ساعدوني بنصايحكم خواتي

اختي نهر الكوثر السلام عليكم انشاء الله تكوني بخير
الحقيقه ماعندي حل لمشكلتك بس حبيت اسلم عليك واقولك ترى هذي مو مشكلتك لوحدك بل مشكلة الكثير منا الوحده فينا
تصبر وتتحمل في بداية الحياة الزوجيه لان الوحده تكون بلشة بالعيال وصابره على عيوب الزوج ومع مرور الزمن خلاص
الواحد نفذ صبره وتلاقين انه دايم ضايق خلقه وهذي رواسب الماضي وسنين الصبر اللي عاشها لاكن للاسف ماباليد حيله الا انه يكمل المشوار وبالنسبه لزوجك استمري في محاولاتك معه ولا تيأسين وحاولي تجددين في كل شي في مظهرك في ديكور البيت
في غرفة النوم وهالشغلات هذي وعسى الله يهديه ويحننه عليكم
واذا ماشفتي منه نتيجه لاتيأسين ولا تزعلين فرحي قلبك بنجاح عيالك وتقدمهم واحمدي الله انهم قدام عيونك وانه متعهم
بالصحه والعافيه وهذا نجاح لك اتمنالك من كل قلبي حياه سعيده وهنيه

والله يا نهر الكوثر ... ماادري وش اقول لك ..

لكن انا باقول اللي عندي والله يعيني ..

انا من رايي ان اي وحدة بتشوف زوجها من خلال ايجابياته >>>>> بتحبه وبتقتنع فيه

وفي المقابل اي وحده بتشوف زوجها من خلال سلبياته >>>>> اكيد يعني وش بتكون النتيجة !

فالمطلوب منك يا عزيزتي ..

انك تدورين النواحي الايجابية في زوجك ..... وصدقيني بتتغير نظرتك عنه مرة وحده

صحيح يمكن تكون طريقته في التعبير عن حبه لك فيها نسبة غلط

لكن هذا بسببك انتِ

انتِ من البداية ( بداية حيلتكم الزوجية ) ما بينتي له هذا الشيء

انتِ من البداية ما حسستيه انك ولو كنتِ موظفة >>>> محتاجة انك تحسين انه يصرف عليك مثل باقي الزوجات !

انتِ من البداية سلبية ... واسمحي لي على الصراحة ... واللي قاعد يصير الآن هو نتيجة حتمية لهذي السلبية

لكن مو يعني هذا اننا خلاص نفقد الامل .... لآ طبعاً

وبعدين هالاحساس بالحب اللي قاعد يتولد عندك ... هو من الاساس موجود ... لكنه زاد بعد ما تقاعدتي .... طيب ليش ... ماسألتِ نفسك ؟؟

يا حبيبتي من الفراغ .... والشيطان قاعد يوسوس لك ... عشانه يبي الفجوة اللي بينك وبين زوجك تزيد ... وقد يؤدي بكم الحال الى الطلاق لا سمح الله

انا سمعت ان الشياطين تجتمع عند ابليس ... ويبدون يعرضون اعمالهم وانجازاتهم على ابليس ... فهذا يقول له خليت فلان يتأخر عن الصلاة >> ويقول له ابلس وخر عني - عذرا على استخدام العامية - والثاني يقول له خليت فلان يسرق ... ونفس الشيء مو عاجب ابليس هذا الشغل .. وهكذا يتداولون عليه الشياطين وكل واحد يعرض عملة على ابليس >>>> الى ان يجيه واحد ويقول له فرقت بين زوج وزوجته فيفرح ابليس وييقول بس هذا اللي ابيه ويقربه منه ويجلسه جنب عرشة ..

شفتِ ... يعني يمكن اللي تمرين فيه كللللله من صنع ابليس ..

فتعوذي من ابليس ..

والحمد لله ... الله يعوضك خير في عيالك ..

ولا تنسين الحديث (( كن في الدنيا كأنك غريب او عابر سبيل )) ... يعني الدنيا فانية ولا تستاهل منا كل هاللهث وراها ..

وبعدين انت مستقله الصبر

(( انما يوفى الصابرون اجرهم بغير حساب )) ... يقال ان تفسيرها ان الحسنات تصب صبا في الميزان كالنهر الجاري من غير مكيال

بعد وش تبين احس من كذا

المهم عسا ما طولت عليك ..

والله يفرج همك آآآ مين

بسم الله الرحمن الرحيم
اقول مستعينة بالله :
اختي الكريمة انتي تنظرين الى زوجك من الناحية السلبية كما قالت خلود ,,
تتذكرين دائما اسأتة وتنسين ايجابيتية ..
بالنسبة لعدم اهتمامة بك اوعدم مساعدتة لك
فربما كانت هذه غلطتك في البداية ربما انك عودتية ان لاتطلبي منه شئيا وبذلك تعود ان لايساعدك اويسأل عن احتياجاتك
اختي الكريمة احمدي الله دائما فانت عندك ما تستغنين به من مال ,,,
اختي الكرمة حسني نظرتك لزوجك ,,
اصبري علية وعلى عيوبة فلستم في مرحلة تتبع العيوب وانما اعتقد انكما بقيتم مع بعضكما فترة من الزمن كافية لمعرفة كلا منكما للاخر ,,
انت الان في مرحلة الرضي والقناعة بزوجك كما هو ,,
ومحاولة اصلاح بعض العيوب الطارئة على شخصيتة ..
اختي الكريمة اعطية قدرا من الرومانسية و لا تستعجلي ان يبادلك بالمثل ,, فربما هو من النوع الذي لايجيد هذا النوع من التعامل ,,,
لاتهملية باي حجة ولاي سبب واعلمي ان له حق عليك ,,
لا تندمي على حياتك الماضية معه فحياتك معه اثمرت هذه الذرية الصالحة ان شاء الله
احذر ي ان تكوني ممن يكفرن العشير ويكثرن سبه ونعته بابشع النعوت ...
واخيرا
بالنسبة لابنائك يمكن ان تعلميهم انت التراحم والتحاب وعلميهم احترام والدهم ,
واخيرا لاتجعلي الرومانسية اكبر همك لا تجعلى الفاظ الحب وغيرة اكبرهمك واعلمي ان اغلب النساء مثلك لان بئتنا نشأت الرجل على هذا الجفاف ..
ولكن في النهاية اعلمي ان زوجك يحبك ولكن بطريقته هو ,,,
تحياتي

مشكورين خواتي على نصايحكم الي تدل على رزانة العقول عندكم بس انا ادري انه مهما الواحد شرح حياته ما يقدر يقول كل شي ولمن الانسان تصير عنده كم هائل من السلبيات المتعمده والجارحه والاهانات من نفس الشخص ما يقدر الواحد يمحي كل هذا ويركز على ايجابيات تكون قليله جدا وما تسوى شي امام السلبيات صدقوني المره صبوره وايد
فيه منهم احسن مني على الاقل راضين وساكتين وهذا على حسب تكوين شخصية كل انسان في منهم ما يرضى على نفسه اقل اهانه ويترك كل شي حتى لو عياله عنده نفسه اهم شي وفي الي يستحمل او حتى ما يشوف نفسه مظلوم وعادي المشاكل تشيب الراس والمره تشوفينها ولا تتكلم ولا تشتكي انا عندي اخت نفس الشي لو كنت مكانها ما اعيش معاه سنه وهي ولا عمرها اشتكت
وانا من النوع الي مو هاين علي روحي بس في ناس بعد اهم من روحي مو هاين علي اتركهم ....
طولت عليكم مثل ما قلت انا كتبت الموضوع بس ترويح عن نفسي ولا الانسان ادرى بحياته واحترام كيانالشخص مسؤوليه الانسان نفسه يقدرها
الله يعطيكم العافيه كل من شارك وخفف ونصح.......