ساعدوني بنفجر من التفكير

السلام عليكم
قبل ٥ سنوات بالضبط جنت طالبة واختي الي اكبر مني متزوجه وعندها بنت كانت زعلانه عدنه وبهايه الفتره وحسب رأيها حتى تنسى مشاكلها ضلت تسوي علاقات طايشه ع الانستا..من ضمن علاقاتها( الي تستمر يوم او يومين وتترك) تعرفت ع شاب مواصفاته حلوه خريج ومقبل ع الزواج ضلت تحجي ويا يومين او ٣ وراها حجت ويايه وگالت الشاب حلو ومواصفاته حلوه تعرفي عليه عسى يكون من نصيبچ اول شي رفضت وبعدين اقنعتني انو اذا ماعجبني اتركه..كملت من وين ما بلشت اختي بدون مااگله انو اني اختها كملت بنفس الشخصيه وياتعارف وحجي عادي وراها بديت انجذب لهذا الشخص واتعلق بي وب٣ اشهر بسسس خطبنا .. واختي رجعت لبيت زوجها .. تزوجت بعيد عن اهلي بالقضاء شاءت الايام انو انتقلت ورجعت سكنت قريب بيت اهلي وبالصدفه بسبب الظروف اختي انتقلت وزوجها وبناتها لبيت اهلي وسكنو بمشتمل عند اهلي وصرنه جيران .. قبل كل شي علاقتي بزوج اختي من قبل زواجي كانت جداً قويه والرجل صاحب فضل بحياتي (((كـ اخ )) المهم كون احنه صرنا جيران علاقاتنا كثرت وعزايمنا وطلعاتنا وسفراتنا بهايه المده زوجي ماحبذ العلاقه القويه بيني وبين زوج اختي فأنسحبت بكل ادب ووضعت حدود لعلاقتي بالرجل وهو احترم هذا الشي كوني صرت ع ذمة رجل لدرجة انو رقم تليفوني ممنوع انطي لزوج اختي .. بالمقابل اختي نفسها الي تكلمت عنها ببداية الموضوع وزوجي علاقتهم صداقه وميانه الى ابعد الحدود وزوجي جاعل نفسه هو مسؤول عن كلشي بحياتها سواء احتياجات ماديه ام معنويه يعني مشاكلها هو اول الناس يسعى لحلها حتى لو كانت زوجيه بحته هم يتدخل بينهم…كنت احجي بصوره غير مباشره انو اختي تخفف علاقتها بزوجي بس كانت تطنش الموضوع .. السالفه زادت عن حدها وزوجي واختي يتكلمون بالهاتف والعلاقه كل مابيعا تزيد اضطريت انو احذر زوجي نفس ماهو يغار من زوج اختي اني كذلك اغار .. مارد ويمسك نفسه فتره ويبعد وترجع علاقتهم والمراسله (( اني اشهد امام الله انو مايوم شفت رسالة تثير شبهاتي بس غير انو اني مااااااااامرتاحه للوضع ))
عدت فتره واني كل مده وارجع انبه اختي بصوره غير مباشره انو تخفف من العلاقه لدرجة انو الموضوع ضل يأثر ع علاقتي بزوجي وضلت تصير مشاكل
واي شي احجي لزوجي عن مشاكل اختي اني وياها او مواقف تصير يروح ينقلها الها معناها علاقتهم صايره الى حد انو يسولف الها اشياء خاصه
اخر شي قبل اسبوع كنت يمه واشوفها تراسله ( زوجي يكول كذاا تريد لو لا )
جان يكدر زوجها هو الي يراسل زوجي
جانت تكدر تكلي هذا الشي الي واني الي انقله لزوجي انزعجت وصرخت ووصلت المشكله بيننا الى حد التجاوز اللفظي زوجي ختم كلامه ب(مزززاجي واسوي الي يعجبني // ((((((((اني ما نايم معاها )))))))))گتله عيب هالكلام هايه اختي يعني اختك عاد الجمله ع مسامعي ٣ مرات عناد وغصب عني ماتحملت انفجرت …هالفتره كلها واني متكتمه ع الموضوع الى ابعد الحدود بس اكو احساس غريب بداهلي انو علاقتهم غلللط اكو شي غلط … تعددت المشاكل وزادت ورحت عند اهلي اليوم واني احچي ويه اختي گلت الها امسحي رقمه او احظري وخلص لا تحچين ويا بعد
والا اشوفها تردلي ((انتي هذا الي قاهرچ انتي ميته من هالشي وبدم بارد كلت الها اني حذرتها من قبل وماسمعت مني زووجي واگولچ لا تتواصلين ويا بيها شي غلط ؟؟؟ تگلي انتي ماعندچ ثقه بنفسج وانو هيه حره تتصرف ووتواصل ويه الي تحب ؟؟؟؟؟؟ زين زوجي يا جماعة احس بنار بصدري من اختي لو من زوجي مااعرف المهم الموضوع مو صح …. واشوفها تگوم ووتتصل ع زوجها وع زوجي وتگول الهم ((( زوجتك الي هيه اني تگلي انو انتي بعلاقه مع زوجي من ٥ سنين — زوجها موجود ماگالت انو هيه الي متعرفه عليه — كالت انو اني اشك بينهم علاقه وزوجي القذر يكول الها اي هيه دائماً تمنعني منج وحتى انو اتواصل وياج بالموبايل صرت اتمنى الموت بهاللحظه وهو حلف ع القران انو ما مانعني من زوجها ولا شي وانو اني افتري عليه … گولولي شسوي شلون احل مصيبتي من الغلط اني لو زوجي لو اختي ((( لا تگولون اني اتوهم .. انا صرت افكر هيج من مواقفهم وتصرفاتهم