ساعدوني تعب من الاجهاضات بعد الحقن المجهري ربي يساعدكم بالدنيا والاخره ..

السلام عليكم
حبايبي بطول عليكم وربي مايمرركم بتجارب الاجهاض وعسي ربي يفرج هم و كرب كل من ترد علي او ترفع الموضوع والله نفسيتي تعبت كثير..انا سويت 3 مرات حقن مجهري خلال سنة وعدة اشهر 
اول مرة اخذت فتامينات اللي مكتوبه بالنت ورجعوا لي 3 اجنه درجه اولى وحللت يوم ال13من الترجيع وطلع الهرمون 39 وبين كيسين ماشاءالله لاقوة الابالله لكن توقف نموهم بالاسبوع السادس وتعبت سويت طلق صناعي نزل واحد والثاني بعمليه تنظيف
والمرة الثانية اخذت الفيتامينات ورجعوا3 اجنة 2درجة اولى واحد درجه2 وحللت يوم 12كانت النسبة13 ويوم 14 النسبه22 واستمر لين الاسبوع التاسع توقف النبض وكنت اخذ كلكسان واسبرين وكرتزون 20قرام ودفستون 2باليوم وتحاميل 3باليوم وابر مثبته كل يومين وسويت عملية تنظيف 
والمرة الثالثة عملت تحاليل التجلطات والاجسام المضاده
والكرومسومات وفيروس القطط والحصبة الالمانيه  والحمدلله وسويت تنشيط وفي اليوم السابع حللت هرمون حليب طلع 1110 والطبيعي اقل من 500 وانقهرت قلت ماراح اكمل قال لي الدكتور توكلي على الله وصار الترجيع بعد اخذ البارلوديل لمدة 9ايام ولماحللت يوم 14 طلعت النسبة4،7 وكنت اخذ نفس الادوية السابقه كله وقال الطبيب اتركي المثبتات ونزل مع الدورة والحمدلله.
وفي كل العمليات لم نجمد اجنة لانه غير صالحه وكل عملياتي بالحبيب وملتزمه بالراحه.والحمدلله على كل حال
●عندي تكيس مبايض وخمول بسيط بالدرقيه اخذ له علاج عالريق وهرمون الحليب يعلى اول ما اترك علاجه وبعد الحمل اترك علاجه الا المره الثالثه لكن كان مرتفع جدا بعد الترجيع وعندي انقلاب بالرحم والتهابات تجين بكثره واخذ له مضاد.
●زوجي معه لزوجه وتكتل بالسائل المنوى وتشوهات بنسبه67 /100 وبطء بالحركه .
●سوالي هل كل حمالي الثلاث مرات كان حمل ضعيف؟
●سوال ماسبب الحمل الضعيف وماعلاجه وكيف اتفاداه لاحقا؟
●سوال هل للزوج ثاثير بكل مايجري؟
جزى الله خيرا كل من تساعدني او ترفع الموضوع وحفظ ذويها واحبابها وزادها من نعيمه .. آمين