ساعدوني بنتي والتأتأه

مع العلم بنتي ماشالله ذكيه من صغرها وحتى بالروضه ماشالله شاطره وعندها قابليه للتعلم كبيره الله يحفظها

انا رحت بحثت بالنت عن نصايح عن التعامل مع الطفل المتئتئ والحمدلله انتظمت على النصايح وفتره بنتي خفت حالتها وقريب انتكست بشكل فظيع سارت كل كلمه تعيدها يمكن خمس مرا عشان تكملها


الله يسعدكم هل ممكن تتعالج حالتها قبل ماتكبر معاها انصحوني واعطوني الحلول

هي من البداية كدا ولا فجأة صارت تتأتأ ؟

طبعا مستحيل يدخلونها مدرسة للحالات الخاصة التأتأة مو اعاقة ابدا ..

لكن انصحك تستشيري اخصائية تخاطب وتشوفي رايها ..

بالعادة دي الحالة تكون نفسية تعرض الطفل لصدمة نفسية ممكن انجاب اخ جديد او تغيير بمكان المعيشة وهيك ..

اعرف شخص كذا وهو صغير لما جات اخته صار يتأتأ واهله اهملوه وهو كمل حياته طبعا ناجح بحياته و كان متفوق في دراسته وتزوج قريب لكن للحين كلامه ثقيل لنو اهله ماعالجوه ولا اهتموا بالموضوع ..

فالافضل اتركوا كلام الناس ع جنب و اعرضوا البنت ع اخصائية تخاطب تساعدها لن ممكن تصير بالمدرسة مهل استهزاء من الطالبات وتزيد مشكلتها اكثر ..

كانت جدا طبيعيه لكن فجأه قبل السنه بدات معاها
باختلاف الاسباب انا صراحه مااعرف ايش بالزبط اللي غيرها
ابغا الحلول لان كل خوفي انها تكبر والمشمبه معاها وتتعرض لسخريه الناس وتتحبط بنتي

مو معقول يبنات ماعندكم مساعده
اللي عندها معلومات تحتسب الاجر لله

انا اختي كانت كذا وهي صغيره
بس الحين كبرت واختفت التأتأه
بس زي ما قالت الاخت لوليتا
اعرضيها على اخصائيه افضل
والله يطمن قلبك