ساعدوني بنات نحفت بسبب ..... :(

السلام عليكم
بادخل بالموضوع على طول :44:
بنات انا كنت طول عمري نحيفه وزني قبل سنتين كان 45 وبعدين استعملت الحبوب الصينيه وفعلا جابت نتيجه ووصل وزني 54 خلال كم شهر
بس بعدين الحبوب سببتلي حرقان بالمعده فتركتها
وبصراحه طحت بالحرام بسبب ظروفي "كاتبه موضوع عنها اذا تبون تقرونه من ملفي"
المهم الحرام الي سويته هو اني كنت استعمل ممنوعات ومواد تسكر وفوق هذا كنت مدخنه للزقاير والشيشه بشكل يومي والعياذ بالله بعد ماسحبوني اصدقاء السوء بفتره كنت فيها ضعيفة الايمان "سامحوني على ذكر هالنقطه لكن لاني ابي حلول تناسبني فابيكم تفهمون وضعي زين ووالله اني تبت من هذا كله وقطعت كل شي وان حتى الزقاره حرمت انها تلمس شفايفي خلاص"
المهم بعد ماكنت استعمل هالمواد وزني نزل بدرجه فضيعه وصار 39 خلال فتره قصيره
مع العلم ان طولي 162 يعني لكم تتخيلون كيف صرت ورقه
والصدر اختفى تقريبا وكل شي وشعري يتساقط بطريقه فضيعه بسبب سوء التغذيه "لاني ايضا ماقمت اكل شهيتي انسدت وعادي يوم كامل ما اكل فيه شي بس اشرب ماي"
طبعا لي اكثر من 7 شهور تركت الممنوعات وتبت لله بس الحين ياليت لو تساعدوني ابي امتن لكن ما اعرف وش الاكل الصحي الي المفروض اكله
وايضا كيف اعرف ان جسمي نظف من السموم اللي كنت استعملها؟ ابي ارجع لصحتي وعافيتي بشكل طبيعي بدون ما استعمل حبوب صينيه ولا اي شي ساعدوني
وياليت لو وحده عندها جدول غذائي ينفعني تعطيني اياه
ويعطيكم الف عافيه :44:



ونصيحه للبنات المراهقات الي بعمري: مهما كانت حياتك متعبه ابدا ابدااا لا تتخذين طريق السكر او حتى التدخين كمفر او وسيله للتنفيس فيها عن حزنك وقهرك .. والله انك تنضرين زووود وتتعبين باقي حياتك كلها وتكرهين نفسك زود وهذا غير الامراض الي بتشوفينها خلال اشهر بسيطه ""مابالك بعد سنين قدام" .. خذو بكلام مجرب ولا تاخذون بكلام طبيب