ساعدوني بمشكلتي مع ابوي

السلام عليكم اخواتي


الله يسلمكم من يوم و انا صغيره ابوي مو عاجبه اي شي اسويه
لا ترتيب البيت و لا طبخ و لا غيره دايما يحطمني بكلامه كان يقولي مين المجنون
اللي راح ياخذك و يطالع بوجهك ... انتي لو جاك سواق خط كثير عليك
و حتى ما خلاني اكمل دراسه مع اني كنت شاطره الحين شهادتي متوسط
بس الحمد لله انا ذكيه جدا و فاهمه لأني اقرا كثيييير خصوصا لما تركت المدرسه
و هذا الكلام بشهادة زوجي ... و زوجي ماشاء الله انسان متعلم و مثقف و واعي
و عنده شهادات من فرنسا و بريطانيا و المانيا

ابوي من نوع اللي ما يهتم الا بنفسه و بس احنا لو نموت اعتقد ما راح يهتم
لما نمرض ما يفكر ياخذنا للمستشفى لكن هو لو جاله صداع على طول يروح
مره جانا فيروس انا واخواني احنا سته و كلنا ممدين بفراشنا و لا اهتم
قال لامي اعطيهم فيفادول و اخر شي راح الصيدليه و شرح الحاله للصيدلي
و اعطاله علاج و الحمد لله ... الله ستر علينا
و بالفتره هذه ما شفنا حتى وجهه لأنه خايف نعديه

اكثر قهرني اخوي الصغير عمره 9 سنين اخر العنقود عنده التهاب حاد بعين وحده و الثانيه خفيفه
تصير عينه حمرررا و تصغر حجمها ..
قال لاخوي عمره 21 سنه جيب قطره بس ما نفعت اخيرا اتكرم و اخذه على الطوارئ
و كتبوله مرهم و قطره بس برضو ما نفع و قالو له لازم دكتور متخصص و اعطوه موعد بعد 3 شهور

اخوي حالته ما تتحمل لانه صغير و عيونه معدومه امي تهاوشت مع ابوي عشان يوديه خاص
و بالقوه اخذه و قاله الدكتور عينه مررره تعبانه و كتبله علاج اتحسن عليه الحمد لله و قاله
اذا صار اي شي خلال الشهر الجاي تعال
بعد 4 شهور التهبت عينه ثاني مره و قلنا له وديه عند نفس الدكتور قال لا
يكفي الـ 200 اللي راحت اول مره ... بعد مشاكل طويله
اخوي الكبير اخذه و عالجه على حسابه ..

مع ان ابوي ما يروح الا خاص و ما عنده مانع يكشف مره او مرتين او ثلاث عشان يتأكد بس
الحين عنده البروستاتا كل يوم كشوفات و مافي الا صرف فلوس
اي دكتور يسمع عنه يروح له و يسوي نفس التحاليل و يقول عادي الزم ما على الانسان صحته
راح جده و الرياض و الشرقيه و القصيم بجده كشف بثلاث مستشفيات و الرياض 4
و على هذا الحال و لو يقولو الكشف بـ 100000 يدفع و على قلبه زي العسل
و احنا حتى حكومي ما كان يودينا ....

عاد الحين انا متزوجه و في بيت زوجي بالرياض
جاني الرياض عشان سمع عن دكتور شاطر الحين له يومين بهاليومين طير النوم من عيني
نفس حركاته مو عاجبه شي ... و يسب فيا
قبل شوي زوجي ما قصر وداه للمستشفى و جلس معاه و الحين رجعه للبيت
و هم بالطريق كلمني ابوي و قال سويلي شوربه قلتله طيب
و سويتها لما رجع لقاها جاهزه اكلها قال سويلي شاي سويتله الا وشوي
قال ليش الشوربه مو مشكله ؟؟؟ ليش خليتيها شكل واحد قلتله انت قلت سويلي شوربة لسان الطير
و سويتها .. قال المفروض من حالك تعرفين تسوينها هذا شكل شوربه و و و و
انا عصبت و قلتله اعتبر نفسك شاربها بمطعم يعني راح تحاسبهم و تقول ليش مو مشكله
عصب مني و جلس يسب قلتله لو سمحت مافي داعي
خلاص المره الجايه اسويها مشكله ... قال المفروض تسكتين و ما تفتحين فمك و تحترميني
قلتله انا محترمتك و انت المفروض كمان المفروض تحترمني قال لا مو لازم

قلتله الا لازم و المفروض كل واحد يحترم الثاني و جلس يسب يسب يسب
قال ياللي ما تستحين شايفتني جاي من المستشفى المفروض تهتمي فيا
قلتله انا و الله ما قصرت اللي تقوله اسويه قال غصبا عنك اصلا
قلتله طيب و احنا ياما مرضنا و تعبنا و و لا مره فكرت تهتم لو شويه حمق عليا و كمل سب

و انا دخلت غرفتي و سكرت الباب و هو الحين بالصاله


ايش اسوي صراحه مقهوره منه عالاخر ما احبه احسه جالس على قلبي
و حتى لما مرض ما رحمته .. لانه كان يتريق على المرضى
ما اذكر له يوم حلو .. لا معاي و لا مع اخواني و امي ماله اي شي بقلبي
حتى الحين مع زوجي امثل اني خايفه على ابوي عشان ما يقول انو ما فيا خير
مع اني و الله الكل يشهد بطيبتي حتى الغريب اللي ما اعرفه احزن اذا عرفت انو في احد مريض
بس ابوي لا عاااادي عندي

مشاعري من ناحيته متلبده