ام ليان وتالا @am_lyan_otala
عضوة فعالة
ساعدوني بمطبخي /// غااليتي يوجد موضوع مثبت للمطاابخ
السلام عليكم يا أخواتي الحبيبات صراحة انا تعبت من كتر التفكير بترميم المطبخ وتغييره طبعا لسه ما بدأت فكان نفسي أسوي مطبخ لونو اسود والرخام ابيض والله يا بنات بدأت رحلتي في البحث والاكتشاف في المحلات طبعن انا من المدينة وما خليت محل تفصيل مطابخ إلا دخلت ورحت المطابخ اللي في سلطانه وفي كل مكان في المدينة العليان وشبكة المطابخ واليسر وكافكو والمنزل الايطالي المهم لقيت عندهم انواع كتير جديده الصاج والفورمايكا والألمنيوم والخشب طبعن الخشب مستبعد فأعجبني بعد استشارات واستشارات الفورمايكا لانها ضرف دبل وتتحمل اي شي قوي يجئ عليها بس طبعن كان نفسي باللون الأسود بس محد نصحني فيه بادن لأنو متعب جداً في التنظيف وبالنسبة للرخام لقيت في انواع العفيفي والأمريكي والتركي ناس قالو الامريكي وناس قالو التركي بس الامريكي هواه اللي يكون فيه نزول ب 6او 8سم حلو زي ايكيا بس مشكلتو من تحت يلصق بخشب والخشب مشكله كبيره وانا مره نفسي بالنزول حق الرخام هنزلكم صور ورحت محل يسوي الرخام الامريكي مع العلم انو مره غالي ويلصقو من تحت بالمنيوم خلصت وارتاحت نفسيتي من جهت الرخام نجي للون مستحيل أسوي خشبيتان أبدن لأنو قدمت أبغ أسوي من الألوان الجديدة وأحمر لا لأنو مطبخي احمر قبل التغيير نفسي نفسي وابلغ أكم تشج عوني باللون الفوشي اللي يميل للموف هنزل صور بالله يا بنات ساعدوني وانا راح أساعد اي احد يبغى يسوي مطبخ لأنو جمعت معلومات عن الأجهزة الكهربائية بس تعبت وانا اكتب ربي يسعدكم
0
1K
هذا الموضوع مغلق.
خليك أول من تشارك برأيها 💁🏻♀️