انا اسفه واللهاختي بحور واسفي الاول لصاحبة المشكله
بس والله احتريت لاننا نتابع الموضوع من فتره وما فيه اي تحرك من ناحيتها مع كثر النصائح والحلول الي طرحت لها ما اخذت ولا وااااااااااحد منها وكل مره ترجع تقول انا شاكره لكم ح وقفتكم معي ونصائحكم لي والله لا يخليني منك
بس عشان خايفين عليها ونحب لها الخير من كل قلب والله اعلم بما في القلوب ابي اريحها لان الموضوع كل ما طال تعبت هي
عموما شكرا اختي على تنبيهك لي والله يوفقك الجميع لما يحب ويرضا

المهم...............يابنااااات

ما نبغى تشكيك في مصداقية القصة


لنفرض اننا امام قصه واقعية 100% ونحاول نعالجها وننتبعها للاخر لنرى العبر ونساعد اختنا في الله


حتــــــــــــــــــــــى ما ينحـــــــــــــــــــرف الموضوع الى هي صادقة والا تفبرك علينا


....بانتظااارك اختي متى ما فضيتي تكملين لنا ايش اللي حصل بعد المواجهة

وجايز فعلا ان ولد اخوك حصل هوووشه بينه وبين زوجك وعطاااك الموبايل

يعني ليش ما باااع الموبايل احسن له ...!!

...واللي يعطي موبايله للواحد ثاني ما يمسح ارقام اصدقائه مسجات الجوال القديم يمسحها !!!!

بنااااااااااااااااااااااااااااااااااات..
!!!!!!!!!11
@@@
من صجكم..كلامكم هذا صج اللي قاعدين تقولونه
هذي أخرتها..
تجذبوني..
يعني انا شنو بستفيد اذا كذبت بقصة مثل هالقصة القذرة..
انا حبيت أطمنكم علي حتى لو بكلمات..
واذا انتو مو مصدقين سالفة ان اختي مومخليتني خلوني أقولكم السالفة..
اختي كبيوترها جديد وتوها مستانسة فيه قتلها لحظة شوي عفية بدخل منتدى دقايق وأطلع..وهي ما كانت راضية..
لكن انا حنيت لأني كنت بطمنكم..
اخرتها تجذبوني..
وثانيا انتو ما سمعتو باجي السالفة عشان تحكمون على مشاعري..
الله يسامحكم..
الله يسامحكم..
ياليتني مألفة هالقصة صج على الأقل ما أتوجع هالوجع..
على العموم مشكورين على خوفكم علي..
المهم..
وعلى سالفة الطلاق انا سويت استخارة لكن طلعلي ان طلاقي مو زين لي..
ولا تقولون صارت هوشة..لأن عادي قاعدة أشوفهم يسولفون ويضحكون مع بعض..
المهم السالفة الللي حكمتو علي فيها من غير لا أكملها لكم صارت باختصار على النحو التالي
انا ما سكت وكبرت السالفة..
وحبيت أخوف زوجي وهددته وقتله انا ماراح أسكت وانا راح أكلم أحد من اخواني وانت تفاهم معاه..
فرد علي وقالي يعني انتي الحين قاعدة تهدديني..
انا لو اني غلطان وداير بيني وبين الولد شي راح أجعمج بأي طريقة..
لككن دامجج بتهدديني بالفضايح..
انا اللي راح أتكلم..
وانا اللي راح أقول حق أخوج اذا تبين..
قتله بتقوله عن سواد الوي..
فقالي وهو ماسك ايدي حييييل..احترمي نفسج دامي ليلحين محترمج..وثمني الكلام قبل ما تقولينه تراج مو ربي انتي ما تدرين عن اللي بداخلي..
فقتله شوف انا اصلا من يوم ما صارت السالفة وانا مو مستحملة أشوف رقعه ويهك..تبي ترقع لي السالفة وتقولي انا غلطت وانا طريقتي كانت غلط لكني مو قاصد هالكلام كله قوله لأخوي ..انا مو خروف عشان أصدقك..
المهم ...ثاني يوم بعد ما نمت بالصالة وانا ما غمضت لي عين قتله انا بطلع بروح بيت أخوي..
وخذيت معاي الموبايل فيه المسجات وطلعت
المهم بصراحة كنت خايفة أفاتح أخوي بالموضوع
المهم كنت أبجي حيييل وكنت وقتها منهارة وحاسة ان حياتي خلاص منتهية فدخلت على أخوي لكن واحد ثاني مو أبو الولد فدخلت ولا بمرت أخوي وحسيت اني منهارة وكنت أصييييح وقتلها وين ناصر(اخوي)وييييينه..فكانت خايفة وقاعدة تقولي وهي ماسكتني شفيج اسم الله عليج شفيج فقتلها ناديلي ناصر بسرعة المهم قعدتني بالصالة ونادتلي أخوي وكان خايف وقالي شفيييج شفيييج قتله خلاص ناصر خلاص مو قادرة أعيش معاه ولا راح أقدر انا أبي أطلق ..
فقالي شفيه شمسويلج..قوليلي يمكن تكونين غلطانه شفيييييج قوليلي لا تعلقيني..
المهم قتله السالفة ووريته المسجات وقتله رد زوجي علي..
فقالي خلاص انتي خليج اليوم عندي ولا تفاتحين أحد بالموضوع انا راح أتصرف..
خليج انتي هني وانا الحين راح أتصل عليه وأشوفه..
المهم راحله ومادري شصار بينهم..
ومارد منه الا بالليل..
فلما رد قالي شوفي انا الحين ما راح أقولج رديله او ظلي معاه..انا بقولج اللي استنتجته منه وانتي لج القرار..
شوفي الريال معرض للنزوات وهو حلف لي حلف وحلفلي عالقرآن وحط ايده عليه وقال والله العظيم ان ما صار بيني وبين ولد أخوك شي من ناحية لمس او اي شي وقاله والله ان انا ما كان ببالي هالشي..وشوف من بين المسجات وراح تشوف ان في بعضهم كنا بنرو ح المسجد مع بعد وكنا نصلي مع بعض..ليش مدققين بس على المسجات اللي تجيب الريبة..
المهم اخوي قالي انه اعترف ان في غلط بالاسلوب والكلام اللي بالمسجات صج يشكك..
وقال لأخوي ان انا لما قرتلي المسجات ماكنت مصدق اللي كاتبه..
وقاله ان انا مو مستعد أخسرها انا أبيها انا أحبها انا مابي أخسرها وانا مستعد اسويلها الللي تبي حتى لو تاخذ تلفوني انا راضي..انا عصبت عليها أمس لأنها قالت لي كلام جد ما كان ببالي ولا بنيتي..
والقرار لها ..ظانا مقدر مشاعرها..
فقاله أخوي..شوف انا على اللي أشوفه منك ما توقعت هالمسجات وبصراحة انصدمت لكن ماكنت أبي أحكم بدون لا أسمعك..انا الحين ما راح أكلمك خلاص دامي سمعتك راح اكلم الثاني ولد أخوي ..
فقلي اخوي انا قتلج كل اللي قاله وانتي الحين خليج عندي هاليومين والموضوع اوعدج انه راح يكون بسرية تامة..
اذا تبينه نصلح بينكم واذا تبين تتطلقين فهذا قرارج..
قتله شسوي يا خوي انا على الثقة اللي عطيتها زوجي انصدمت لي درجة زيااادة حيييل وحاسة اني ما أطيقة كل ما أتذكر المسجات..
فقالي خلاص..استخيييري..
وقتله انزين وانت شرايك..
قالي شوفي كل انسان معرض للنزوات سواء الصغيرة او الكبيرة انا نفسي اللي تشوفيني تعرضت لنزوات..والانسان مو معصوم..انا برايي دامه متعلق فيج تسامحينه هالمرة وان حسيتي مرة ثانية مجرد احساس وثبت لنا انه صج هني نتخذ معاه اجراء ثاني..
فنمت عند أخوي يومين كنت فيهم دايما أصلي وكنت متضايقة حييل وكنت أشكي لربي وقتله يا رب اكتب لي للي فيه الصالح
والله على ما أقول شهيد..
اكملكم بعدين

اختي صدقيني لا تستعجلين بالطلاق

اول شي تأكدي من السالفه واعيد و اكررها تأكدي تأكدي تأكدي و ذيج الساعه يصير خير.. مادري ليش انا حاسه انهم بريئين من طريقة وصفج لتصرفاتهم .. اما سالفة المسجات لابد انج تتأكدين .. اكيد لها تفسيرات بس تأكدي منها

وصدقيني انا مصدقتج وما عليج من اللي يجذبونج .. انا ياما بنات في هالمنتدى جذبوني بس عطيهم طاف.. اذن من طين واذن من عجين

والله استغرب من ناس ما تراعي شعور الغير ولا تلتمس العذر للناس كل همهم هو التهجم ثم التهجم

واذا انتي مو متأكده من كلام الأخت تأكدي قبل ما تتهمين بالكذب

لا حول ولا قوة الا بالله العلي العظيم

بنات الحياه بكبرها تصير فيها امور والله ماتخش العقل سواء بالمشكله بكبرها او تفاصيلها الغريبه
الادميه يمكن سالفتها حصلت..ماندري
مع العلم انه انا بعد مستغربه
يعني اختها ماتقدر تستنى الين تكتب اختها مشكلتها!!!
ومن بداية مشكلة الاخت لما قرت الرساله اللي مكتوب فيها انا ابيك كلك كلك كلك
والكلام الباقي اللي يجيب القرف
ليش ماتصرفت؟؟!!
السالفه واضحة ومايبغالها تأكد
الادمي مسوي علاقه مع ولد اخوك سواء كانت مزح او حقيقه
لا تطولين السالفه وهي قصيره وااضحه وبااااينه
واجهي زوجك وشوفي ايش يقولك
وبعدين انتي ادرى بالتصرف اللي لازم يصير
بأنك تقلبين الدنيا على راسه وعلى راس ولد اخوك بس لاتوصل لاهلك
اول شي خليهم يتواجهون قدامك
ويا اختي اذا عندك كلام ثاني لسالفتك اكتبيه على طول ولا تجزئين شي
قولي لاختك ابغى الجهاز شوي واعتقد مارح ترفض
لان زي منتي شايفه كيف البنات يستنونك وشايلين همك
والله يعينك...