الخوف الفجائي يسبب هلع .... بنتي حمدلله مافيها شي .... كنا بالبر جت سلفتي وطيرت عيونها وتخرع والدنيا ظلمه وتقول لبنتي الحين يجي القطار يدوسك ويقطعك ....بنتي جتني تركض وتنفض والله اني بغيت انهبل ...بنتي صارت تطير من ايدي وتنفض تبكي ترجف احساس مقدر اوصفه ... ناديت زوجي يوم جاء شاف بنتي انهار .... موقف ما اتمناه لبشر .... يارب تحفظنا ....جلست اعاني مع بنتي معاناه يعلم فيها الله .....لا تنام لا تتكلم وبس متمسكه فينا وخايفه .... لو تطيح كاسه تقعد تصيح ... ايام صعبه شفت الالم والخوف ووقفت عاجزه قدام بنتي .... عجزت معها تعبت ليالي كثيره ابكي بسبب خوفها صارت تنسى صارت منطويه مدري شلون اوصف حدة موقفي .... ادركت اني امام مشكله مصيريه ...بنتي طفله خمس سنوات شلون تفهم للطب النفسي او تستفيد منه ...... والله ثم والله اني وقفت على كل الحلول وكلهن انتهن بالفشل ..... لكن
لكن
لكن
لكن
بغرفه فاضيه مظلمه حطيت سجادتي ماشاءالله تبارك الله وكل ليله .... اروح اتوضى والدموع تنزل مع الوضوء والهم غير ملامحي .....اسابق الليل واروح بين يدي الله ....اناجيه .....يامن أمنت القلوب...أمّن قلب طفلتي ...... يامن امنتّ القلوب .... امن قلب طفلتي ....
ليالي طويله وشهور ...اطرق بابا لا يقفل .... ادعو ربا لايرد ....ارجوه لا أرجو غيره .... ربي حبيبي ... من يأمّن القلب الفزع ... الله جل جلاله ....


بديت ارى نتائج على بنتي ... بديت ارى التحسن .... بديت الحمدلله اشوف الرجاء الذي لايخيب الحمدلله .... بنتي بفضل الله وماشاءالله تبارك الله تحسنت وتعافت .... والحمدلله من قبل ومن بعد .... درست بالروضه والحمدلله تروح وتجي له الحمد ماشاءالله تبارك الله .....


بنتي الحين اولى ابتدائي ... ومع مشاكل البنات وصزاخ المعلمات بدت تخاف ....وبالليل تجيها كوابيس وهي نايمه وصارت تخاف حيل لكن حمدلله خوف طبيعي مو هلع ... ... حمدلله واسال الله ان يمّن علي بالدعاء ... ويرحم ضعفي وضعف اطفالي ..... ربما كلمة البنت صابت في قلب بنتك وحركت داخلها خوف خفي ...


عليك بالدعاء ... ليس هناك علاج يستطب به ... الا الدعاء ...

بلاه يالبوح وش سويتي مع سلفتك عقب هالحركه.
والحمدالله على سلامتك بنتك يارب

يختي وديها عند احد يقراء عليها مو مرة ولا مرتين وديها كثيير ....وانت اقري عليها وحصنيها ...واستودعيها الله ...والدعاء الدعاء المعجزة اللي فيها كل الحلول

إيلين حبيبتي انا ماتجاهلت الطبيب النفسي لو بكيفي وديتها اليوم قبل بكره بس حنا بمدينه مافيها طبيب نفسي لازم اروح للمدينه ثاني
البوح الله يعطيك العافيه ويحفظ لك بنتك انا هاذا الي اتوقع ان كلام البنت طلع شيء يداخلها لن البنت قالت لها الكلام اتوقع وقت المغرب هي من جيرانا البنت بس بسالكم يعني العين ماتبان من اول او ثاني قراءه عمد الشيخ انا وديتها ثنين شيوخ وقالوا مافيها شيء

حراااام تضيع عليها السنة حاولي تنقليها مدرسة أهلية وقولي لهم على حالة بنتك .