ساعدوني بمشكلة بنتي

السلام عليكم
عندي مشكلة مع طفلتي
هي الان في بداية الشهر التاسع، ولغاية الان مو مطلعة اسنان، ومو هون المشكلة، المشكلة إنها ما عم ترغب الحليب نهائيا وهاد الحكي من كم يوم بس، خاصة إنو بنتي ما بترضع طبيعي، من اول ولادتها لانه ما صار عندي حليب
وهي بتاخد حليب صناعي طبعا، وكمان بترفض الاكل، يعني مو متعودة إلا على السيريلاك والموز المهروس مع التفاح والبرتقال، وحتى هاد الاكل بطلت تقبل عليه زي زمان، حتىت عم بعمللها اكل بالبيت بس مو راضية تاكل، طبعا هي ضعفانه عن اول بس نشاطها الحمد لله كويس، مع العلم إنها بهاي الفترة بتشرب ماء كتير.
مو عارفة شو اعمل معها خاصة إنها اول بيبي عندي، يعني اغير نوع الحليب؟ حتى الاكل يلي فيه لبن مو راضية تاكله، وهي معاها إسهال، وبصراحة خايفة عليها كتير، هل من الممكن إنها بدها تنفطم عن الحليب؟
ساعدوني الله يخليكم