ساعدوني بنطلع انا واهلي الاستراحه يوم الخميس وعلي الموالح اعطوني افكاركم تكون بسيطه

هلا حبيبتي... صلحي توست في قوالب الكيك وخلي حشوتها تكون دجاج مع خضارمقليه تطلع تجنن/وصلحي بيتزا السائله وحطيها في القوالب صغيره / وسنبوسه خلي حشوتها بيض مسلوق مع جبن كيري ودخليهابالفرن .....

فية طريقة مررررررررة حلوة وسهلة للموالح

هذا الرابط
http://forum.hawaaworld.com/showthread.php?t=83310

والله يهنيك انتي واهلك

وهذي طريقه سهله بعجينة البف باستري


ويارب اكون فدتك

سوي بيتزا سوتز حق السمبوسه
فيه وحده من ألأخوات هنا في المنتدى كاتبتها ماأذكر أسمها الله يجزاها خير
غريبه ولذيذه وأذا مالقيتي موضوعها أن أكتبها لك
وزيدي أخلطي مع الحشوه جبن أحلى

شوفي حيبيتي اخذي بريد(توست) وافرديه وقصيه نصفين واحشي كل نصف جبن شيدر مبشور ولفيها مثل الاصابع وبعدين غطيها ببيض وزعتر انتبهي زعتر موبقسماط واقليها تطلع جنااااان

2ـاخذي حبتين توست حطيهم على بعض ورقيهم وهم بيدخلون ببعض بعدين قصيها دوائروغطيها ببيض وبقسماط واقليها وبتلاحظين انها انتفخت مثل ساندوش الهمبورغر خلي لونها بني فاتح على ذهبي واذا بردت قصيها نصفين واحشيها الحشوه اللي تعجبك

ان شاءالله اكون افدتك وعلى فكره كل الطريقتين تقدرين تسوينها من اليوم وتبردينها بالثلاجه من غير قلي لين يوم الخميس تقلينها انا حاطه كميه بالفريزر للزنقات بس انتي خليها بالثلاجه افضل لانك بتقلينها قريب

والله يهنيكم ولايشتت شملكم