ساعدوني بمشكلتي مع خطيبي وادعوا لي الله يوفقكم

السلام عليكم

انا من زمان متابعتكم ع الصامت عجبني انكم اخوات مشاء الله الله يديم هالروح الطيبه بينكم


انا عندي مشكله كبيره جدا واتمنى تساعدوني او تدعولي او ع الاقل افضفض لكم لان ماعندي احد اتكلم معاه لا ام ولا خوات ولا شي واتمنى ماتجرحوني وتساعدوني

انا ملكت قبل سنه ونص وكنت احبه بشكل لا يوصف وربي يشهد علي جلسنا ثلاث شهور مثل العسل يزورني ونجلس مع بعض وتصير بينا شغلات امم عمري ماطلبت منه شي ماسوى لي ملكه ولا جابلي ذهب والمهر 30 الف وكل شوي يعايرني فيه ويقولي احمدي ربك خطبتك يعني ماتتشرطي طيب يقول الزواج (يعني الجنس)اهم شي انه اثنين يقعدوا مع بعض ويناموا وبس لو بالشارع حتى مو مهم البيت وربي كان يدخل علي فاضي كنت اتمنى لو يجيب ورده يقطعها من الشارع بس قلت يمكن ظروفه او مايعرف سكت والله والله انه كل مايجي يزورني يجوا معاه امه وخواته الاربعه واخوانه الشباب الاثنين ويشهد علي ربي ولا مره زارني لحاله مايخلوه المهم اني اشيلهم ع راسي بعد ثلاث شهور اخواته بدت الغيره يجوا عندي ببيت اهلي ويقطون علي كلام جارح وحتى امه واتحمل واسكت ومرره سوو مشكله
وقالوا له انو انا اذا تزوجت راح امنعهم يدخلوا بيت اخوهم قالوا له حنا نبي نجي بيتك وندخل غرفت النوم ونتعطر وكذا
وهو الله يسامحه صدقهم وقلب علي وقالي انتي مافيك خير باهلي تعامليهم طيب قدامي ومن وراي الله واعلم ومن هالكلام وقال انا ماعاد ابيك ابي اطلقك انا جاني انهيار وقتها وربي ماخليت طريقه الا ماسويتها عشان اصالحه
ارسلت له ناس كثير وادق علي يزعق علي يقول انا اكرهك وعفتك وموطايق اسمع صوتك
قلت طيب تعال نتفاهم قال لا قلت طيب كل دامك ماتبيني طلقني قال انا ابي فلوسي كامله ولا راح اخليك معلقه مثل اختي المشكله انا جهزت بنص المهر والنص الثاني خذه ابوي ويقولي مامعي اعطيكي

اللحين لي سنه ونص تاركني ولا ادري عنه ولا يرد علي ولا على ابوي طيب بالله قولولي وش الحل وش السوات معاه اروح للمحكمه ولا وش اسوي المشكله انو المهر صرفته وابوي الله يسامحه مو راضي يعطيني اللي اخذه
انانفسي يطلقني وافتك منه اكتشفت انه ماعنده شخصيه اللي امه وخواته يقولوه يسويه تخيلوا يااخواتي الرسايل اللي بينا يقولها لهم حتى الكلام وكل شي طيب ذي وخصوصيه بين الزوجين ادعولي انه يطلقني وارتاح وان ربي يرزقني بالزوج الصالح ويعوضني والله والله نفسي اتزوج نفسي اعيش بالحلال ونفسي يصير عندي اطفال