ساعدوني بنتي ماتبغى ترضع ولاتاكل

الله يعينك على بنوتك ارين
بس يمكن اذا فطمتيها من صدرك تصير تاكل عاااادي .. لانه من كلامك شكلها معتمده على صدرك وبس ..... افطميها وبتاكل غصب لانها بتجوع سوي لها سيريلاك بالحليب عوضيها
او Gerber بالفواكه لانه طعمه حلو وعصيرات طازة ابدي بالاشياء اللي تستسيغها والاشياء السهله اللي ما فيها مضغ كثير علشان تبلع بسرعه (( شربه- سليق .....))

واكليها وقت ماهي تلعب او هي تشوف التلفزيون :04: او يكون معك احد يشجعها او طفل ثاني ياكل معها .. لاتخلين طريقه ما تجربيها ... بتتعبين معها شوي
وان شاء الله اكون افيدك :17:
ام رنودة

اختي ام رنوده اشكرك على النصيحه والحلول المقترحه
وفعلا بنتي تعتمد على صدري بس مايكفيها وهي تجوع بس ايضا ترفض الاكل السليق هذا اول ماعطيتها ذاقته :23: ولا عجبها وعية تفتح فمها والا جربر يوم كنا في السعوديه الله يذكرها بالخير وهي رافضته وكنت اذا اجبرتها عليه استفرغة( اعزك الله ) لكن بعد نصيحتك بالسيريلاك رجعة وشريتلها وجربة والحمد لله اكلة ملعقتين وطرة من الفرح وفعلا اكلته وهي تناظر في التلفزيون وكانت فكرتك ممتازه لكن كيف افطمها وهي ماترضع صناعي واذا قامت بالليل جوعانه اروح اوكلها ؟؟؟ ضروري ترضع بس ماتبغى صناعي (الرضاعه ) ترفضها ولا تشرب فيها ولا مويه :09: معليش ام رنوده استحمليني لاني والله ماعندي خبره في سوالف الاطفال .
الله يعطيك العافيه ام رنوده على المساعده :27:

غاليتي "أم أرين" .. ابنتي سوت في مثل ما بنتك تسوي .. من الشهر الخامس وبعد ما بدأت تفهم صارت ترفض كل الطعام حتى الموز والماء .. وإذا وضعنا لها شيء بالقوة في فمها أو بالحيلة تبصقه لنا .. ولجأنا لحيلة تجويعها .. وإبعادها عني فترات في اليوم صارت تأكل قدر ما يسد جوعها فقط ويسكنه حتى تراني ..


وذلك أدى لضعفي أنا حتى إني وصلت في فترة من الفترات كنت أفقد الوعي أحيانا وأنا أرضعها ..
فطلب من الطبيب أن أوقف ارضاعها بعد أن تتم السنة .. ولأنها أيضا كانت ضعيفة جدا .. لأن الحليب لم يكن يكفي إحتياجات جسمها ..

لكني خفت من تأنيب الضمير بعد ذلك .. فأرجأت فطامها حتى سنة وخمسة شهور وهذا التاريخ فطمتها فيه لأن رمضان كان قد بقي عليه إسبوع ولم أكن أستطيع الصيام بتلك الحالة ..


فحاولي غاليتي تجويعها .. كأن يأخذها والدها أو أحد أقاربك بعيدا عنك ساعتين مثلا أو ثلاثة فتجوع وتأكل ..

عزيزتي ام معاذ وجهاد
اشكرك على الفكره لكن للاسف ماعندي احد اترك بنتي عنده يعني قدامها 24 ساعه وراح احاول اخلي ابوها ياخذها معه مع انها صغيره
وعسى اذا رجع فيها تاكل ولا تصر انها تبي ترضع لاني اكيد انا اللي راح ااكلها
بس ياترى بنتك يوم فطمتيها ترضع صناعي والا لا ؟ لاتي خايفه افطمها وهي ماترضع صناعي لان لازم فيه بديل
وجزاك الله خير اختي ام معاذ وجهاد على الاهتمام بموضوعي.

هلا ام ارين والله انه كانت عندي نفس المشكلة ابنتي عمرها سنة وخمس شهوور وانا الحين بجد ناوية افطمها.

بقوولك مشكلة انتي انها ما ترضع الرضاعة لما كانت صغيرة ولما كمات 11شهر حاولت اعطيها الرضااعة وهي نايمة يعني بعد ما ترضع من صدري وتنام اجيب الرضاعة طعا فيها حليب صناعي وادخلها في فمها شوي شوي علشان ما تصحا وتبدا ترضع يعني اقص عليها ولين الحين اتبع هذي السياسة والحمد الله الحين ترضع بس وهي نايمة ودي اعلمها ترضع وهي صاحية بس حاولت واايد بس بدوون فايدة ناوية افطمها يمكن بهذا الشكل ترضع واذا مارضت في تاكل الحين بس حبيبتي عوديها الحين يعني لما تنام على صدرك حاولي تعطينها الرضاعة نفعت معاي وانشاء الله تنفع معاك حاولي تحطين بالحليب سكر شويوانصحك بحليب بروميل2 هذا الي نصحني بيه الدكتور ولما تكمل سنة عطيها بروجرس انا نتي كنت اعطيها بروجرس بعدين صرت اعطيها حليب نوووق .

اما النسبة للاكل كانت بنتي مغلبتني بس اخليها تجووع بعدين عزيزتي خلي حد غيرك يعطيها اكل مثل ابوها ولا الخدامة لانها لما تشوفك اكيد تبغي ترضع اما بالنسبة للاكل السريلاك وشوربة اندومي .والارز الابيض مع الروب اما الخضار والله ما يحبونه .بس حبيت اسال ام معاذ انا ودي افطم بنتي بس المشكلة انها ما ترضع الحليب الصناعي الا وهي نايمة كيف ممكن اخليها ترضع وهي صاحية اذا فيه طريقة وهي الحمدالله تاكل يعني لو فطمتها وهي بهذا العمر بدوون ما تشرب حليب ياثر ولا لا ممكن تفيديني جزاك الله خير وطعا ودي اعرف كيف ممكن افطمها وشو الطريقة الي اتبعتيه لاني حاولت مرة افطمها وجننتني بليل ورديت ارضعها ساعديني جزاك الله خير