كوبونات الراقية تسجيل الدخول

{ الجورية }
{ الجورية } •
للرفع ............ سبحان الله وبحمده سبحان الله العظيم
روز الأمل
روز الأمل •
مرحبا أختي الجوريه ( محترفة الكروشيه قريبا ان شاء الله )
تابعتك في مشكلة القياسات وحسيتك خايفه من التجربه
مع ان الخبره ماتجي الا بالتجربه !
طبعا التجربه تكون في الاعمال الصغيره مثل الجاكت اللي عرضتيه
لو تعرفي كم فكيت وكم عدلت في شغلي حتى بدأت اتقان الكروشيه
يعني الان حتى لو الخيط رفيع مابقدر اقول لك كم سلسله
لان خامة الخيط برضه تعتبر عامل مهم لأن بعض الخيوط تفرد في الشغل
والبعض الاخر يلف الشغل على بعضه
التجربه الاولى كوني مع الورشه خطوه بخطوه حتى لو اختلف نوع خيطك
وبعدها ممكن تعيدي الورشه بقياساتك التقديريه وخيوطك المتاحه
تغيري مقاس الرقبه وايضا الكتف والكم ...... كلها بتتغير حسب حجم الطفل
ولسا فيه نقطه اكتبها المره الجايه ويارب مااكون ثقلت عليك وتكوني فهمتيني
{ الجورية }
{ الجورية } •
روز ياحياك الله ياغالية .. منورة واشكرك على الحضور
وعلى ردك اللطيف انا كانت لي تجربة فاشلة ومتعبة جدا لاني عملت فستان وجلست تقريبا
فيه اسبوع وساعات كنت اجلس باليوم 4 ساعات او 3 وانا اشتغل متواصل لين ماانهلكت
ولمن خلصته انقهرت كثير طلع مو بالشكل المطلوب وخاصة تجربتي الفاشلة بالخيوط
علشان كذا اخذت تقريبا وقتي من التجارب لاني اكثر من شغلة اعملها وارمي الشغل او افكه
فقلت حابة اعمل شي وتكون بداية صح

مثلا قصة الجاكيت سؤالي والله اشوفه سهل بنظر اي محترفة لاني ماطلبت يفهموني من الصفر
بس مجرد سؤال بخصوص المقاس كيف اقيس عشان لو حابة اشتغل مرة ثانية عليه لعمر اكبر
اكون عارفة من وين مقاس الجاكيت

لاني طفشت ومتضايقة من قصة المقاسات اشتغل بورش العمل لمقاسات انا ماابغاها لكن مضظرة
فحبيت اشتغل بالمقاس اللي احتاجة عشان بهديه واشوف كيف اثر هالهدية ..

وسلامتك وانا اعتذر لو فعلا ضايقت احد
{ الجورية }
{ الجورية } •
عبووورة اي شغل فديتك ^___^ ؟
روز الأمل
روز الأمل •
هلا بالغاليه .. يعني فعلا توقعي كان في محله انك خايفه من التجربه
لأنك حاولتي وجربتي كثير وكلها ماعجبتك في النهايه
فيه طريقه عشان تعرفي قياس خيطك ..
هي انك تسوي من خيطك مسطره
بعيدا عن الشغل اللي حتعمليه
تشتغلي عشرين سلسله وتشتغلي فوقها عشر سطور
الان مسطرتك جاهزه حتى تاخدي قياساتك بالمضبوط
تجيبي الفنيله وتبدئي تقيسي الرقبه بالمسطره الكروشيهيه اللي سويتيها
تكرري وضع المسطره على حواف الرقبه الين اللفه المطلوبه وتجمعي
مثلا عشرين زايد عشرين زايد خمسه ويكون مجموع الغرز المحدده للرقبه خمسه واربعين
ونفس الشي لو عندك القياس بالسنتيمتر
تكرري وضع المسطره الكروشيه على المتر الين الطول المطلوب وتجمعي الغرز المطلوبه
وايضا من ناحية الطول تشوفي بالمسطره كم سطر الين توصلي للاكتاف
وكم سطر الين الطول المناسب وهكدا
يارب تكوني فهمتيني وانا مارديت عليك في الاول لاني متضايقه ..
بالعكس اريد اساعدك واوصل معاك لحل لمشكلتك وبالتوفيق يارب