السلام عليكم
مبارك عليكم الشهر
ساعدوني بطريقه اصيد فيها الفار ذبحنا زهقنا كل مانصيد يطلع لنا ويخرب ويقرب مطبخنا ابغى اصيده قبل رمضان
خواتي يستشير كم بتنظيف المطبخ وش الطريقه اللي تخلي المطبخ يبرق تعبت وربي ماعندنا شغاله ًمطبخنا ماودي احد يدخله
والله اني مجهز ته مع بدايه شهر 8 الرمضان بس زارونا قرايبنا وطول حدود 10 ايام ورجع محيوس المطبخ الثلاجه تفشل اكرررف بس يرجع زي ماكان
ابغى طريقه سهله للتنظيف وتخفف علي برمضان ووودي اخصص وقت العباده
لاتقولون لي جيبي وحده تشتغل
اول ماثق بتنظيفهم
ثانيا
الفلوس اللي ابعطيه اياه بجيب فيها منظفات للمطبخ اول
انا محتاجتها هاللحين عشان العيد
علما اني اوفر الفلس لي ولولدي
لاني عند اهلي مستقره للأبد
ساعدوني بتجاربكم
ولكم دعوه بكره وانا صايمه
شاركي في النقاش
سجلي الدخول لإضافة تعليق.
التعليقات
7- وينك مارديت
يالله حبيباتي انتظركم بحلولكم جزاكم ربي الجنه - صباح الفل والياسمين
الله يخلي لك صغيورك ويرزقك من حيث لاتحتسبين
اول حاجه موضوع الفاره اللي هي كاااااااابوس حياتي اللي اكرهه
لان قبل سنه سافرنا حق اربع ايام ومن رجعت وانا حااااسه ان في بيتي شي غريب وتطلع عندي فاره
طبعا صدناها بصمغ بس الله وكيلك جلست في كواااابيس يوميه صبح وليل لمدة اسبوعين بسببها
هذا من سنه واليوم الصبح رجع لي الكابوس المقيت
لذلك اكرها واحقد عليها
شوفي حبي الفار احيان يكون ذكي ويتجنب المصايد لذلك حطي له حبوب الورديه اللي يسمونها سم الفار
هي ماتقتله هي تسبب له ضيق تنفس فيضطر يهرب للاماكن المفتوحه وبعدين يهلت ويموت
في زوايا المطبخ وتحت الدواليب جيبي اكياس صغيره الملونه حق التوزيعات وحطي فيها فلفل حب وفلفل مطحون ووزعيها بس لايجيها مي ترى تخرب
وبرضه حطي اكياس حبه سودا مطحون وحب بنفس الكيس
ترى الفار يكرررررره ريحتهن ولايتحملها يختنق منها
وطالما هي موجوده بمكان مايقرب منه
بالنسبه للمطبخ ياقلبي انتي ماالومك شقاااا
لذلك ابدي اليوم عزليه دولاب دولاب تعزيله محترمة من جوا وبرا وعطي للمطبخ ثلاث ايام تكون بس للدولاب
لان هو الهم الكبير
بعده الثلاجه وطبعا هي لازمها شغل يومي وترتيب يومي ومسح خارجي
الفرن لبسيه قصدير ومسح سريع حتى لو في طبخه على النار
الحين بعطيك كم فكره تختصر لك شقا المطبخ
اول حاجه كاسات المي والعصير حطي الزايد منها بكرتون وارفعية نفس الشي فناجيل القهوة وكاسات الشاي
خلي بس قد حاجتكم وبرضه الملاعق لانها هي اللي تنشر الفوضى بالمطبخ
وقت تحضير الاكل لاتستخدمين الا زبديات البلاستيك تجي مقاسات وملونه بمحلات التخفيضات
اولا تختصر لك اسخدام الصحون وقت التحضير تحتاجين صحن من هنا زبديه من هنا فجئه تلاقين المجلى حوسه وكركبه
لذلك اكتفي بزبديات البلاستيك
تستفيدين منها وقت تقطيع السلطة والخضار والعجن والصغيرى لخفق البيض وبعد لتتبيل
ولانها سهل غسيلها بس اختاري نوعية ممتازة وللاستخدام المتكرر
واشتري ملاعق بلاسستيك اللي استخدام واحد استخدمي وارمي ولو حبيتي لخفق البيض استخدمي صحون بلاستيك الاستخدام الواحد وارمي بلا هم الغسيل
طاولة العمل افرشيها سفرة بلاستيك او جرايد تبقى نظيفة وتلق
وخلي جنبك سله صغيرة فيها كيس تلمين فيها القشور وعلب الفاضيه مثل المعلبات او الزبادي عشان تحتوين فوضى تحضير الاكل
انا احيان عشان افتح نفسي للطبخ ابخر المطبخ او اعطره بملطف جو
او حتى رشة كمفورت
ترى كله يفتح النفس احيانا اولع شمعه سبحان الله كيف تفتح النفس للشغل والترتيب
او اسمعي اناشيد توسع الخاطروانتي تشتغلين
بالنسبه لرمضان الله يبلغنا وياك ويا من نحب ايامه ولياليه
ترى هو سهل شوفي موضوعي رمضان رحمه البنات وانا حطينا حلول الله ينفع بها على ضوء تجاربنا
بالنسبه للشغاله ترى ماتنفع شغلها من قفا يدها وشغلهن مقرف ولابغسيل ولابترتيب جتني عقده منهن فلاتعتمدين عليها
اعتمدي حلول تساعد وتخفف - ممم لآني احب الالوان بلون لك موزوعك
جت لي فكره كنت زمان اطبقها وبرجع لها ان شاء الله
هي الزرعات بالمطبخ ازرعي اي شي بأي شي ههههههههه
اقصد لو مو قريب منك مشتل تجيبين منه زرعات صغيره
جيبي اي علبه وازرعي اللي تحبين نعناع
وردات
اذكر كان عندي قبل فتره شتلات صبار وروز ماري ونعناع وكانت تعطي جو
وتعطي حياه حطيت لها حوض وعبيت الفراغات بورق الشجر البلاستيك
صارت زي حديقة مطبخيه
لو اتذكرتيني بدعوه ادعي لي الله يوفق حبايبي اولادي ويرزقني سكنى المدينه وجوار نبينا عليه افضل الصلاة والسلام - الله يرزقكم كل خيررر واللي تمنونه ومشكورات على الرد
يارب
الفار اللي عندنا داهيه يعرف كل الحلول ومايموت منها
بيتنا جديد بحي جديد اغلبه بررر وأراضي فاضيه يجي منها
متوحش
وبالنسبه للحجات إسلامه والخطر هـ ماحطها ابد لان ولدي ياسر يحبي وخايفه انه يبلعها كل شي بالفم تعبت من ياسر والمطبخ
لا والفأر هو اكبر شي مزهقني
يارب بس - اختي الفاضلة
الفأر حطي له لزقه تصيده حطي ثلاثة تحت الغاز بس دخليها للاخير ، وتحت المجلي ودخليها للاخير وتحت الثلاجة ونفس الشي دخليها للاخير علشان ابنك ما يقدر يصل لها
واللصقة بروحها تجذب الفأر ما بيعدي يومين الا وهو واقع فيها
وبعد ما تصيديه حطي غيرهم في نفس الاماكن علشان لو لا سمح الله كان فيه واحد ثاني ينصاد في نفس
ظلك حطي لحد ما يعدي عليك اسبوعين ما تشوفي فيهم اي فئران ، وربنا يحميي ابنك ويحميك وكل احبابك
تقبلي تقديري
مواضيع مشابهة
تابعي تجارب أخرى من هذا القسم.