ساعدوني بنتي بتترك المدرسه

سلام عليكم
تكفون ساعدوني عندي مشكله وهي بنتي بالصف الخامس عمرها 11 كانت شاطره ومتفوقه وتحب المدرسه ولما بداء العام هاذا داومت اول يوم مبسوطه وفرحانه بالمدرسه وثاني يوم جاءت وجلست تصيح تقول مابي المدرسه سألتها ويش فيك وعلامك تقول اخاف من معلمه الدين وحده من البنات من صف سادس قالت لي الأبله هاذي عصبيه والله يعينكم عليها قلت لا عادي انا اكلمها ومافيه شيء المهم داومت ثاني يوم بالقوه وصياح بالمدرسه كلموني الاداره وقالوا بنتك تبكي وتقول قلبي يعورني ورحت لهم وقلت لهم السبب انه خوف وكلمت المعلمه ونادتها وحظنتها وقالت انا ماني عصبيه والبنات يكذبن عليك لاكن مازلت اشوف عليها علامت الخوف وخرجت قالولي خلاص خذيها معك اليوم وأخذتها اليوم الي بعده رفضت تداوم وتكرتها تغيب ونفسه اليوم الي بعده صياح ونياح وخليتها تغيب خلص الاسبوع بداء الاسبوع الثاني وهي طول الوقت تصيح وتقول والله ماروح للمدرسه اكرها واخاف قررت أمشي معها كم يوم لعلى وعسى ترجع رحت معها كم يوم رجعت تداوم اسبوع وحدها بعدين رجعت حالتها اكثر تقول اخاف من المعلمات كلهن اذا صرخت معلمه على بنت أخاف واذا عصبت احد منهن تخاف ومن تجي من المدرسه تبكي وبقوه والله ماداوم والله لتركها احسني بموت اذا رحت لها اكرهها اتمني اموت ولا اروح لها ومن الكلام هاذا وديتها مستشفى قال مافيها شيء بس فقر دم وخوف بقلبها انا ماقلت لكم اذا داومت بالغصب تجلس تتستفرغ وانتم بكرامه ونبضات قلبها تزيد ويعورها قلبها هذا كله من الخوف ويدقون علي الاداره ووديتها شيوخ كلهم قالوا مافيها شيء الحمدلله وذحين لها شهر غايبه تقولً والله إذا رجعتوني للمدرسه لقتل نفسي وارتاح من الهم هاذا كرهت حياتي ويارب اموت خلاص وذحين تاركتها اخاف اضغط عليها وتصيبها حاله نفسيه او يصير لها شيء واندم بعدين وابوها لما يشوف حالتها يقولي اتركيها تسحب ومعلماتها والناس القريبة يقولوا خليها تداوم بالقوه وانا محتارة مدري أيش الصح أعطوني اراكم والله تعبان حتى نفسيتي صارت زفت صرت اكره الناس وأكره الطلعه يسألوا بنتك اشبها بنتك ليه تترك المدرسه ومدري أيش اقول ادري طولت عليكم بس مالقيت احد اثق فيه و افضفض له انا سجلت جديده عشان هالموضوع تكفون ردوا علي ولو بدعوه وداد تقولوا غيريً المدرسه لني حاولت فيها وتنهار اكثر آذا قلت لها وبعضهم يقولوا يمكن تغيير هرمونات وبتبلغ بس احس لسى صغيره ومشكووووورين مقدماً وأسفه على الاطاله