كيف حالكم ياحوائيات
بغيت منكم تساعدوني باقتراحاتكم
عندي مساحة 300 م مربع كقبو
وابي اصممها كقاعة احتفالات صغيرة للتاحير والاستثمار
اول شي كم ممكن يكلفني مع تشطيب راقي وحلو
وش لازم احط بعين الاعتبار
مثل تقسيم القبو والمرافق اللي احتاجها وممكن تخدم المشروع
الديكور ، الاثاث ، التقسيم ؟؟
أمـَل @aml_73
عضوة
يلزم عليك تسجيل الدخول أولًا لكتابة تعليق.
الصفحة الأخيرة
بما انها قاعة للمناسبات لازم تحطين بالاعتبار قوة الاضاءه اللي اكيد بتكون قويه
وتضمنين ان ما يكون فيه ضغط عليها مع البيت علشان ما تتطفى فجاه
بالاضافه للاناره الاحتياطيه
ثانيا التكييف
ضروري يكون التكييف قوي لان الاضاءه بتسبب حراره
والمكان قبو ماله منافذ وتهويه غير التكييف
ثالثا مخرج طوارئ
مهم جدا جدا لو لاسمح الله صار شي
الله يبعد عنا وعنكم كل شر
رابعا دورات مياه
لازم تكون معزوله بشكل ممتاز علشان ما ياثر على القاعه
لو كانت مو نظيفه الله يكرمكم
خامسا مكان للضيافه
مطبخ صغير مخصص لعمل القهوه والشاي
وغسيل اداوت التقديم
خامسا السيراميك او الرخام
انصحك تاخذين كذا قطعه من كم محل وتجربين عليها
حطي عليها قطرات من لون عصير مثل الفيمتو
وخليها فتره علشان تشوفين بتنمسح بسهوله او لا
وجربي تسحبين عليها شي او تحكينها باداه حاده
وشوفي اذا سهل تمخيشها او لا
لانها بتكون معرضه لاشياء تنكب او طاولات او كراسي تنسحب
اختي عملت كذا قبل تبلط بيتها واكتشفت ان بعض الانواع اللي كانت بتحطها
تتشرب الالوان وتتمخش بسهوله فابتعدت عنها
هذا اللي يحضرني
حاولت اساعدك وان شاءالله تستفيدي
وبالتوفيق يارب