ساعدوني بمووووت منهم

كم عمر اولادك

وكمالفرق بينهم

الله يعينك ويصبرك

تعاملي معاهم بحكمة ودايما ازرعي لديهم الواعز الديني في حسن الخلق وعدم الغضب

وخصوصا في التعامل معك ليتعودو على احترامك منذ الصغر

يعني مثلا اذا صارخو او زعلو عليكي دايما ذكريهم بحديث الرسول صلى الله عليه وسلم

من احق الناس بصحبتك.......الخ

واذا تهاوشو قولي لهم بصفة عامة المظلوم له اجر وحسنات

انا عيالي اذا تهاوشو اقولهم ببرادة البادي له سيئات والمظلوم له حسنات

وانهي الموضوع ...وحاولي ما تصارخين عليهم

جبيلهم العاب بلاشتيشن اي اللعاب يحبونها خلي ابوهم يطلعهم وانت اتفرغي للبيت
اشغليهم معاك في الترتيب واعطي اللي يساعدك مكافأه

يا أختي حالي مو بعيد عن حالك انا عندي تؤام ولد وبنت وبعدهم بسنه بس بنت ثانيه اشطن منهم وكلهم كأنهم خليه ارهابيه نص جزمي الله يكرمكم عند الجيران وقطاعات البصل والسلطه نلقاهم مرميه عند باب الشارع وانا اطبخ يرمون بوسط القدر البيوز وخليها علي ربك المشكله انهم توهم اربع سنوات وشلون اذا دخلو المدرسه واربع وعشرين ساعه يتهاوشون ويتضاربون الوجيه كلها مشوهه وايدنهم ورجولهم كلها عضوض وكنهم قروده يتسلقون المكاتب والدرج
ذبحوننننننني الشغالات يهجون مني زوجي يهج من البيت مايرجع الي تالي الليل اذا رحت لأحد فشلوني مادري وش اسوي بشق هدومي

الله يصلي على النبي والحمدلله عندي ثلاث اولاد من صغرهم معلمتهم على الثواب والعقاب يعملو شيء زين احسسهم بفرحتي واحيان اعطيهم هديه واحيان انزل مديح على الشيء الحلو اللي يسووه وان بدا هواش او عدم احترام لبعضهم او غلطو علي بدون كلام المذنب فيهم يجعد بالغرفه ما يطلع منها وشوي شوي يتأدبو تعرفي قبل كم من يوم كنت مشغوله بالمطبخ اصلح السحور ويا الخدامه ولاهيين لان نسمع مسجل به قران في المطبخ وكان الصوت عالي واتاريهم يلعبو شرطه وحرامي بالصاله اللي لمن يرجع ابوهم من الصلاه بيجعد فيها ونا مبخرتها ومعطرتها تفاجات لمن طلعت من المطبخ عافسين الصاله عفاس الله لا يراويك عصبت لاخر درجه وعلى طول دخلتهم غرفتهم ونامو بدون عشاء وكسروا بخاطري بس لاوم اكون قويه عشان يتأدبوا ومن هذاك اليوم والله كل ما واحد فيهم يقول للثاني خلا نلعب بالصاله يذكره الثاني نسيت تبي امنا تنومنا بدون عشاء بعد اليوم مت ضحك عسى الله يحفظهم واهم شيء اذا بتعاقبين نفذي عقابك اهم شيء تكوني صادقه معاهم ولو كسروا خاطرك

شكرا لكم خواتي على اهتمامكم , والله يجزي خير كل وحدها اهتمت بالرد , وحاولت مساعدتي

انيقه ..... عمرهم 8 , 5 سنوات .. يعني المفروض يكونون صديقات ... بس اهم صايرين جني وعطبه .. الله يصلحهم يارب .
وكلامك صحيح .. انشاء الله احاول اجربه .. مع اني حاولت من قبل ودايما افهمهم انهم ان هذا الشيطان يوسوس لهم وان الشطانه معناها انه قص عليهم وخلاهم يطيعونه .. بس وقت الجد ماااااش كل شي يروح .

ام عمار ..... العاب بلاي ستيشن ؟؟!!!!! لا لا لا ... حق طوووول اليوم: تاخذ دوري... وابي هذي اللعبه وماتخليني العب ...
ماسوينا شي .
وبالنسبه للمساعده في شغل البيت .. احيانا يحبون يساعدون ... بس اهم عنيدين شوي ..
وانا مو طول اليوم اشتغل في البيت .. يعني ابي حل جذري .

سكوووووون <<< ترى ماحسبت الواوات .. عسى مازيدت او نقصت .
موتيني ضحك .. الله يصبرك ويصبرني .. صدق هم يضحك وهم يبكي .. الله يصلحهم ويخليهم ويبارك فيهم .. امين يارب .

بنت النور .... الله يخليهم لك ويبارك لك فيهم ...
معاكي حق المفروض نكون حازمين في مسأله العقاب ..
وانا بصراحه مو حازمه .. لانهم اذا عاقبتهم .. يعاقبوني اكثر بالبكي والصراخ .. وانا ماتحمل .. يكفيني بكي الصغير .
اليوم اتبعت معاهم طريقه جديده .... وقلت لهم اذا صرتو شياطين .. انا بصوم صيام زكريا ( صيام عن الكلام ) .... يعني ولا وحده تجي تشتكي لي ..
على الاقل لا يتهاوشون ويجون يصجون راسي .

الله يوفق الجميع يارب ويبارك لكم في اولادكم ...ويتمم لكم شهر الصيام بالمغفره .

ودعواتكم .