ماطيق بعدك @matyk_baadk
عضوة جديدة
ساعدوني بمشكلتي العويصة
السلام عليكم ورحمة الله وبركاتة
كيفكم خواتي العزيزات بنات عالم حواء الاكتر من رائع طبعا انا جديدة عليكم وانتم السبب وراء تسجيلي هنا بعد متابعة طويله لقيت فيها كل الفوائد من نصايح لبعضكم وتجارب البعض منكم وامتصاص الخوف من المقبلات على تجارب جديدة من حقن مجهري الى اشعة صبغة الى ممرخات ...........الخ ولقيت من جد احلى خوات ناصحات مرشدات محبات للخير الله يجازيكم كل خير فمن هذا المنطلق بسرد لكم قصتي واتمنى منكم ارشادي الى مافية الخير والصالح .
انا اول ماتزوجت حملت من تاني شهر والحمد لله وانجبت الطفل الاول وكانت الولادة والحمدلله طبيعية بعد ستة اشهر من الولادة حملت وانا مادري وماكنت اخذ موانع ابدا لاني بالطبيعة عصبية مووووت فما تنفع لى واللولب كنت رافضتة تماما هو والواقي الذكري والحمدلله وانجبت الطفل التاني الله يحفظهم ويصلحهم ويرزقني برهم يارب من بعد الولادة بديت احافظ على نفسي عشان ماتتكرر الغلط قبل سنه تعبت وكانت عندي المرارة ملتهبه وشلتها بالمنظار وكانت اخر ايام بالدورة كان الدم لونة بني بعدها تشافيت الحمدلله وبديت افكر بالحمل ولكن بدون جدوى اول مشكله كانت عندي قرحه بعنق الرحم وعالجتها وكويتها تاني مشكله طلع عندي كسل بالغدة طبعا كل شهر اكتشف مشكله جديدة بعد العلاج قالت الدكتورة لازم متابعة تبويض تاني شهر من علاج الغدة ولقت عندي ضعف تبويض بديت رحلة جديدة مع المنشطات من كلوميد وابر ودافستون لين شهرين وراء بعض وماشفت اي استجابه تكبر الحمدلله البويضات واخذ ابر التفجير بس ما يصير حمل وقفت العلاج لاني تعبت نفسيا بعد شهرين قالي زوجي وامي جربي التمريخ وفعلا جربته وليتني ماجربتة دورتي كانت منتظمة والحين لي 15يوم ماشفتها ورحت دكتورة نساء وعطتني حبوب تنزلها لكن الدكتورة اللي اخذت المنشطات معاها قالت لو ماحملتي بالهرين حقت العلاج خلاص الشهر الثالث يكون اشعة صبغة والله لايوريكم هي قالت هذا الكلام بعدها ماشافت وجهي طبعا اخذت خلطة تنشيط المبايض من وادي النحل بس للامانه ماستمريت عليها بس15 يوم ماحبيت طعمها وجربت المراميه والبردقوش والرشاد وتقريبا كل شيئ حتى شيوخ رحت بس مافية فايدة والحمدلله الحين مداومة على الاستغفار وقيام الليل ووزني شوي زايد وصايرة امارس:7_5_127:واقول الله يرزقني ويعوض صبري وتعبي كل خير ويرزق كل محرومه ومتاخرة قادر ياكريم وعاد الله الله بالدعاوي اللي تثلج الصدر والردود الزينه وادري اني طولت عليكم بس كان ودي تعيشون كل التفاصيل من غير زيادة او نقصان :)
11
1K
يلزم عليك تسجيل الدخول أولًا لكتابة تعليق.
hannoudi
•
الله يرزقك الذرية الصالحة
الصفحة الأخيرة