ساعدوني تعبت من قسوه زوجي عطوني حل

الأسرة والمجتمع

السلام عليكم
بنات مدري الخلل فيني او فيه
او وش السالفه
مشاكلنا صارت ماتخلص وانا انسانه حساسه اجلس ابكي بالساعات واحزن وربي بيجيني اكتأب وهو ولا حاس
مرات احس بحبه لي بس طول الوقت وهو معصب ومتنرفز وع اتفهه شي يغلط بالكلام جنني وجنن اطفالي
ومرات احسه كارهني وحاقد علي المشكله ما غلطت عليه ولا آذيته
اذا زعلت وسكت يحاول يستفز وليش ساكته ماتسولفين يبغى يزعلني واجي اطقها حنك معاه
صرت مثل المجنونه لاستفزني والله ماتحمل وابكي واترجاه لاعاد تكلمني كذا يقول بكل كبرياء اش سويت لك ودموعي عادي عنده كنه جدار قدامه مو زوجته يعني شفت ناس قااااسين بس زيه ماقد شفت اعوذبالله من قسوه القلب
صرت انقهر حتى ولدي يسالني ليه تبكين بابا مايحبك خايفه ع نفسياتهم بس هذا العله مو فاهم شي
اخر شي البارح وقفنا عند محل بناخذ غرض منه ووافق بعدين سال هاه اكيد تبغينه قلت ايوه سكت شوي وقالي تبغينه اكيد هو كان مقفل لسى مافتح المحل
المهم عاد السوال ٥ مرات يمكن حامت كبدي قلت خلاص روح البيت قال على اي شي تزعلين وراح مشى ولف ورجع نفس المحل قلت والله مانزل يعني حركاته زي الاطفال مو رجال كبير بعقله
رجعت البيت متنكده وابكي هو كان يفرح لما اطلبه شي ويجيبه اما الحين العكس
ومسوي نفسه البرئ اللي ماسويت شي وقلت لك انزلي المحل وهو حركاته خباثه وعارف لو سالني بتنكد ومابنزل يعني يدور مشكله
اش الحل معاه وانا بس مقابلته حتى اهلي بعيد عني
وش الحل مع القسوه مره مايحس ولايجبر خاطري لو بكلمه
16
8K

يلزم عليك تسجيل الدخول أولًا لكتابة تعليق.

تسجيل دخول

®ام ميرا®
®ام ميرا®
الله يعيني ويعينك كأنك تتكلمي عن اللي معي،،
اختي انا نفسك بالضبط وتصرفات زوجي نفس زوجك بالضبط وما حصلت له حل غير أحاول أطنشه ولا اتعب نفسيتي منه لانك مهما سويتي ما يتأثر أبد يسوي روحه بريئ وما غلطان،،
والحل انه كلما سألك انتي تقولي ايوه بدون لا تتنرفزي انا كذا صرت اسوي لاني اذا تنرفزت ورفضت ما استفيد شي غير النكد تتعب نفسيتي من جهه ومن جهه ثانيه بيقولي انتي اللي رفضتي يعني بطلع خسرانه ف كلا الحالتين،،
الحل انك كلما يسألك قولي ايوه وانتي واثقه وريلاكس وامورك بتمشي وابتعدي عن الحساسيه محد بياكلها غيرك
رجل صريح
رجل صريح
عزيزتي اشجع فيك صبرك وحرصك على حياتك الزوجية وعلى اولادك وإليك عدة نصائج للتعامل مع الزوج العصبي مع تمنياتي لك بحياة زوجية سعيده
- التعامل مع الأسباب الحقيقية لغضب الزوج والتعرف عليها يخفف كثيراً منه،
وتقبل فكرة أنه لا توجد حياة كاملة خالية من المشاكل والهموم، ولا أسرة تعيش بدون منغصات.
2- على الزوجة أن تكون أكثر فطنة أثناء غضب الزوج حتى لو كان غضبه غير مبرر فعليها بعدم مجاراته في انفعاله وإعطائه الفرصة فيما يريد قوله، وأن تكون لغة الاعتذار واضحة وصريحة مع إعطائه قيمته وأنه محل تقديرها ومكانته عالية عندها.
3- الاتفاق المسبق أنه في حالة الغضب وخروج النقاش عن السيطرة أن يتم إيقاف النقاش حتى تهدأ النفوس، وعليها أن توقف الحوار بطريقة ذكية كأن تقول: "أنت الآن غاضب ومنفعل، وأنا أقدر غضبك، ولكن سأبرر لك موقفي عندما تهدأ؛ لأني أحبك وغضبك يؤلمني قبل أن يؤلمك".
4- عدم دخول أطراف أخرى إلا في حالات ضيقة جداً، فكلما كان الغضب داخل أسوار المنزل سهلت السيطرة عليه.
5- جاء في الأثر أن الإنسان إذا كان قائماً فليجلس وإذا كان قاعداً فليضطجع، ويؤخذ منه أن تغير المكان سواء داخل المنزل أو خارجه أمر في غاية الأهمية حتى تهدأ النفوس وتعود الحالة الانفعالية إلى وضعها الطبيعي، ثم يتم النقاش بهدوء وطمأنينة.
eerr
eerr
هو صح اسلوبه مستفز وعارف وش يبغى يوصل انه يعوفك بالشغله حتي يجي الرفض منك وبكذا يكون هو بالسليم
انتي قوى شخصيتك ترى الضعيف مابيعيش بهالدنيا
ودامك ما غلطتي بشي اصري علي موقفك
تولان
تولان
شوفي اختي اذا تبغين المحل وقال تبغينه قولي ايه لوًعادها الف مرة ممكن مرة ماتردين. واذا قالمارديتي قولي توني جاوبتك حسبت تمزح واصري على الي تبغين ليش تقولين خلاص ماابغاه روح لا قولي ابغاه وانزلي وخذي الي تبغين.
واذا حاول ينرفزك لاتتستحيبين له يعني يحاول يخليك تعصبين لاتعصبين ولاتتفاعلين معه خليه اذا قال شي بولي انا عارفة هذا نهايتها مشاكل وهوشة وانا ماابغى مشاكل
ادارة اعمال
ادارة اعمال
اختي باين ان زوجك نمطه شمالي وانتي جنوبية حاولي تفهمين هالنمط وشوفي صفات المرأة اللي يحبها وعلى فكرة اصحاب هذا النمط يعتبرون دموع النساء دموع تماسيح