ساعدوني بمشكلة بنتي

السلام عليكم انا لي فتره افكر ببنتي وابيكم تساعدوني بحل هي عمرها١١ بس احس فيها فرط حركه ماتحب تقعد بس تحوس اذ تركت لها المطبخ وتقلد المقاطع حقت صنع السلايم وتجربها عندي وتحب الاشياء الخيال مثلا مقدر اخليها عند اخوانها لو شوي تحب تقلد المقاطع حقت المقالب تقولي ودي اجرب على اخوي الصغير مقلب الفلفل الحار هاوشتها قلت هذا صغير حرام يمكن يموت تحب تقلد المشهورات ومرره تاثر منهم خاصه اللي بسنها تقول ودي اصير مشهوره واعيش بامريكا والبس على كيفي حتى عبايتي ودي احرقها لاني البسها عباية كتف بدون غطاء واقنعها اقولها ياماما العبايه تسترك ويوم القيامه تدافع عنك قالت وش معنى البنات المشهورات اللي اكبر مني ليش بس انا ومره تقول ودي اصير ياماما مغنيه والا مذيعه من غير المقاطع اللي تشوفها حقت فيصل وبندريتا اللي باليوتيوب اطلعلها قصص اطفال ماتحبها تبي قصص رعب وارواح وخرابيط المشكله تصدق الاساطير والقصص المرعبه اللي يقولونها وقصص احيانا فيها انتحار مدري وش اسوي لها هي مقبله على مرحلة مراهقه كيف اخليها تعقل وتهجد ابي شي يسليها ومناسب لسنها بغير فكرها دامها صغيره وشي ثاني ماعندها مشكله تقرق معي وتسولف ساعات بس تكلم وتكلم الله يصلحها كل كلامها المشاهير وابي اصير مشهوره والا عن الخيالات اللي تشوفها مع ان جوال ماعندها بس يوتيوب احطه على تلفزيونهم ماتعجبها القصص وافلام كرتون بس تبي رعب وخيالات فكرت اوديها اخصائيه نفسيه يمكن يكون طبيعي ويمكن فرط حركه وش رايكم