تكون طالعه من النشافه ومبلوله شوي مو كثير المويه وين تروح في لها درج ولا مكان تطلع منه ولا تتبخر
وسؤال اخير اعذروني والله مالي الا الله ثم انتم تجاوبون على اسألتي الحين انا ناويه اركب لها خرطوم حتى لو ماتحتاج احس انظف وآمن ﻷطفالي والخرطوم ابفتح له فتحه على المنور بس خايفه من شغله ان المنور مليان حشرات اخاف تدخل واتحسف تكفووووووووون شورو علي افتح له على المنور ولا ﻷ

الله يرزق كل من تجاوب على اسألتي او ترفع موضوعي بدعوه