ساعدوني بنات .. حوش بيتنا تحول الى صحراء ..الشكوى لله ..

خواتي الغاليات

طالبة مساعدتكم

أولا : الحمد لله على كل حال ، والخيرة فيما اختاره الله ..

القصة وما فيها أن حوش بيتنا كان فيه أشجار خضراء تغرد فوقها العصافير ..وكانت تظلل علينا وقت الحر ، ولون الخضرة يطل علينا من الشبابيك يشرح الصدر .....وأنا من عشاق جلسات الحوش حتى لو كان عرقي ينقط :eek: ولو يحصل لي ما أدخل البيت أبد ..
لكن ، قدر الله وماشاء فعل ..صارت مشاكل بسبب الأشجار واضطرينا نشيلهم كلهم ، والله أحس كأنهم خلعوا قلبي من مكانه وهم يشيلونهم :44: .. لكن ما أقول الا الحمد لله هذي ديرتنا عسى الله لا يغير علينا ...وحتى الحشيش والشتلات الصغيرة ما تعيش عندنا والحمد لله على كل حال ..

عاد الحين قلت على الأقل نستفيد من الحوش بطريقة ثانية ولقيت أفكار على النت بس كلها من مواقع أجنبية ، وزوجي يقول ان ظروفهم غير لأن الجو عندهم يساعد ..وكلامه صحيح ..لكن حبيت اسأل إذا فيه أحد من البنات عندنا في السعودية اقدروا يستفيدون من حوشهم بظروفنا ...ياليت يقولون لي كيف ...والله يجزاهم كل خير ..وكان الله في عون العبد ما كان العبد في عون أخيه ...وأنا عارفة أنكم ماتقصرون وراعيات فزعات عشان كذا قلت استشيركم ياحبي لكم ..






.